ရိမ့ၤ 7:3 - Sgaw Karen Common Bible

³ လၢတၢ်န့ၣ်အဃိ, အဝဲမ့ၢ်အိၣ်ဃုာ်ဒီးပိာ်ခွါအဂၤတဂၤဖဲ အဝၤအိၣ်မူဒံးဝဲအခါန့ၣ်ဒီး, အဝဲကဘၣ်တၢ်ကိးအီၤလၢပှၤ အဲၣ်ဘၢအဝၤန့ၣ်လီၤ. ဘၣ်ဆၣ်အဝၤမ့ၢ်သံလံဒီး, အဝဲကဲထီၣ်ပိာ်မုၣ်လၢအသဘျ့တဂၤဒ်တၢ်သိၣ်တၢ်သီ အိၣ်ဝဲအသိးဒီးအဝဲမ့ၢ်အိၣ်ဃုာ်ပိာ်ခွါအဂၤတဂၤန့ၣ်အဝဲ တမ့ၢ်လၢၤပှၤအဲၣ်ဘၢတၢ်ဘၣ်န့ၣ်လီၤ.

ရိမ့ၤ 7:3 Iomraidhean Croise

လံာ်တၢ်ဟးထီၣ်ကွံာ် 20:14

မၤကမၣ်မုၣ်ကမၣ်ခွါတဂ့ၤ.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်မးသဲ 5:32

ဘၣ်ဆၣ်ဒီးယစံးဘၣ်သုဒ်အံၤ, မ့တမ့ၢ်ဘၣ်လၢပိာ်မုၣ်န့ၣ်အဲၣ်ဘၢ အဝၤဘၣ်ဒီး, ပိာ်ခွါလၢအပာ်မၢ်အီၤန့ၣ်မၤကမၣ်အီၤဒီးမၢအီၤလၢ ကအဲၣ်ဘၢအဝၤန့ၣ်လီၤ. ဒီးပှၤတဂၤလၢ်လၢ်လၢအဟံးန့ၢ်ပိာ်မုၣ်လၢအဘၣ်တၢ်ပာ်မၢ်ကွံာ် အီၤန့ၣ်, မ့ၢ်ပှၤလၢအမၤကမၣ်ပှၤအမါန့ၣ်လီၤ.

ရိမ့ၤ 7:2

အဒိန့ၣ်, ပိာ်မုၣ်လၢအဒိးတ့ဒိးဖျီအသးဝံၤတဂၤန့ၣ်တၢ်သိၣ် တၢ်သီစၢဃာ်အီၤဒီးအဝၤဖဲအဝၤအိၣ်မူဒံးအခါန့ၣ်လီၤ. ဘၣ်ဆၣ်အဝၤမ့ၢ်သံဒီး, အဝဲထူၣ်ဖျဲးထီၣ်ဝဲလၢတၢ်သိၣ်တၢ်သီလၢအစၢဃာ်အီၤဒီး အဝၤန့ၣ်လီၤ.

ရိမ့ၤ 7:4

ဒီပုၢ်ဝဲၢ်သးဘိသ့ၣ်ဧၢ, တၢ်အဝဲန့ၣ်မ့ၢ်တၢ်တမံၤဃီလၢအမၤ အသးဒီးသုန့ၣ်လီၤ. သုသံသဒၣ်ကွံာ်စ့ၢ်ကီးတၢ်သိၣ်တၢ် သီမ့ၢ်လၢသုဘၣ်ဃးဒီးခရံာ်အနီၢ်ခိအဃိ, ဒီးခဲအံၤသုဘၣ်ဃးဒီးယ့ၣ်ၡူးလၢအဘၣ်တၢ်ဒုးဂဲၤဆၢ ထၢၣ်က့ၤအီၤလၢတၢ်သံတဂၤ, ဒ်သိးပကကဲဘျုးလၢကစၢ်ယွၤအတၢ်မၤအဂီၢ်လီၤ.

လံာ်နီၢ်ရူၤသး 2:13

တုၤနုၤတစု, နီၢ်ရူၤသးစံးဆၢဝဲဒၣ်, “ယကစၢ်ဧၢ, နမ့ၢ်ပှၤလၢအမၤဘျုးမၤဖှိၣ်ယၤဒိၣ်မးလီၤ. အဂ့ၢ်ဒ်အံၤ, ယမ့တမ့ၢ်ဘၣ်ဒ်ပှၤဒ်သိးဒီးနကုၢ်ပိာ်မုၣ်အကျါတဂၤ ဘၣ်ဆၣ်နမၤသးမုာ်ယၤလၢနတၢ်ကတိၤတၢ်မုာ်မုာ်ခုၣ်ခုၣ် တဖၣ်န့ၣ်လီၤ.”