ရိမ့ၤ 7:6 - Sgaw Karen Common Bible

⁶ မ့မ့ၢ်ခဲအံၤ, ပထူၣ်ဖျဲးထီၣ်လၢတၢ်သိၣ်တၢ်သီမ့ၢ်လၢပသံ သဒၣ်ကွံာ်တၢ်တမံၤလၢတဘျီဟံးဃာ်ဖီၣ်ဃာ်ပှၤအဃိ န့ၣ်လီၤ. ပတမၤတၢ်လၢကျဲလီၢ်လံၤ ဒ်တၢ်သိၣ်တၢ်သီကွဲးအသး အသိးလၢၤဘၣ်, မ့မ့ၢ်လၢကျဲအသီဒ်ကစၢ်ယွၤအသးဒုးမၤပှၤ အသိးန့ၣ်လီၤ.

ရိမ့ၤ 7:6 Iomraidhean Croise

လံာ်ယဃ့းစက့လး 11:19

ယကဟ့ၣ်လီၤအဝဲသ့ၣ်လၢသးအကံၢ်အလဲအသီဒီးသးလၢ အသ့ၣ်ညါဒၣ်တၢ်အသီလီၤ. ယကဟံးထီၣ်ကွံာ်အဝဲသ့ၣ်အသးလၢအကိၤဒ်လၢၢ်အသိးဒီးဟ့ၣ်လီၤ အဝဲသ့ၣ်လၢသးလၢအစူၢ်တၢ်တဖျၢၣ်န့ၣ်လီၤ.

လံာ်ယဃ့းစက့လး 36:26

ယကဟ့ၣ်လီၤသုလၢသးအသီတဖျၢၣ်ဒီးတၢ်ပာ်သူၣ်ပာ်သးအသီ တမံၤန့ၣ်လီၤ. ယကဟံးထီၣ်ကွံာ်သုသးလၢအကိၤဒ်လၢၢ်အသိး ဒီးဟ့ၣ်လီၤသုသးလၢအစူၢ်တၢ်တဖျၢၣ်န့ၣ်လီၤ.

ရိမ့ၤ 1:9

အဂ့ၢ်ဒ်အံၤ, ကစၢ်ယွၤလၢယမၤအတၢ်လၢယသးဒီဖျၢၣ်ညါ ခီဖျိတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီးအဖိခွါန့ၣ်, မ့ၢ်ပှၤအုၣ်အသးလၢတၢ်လၢယစံးတဖၣ်မ့ၢ်ဝဲတီဝဲန့ၣ်လီၤ. ကစၢ်ယွၤသ့ၣ်ညါလၢယသ့ၣ်နီၣ်ထီၣ်သုထီဘိလၢယတၢ် ထုကဖၣ်အပူၤန့ၣ်လီၤ.

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

ရိမ့ၤ 6:11

ဒ်န့ၣ်အသိး, သုကဘၣ်သ့ၣ်ညါလီၤသုသးလၢဖဲ အဘၣ်ဃးဒီးတၢ်ဒဲးဘးန့ၣ်သုသံလံ. ဘၣ်ဆၣ်ဒီးသုမူသုဝဲလၢကစၢ်ယွၤအပူၤခီဖျိ ယ့ၣ်ၡူးခရံာ်န့ၣ်လီၤ.

ရိမ့ၤ 6:19

(ယကတိၤတၢ်ကတိၤမုၢ်ဆ့ၣ်မုၢ်ဂီၤတဖၣ်မ့ၢ်လၢသုမ့ၢ် ပှၤဟီၣ်ခိၣ်ဖိ, ဒီးသုတၢ်သ့ၣ်ညါနၢ်ပၢၢ်တထီၣ်ဘးအဃိ လီၤ.) တဘျီန့ၣ်သုဟ့ၣ်လီၤသုသးလၢာ်လၢာ်ဆ့ဆ့ဒ်တၢ် တစီတဆှံဒီးတၢ်အၢတၢ်သီအကုၢ်တဖၣ်အသိးအိၣ် ဒီးတၢ်တိာ်အအၢအသီတဖၣ်န့ၣ်လီၤ. လၢကျဲဒ်န့ၣ်အသိး, အခဲအံၤသုကဘၣ်ဟ့ၣ်လီၤသုသးလၢာ်လၢာ်ဆ့ဆ့ဒ် တၢ်တီတၢ်လိၤအကုၢ်တဖၣ်အိၣ်ဒီးတၢ်တိာ်အစီအဆှံ တဖၣ်န့ၣ်လီၤ.

ရိမ့ၤ 6:2

တမ့ၢ်ဒ်န့ၣ်ဘၣ်. ပသံသဒၣ်ကွံာ်တၢ်ဒဲးဘးလံ. မ့မ့ၢ်ဒ်န့ၣ်ဒီး, ပအိၣ်မူဒံးလၢတၢ်ဒဲးဘးအပူၤကသ့လၢကျဲဒ်လဲၣ်.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

ရိမ့ၤ 6:4

မ့မ့ၢ်ဒ်န့ၣ်ဒီး, လၢပတၢ်ဒိးဘျၢပသးအဃိပဘၣ် တၢ်ခူၣ်လီၤဃုာ်ဒီးအီၤဒီးပသံဃုာ်ဒီးအီၤဒ်သိး, ဒ်ခရံာ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံခီဖျိပၢ်အစိကမီၤလၢအပှဲၤဒီးအလၤကပီၤ အသိးန့ၣ်, ပကအိၣ်ဒီးတၢ်အိၣ်မူအသီဒ်န့ၣ်အသိးစ့ၢ် ကီးလီၤ.

ရိမ့ၤ 7:1

ဒီပုၢ်ဝဲၢ်သးဘိသ့ၣ်ဧၢ, သုနၢ်ပၢၢ်တၢ်လၢယကစံးဘၣ် သုမ့ၢ်လၢသုဝဲခဲလၢာ်သုသ့ၣ်ညါနၢ်ပၢၢ်တၢ်သိၣ်တၢ်သီ အဃိလီၤ. တၢ်သိၣ်တၢ်သီပၢဘၣ်ပှၤကညီတဂၤဖဲအဝဲဒၣ် အိၣ်မူဒံးအခါန့ၣ်လီၤ.

ရိမ့ၤ 7:2

အဒိန့ၣ်, ပိာ်မုၣ်လၢအဒိးတ့ဒိးဖျီအသးဝံၤတဂၤန့ၣ်တၢ်သိၣ် တၢ်သီစၢဃာ်အီၤဒီးအဝၤဖဲအဝၤအိၣ်မူဒံးအခါန့ၣ်လီၤ. ဘၣ်ဆၣ်အဝၤမ့ၢ်သံဒီး, အဝဲထူၣ်ဖျဲးထီၣ်ဝဲလၢတၢ်သိၣ်တၢ်သီလၢအစၢဃာ်အီၤဒီး အဝၤန့ၣ်လီၤ.

ရိမ့ၤ 7:4

ဒီပုၢ်ဝဲၢ်သးဘိသ့ၣ်ဧၢ, တၢ်အဝဲန့ၣ်မ့ၢ်တၢ်တမံၤဃီလၢအမၤ အသးဒီးသုန့ၣ်လီၤ. သုသံသဒၣ်ကွံာ်စ့ၢ်ကီးတၢ်သိၣ်တၢ် သီမ့ၢ်လၢသုဘၣ်ဃးဒီးခရံာ်အနီၢ်ခိအဃိ, ဒီးခဲအံၤသုဘၣ်ဃးဒီးယ့ၣ်ၡူးလၢအဘၣ်တၢ်ဒုးဂဲၤဆၢ ထၢၣ်က့ၤအီၤလၢတၢ်သံတဂၤ, ဒ်သိးပကကဲဘျုးလၢကစၢ်ယွၤအတၢ်မၤအဂီၢ်လီၤ.

၂ ကရံၣ်သူး 3:6

အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ် တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ, တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

ကလၤတံ 6:15

ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးဝဲမ့ၢ်ဂ့ၤတမ့ၢ်တၢ်လၢ အကါဒိၣ်ဘၣ်. တၢ်လၢအကါဒိၣ်တခီမ့ၢ်ဝဲတၢ်ကဲထီၣ် တၢ်ဘၣ်တ့အသီန့ၣ်လီၤ.

အ့းဖ့းစူး 4:24

ဒီးသုဘၣ်ကူထီၣ်သိးထီၣ်နီၢ်အသီ, လၢအဘၣ်တၢ်တ့လီၤအီၤလီၤဂာ်ဒီးကစၢ်ယွၤ, ဒီးလီၣ်ဖျါထီၣ်အသးလၢတၢ်အိၣ်မူလၢအမ့ၢ်အတီ အပူၤ, လၢအစီဝဲဆှံဝဲဒီးတီဝဲလိၤဝဲန့ၣ်လီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ကလီးစဲ 3:10

ဒီးသုတူၢ်လိာ်စိာ်မူတ့ၢ်လံတၢ်အိၣ်မူအသီလၢအဘၣ် တၢ်မၤသီထီၣ်အီၤတဘိယူၢ်ဃီလၢကစၢ်ယွၤဒ်အက့ၢ်အဂီၤအသိး ဆူတၢ်သ့ၣ်ညါယွၤအလၢအပှဲၤအပူၤန့ၣ်လီၤ.