ရိမ့ၤ 7:21 - Sgaw Karen Common Bible

²¹ လၢတၢ်န့ၣ်အဃိ, ယထံၣ်လၢတၢ်သိၣ်တၢ်သီတခါအံၤ, မၤတၢ်ဒ်အံၤဖဲယဆၢမၤတၢ်ဂ့ၤအခါန့ၣ်, တၢ်လၢယဃုထၢအီၤသ့မ့ၢ်ဒၣ်ထဲတၢ်အၢတၢ်သီတခါဧိၤန့ၣ်လီၤ.

ရိမ့ၤ 7:21 Iomraidhean Croise

စံးထီၣ်ပတြၢၤ 119:133

ဒုးထွဲယခီၣ်လၢနကလုၢ်ကထါအပူၤဒ်နအၢၣ်လီၤတ့ၢ်အသိး န့ၣ်တက့ၢ်. ဒီးမ်တၢ်အၢတၢ်သီအသုတပၢယၤနီတမံၤတဂ့ၤ.

စံးထီၣ်ပတြၢၤ 119:37

ဒုးဃၣ်ကွံာ်ယမဲာ်လၢတၢ်ကွၢ်တၢ်ကလီကလီ ဒီးဟ့ၣ်လၢ်ယၤတၢ်မူလၢ နကျဲဧိၤကပူၤဧိၤန့ၣ်တက့ၢ်.

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

စံးထီၣ်ပတြၢၤ 65:3

လၢအတၢ်ဒဲးဘးတဖၣ်အဃိန့ၣ်လီၤ. ပတၢ်ကမၣ်တဖၣ်မၤနၢၤပှၤ ဘၣ်ဆၣ်နပျၢ်ပတၢ်ကမၣ်လီၤ.

လံာ်လူၤကၣ် 4:1

ယ့ၣ်ၡူးလၢပှဲၤဝဲဒီးသးစီဆှံဖဲအဝဲဒၣ်ဟဲက့ၤလၢထံကျိယၢ်ဒ့ၣ်, ဒီးဘၣ်တၢ်ဆှၢအီၤလၢယွၤအသးန့ၣ်ဆူပှၢ်မုၢ်ကနၢ,

လံာ်ယိၤဟၣ် 8:34

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်သုတီတီလိၤလိၤလီၤ. ပှၤတဂၤလၢ်လၢ်လၢအမၤတၢ်ဒဲးဘးန့ၣ်, မ့ၢ်တၢ်ဒဲးဘးအကုၢ် အပှၤလီၤ.”

ရိမ့ၤ 6:12

သုတပျဲတၢ်ဒဲးဘးပၢသုနီၢ်ခိလၢအသံသ့အံၤ, ဒီးဒုးစူၢ်သုလၢသုနီၢ်ခိအတၢ်သူၣ်လီသးကွံတဖၣ်တဂ့ၤ.

ရိမ့ၤ 6:14

တၢ်ဒဲးဘးတဘၣ်ပၢသုဘၣ်. အဂ့ၢ်ဒ်အံၤ, သုတအိၣ်မူလၢတၢ်သိၣ်တၢ်သီအဖီလာ်ဘၣ်, မ့မ့ၢ်လၢကစၢ်ယွၤအဘျုးအဖှိၣ်အဖီလာ်န့ၣ်လီၤ.

ရိမ့ၤ 7:23

ဘၣ်ဆၣ်ဒီး ယထံၣ်တၢ်သိၣ်တၢ်သီအဂၤတခါမၤတၢ်လၢယနီၢ်ခိ အပူၤလီၤ. မ့ၢ်တၢ်သိၣ်တၢ်သီတခါလၢအဒုးလိာ်ယၤလိာ်အသးဒီး တၢ်သိၣ်တၢ်သီလၢအဘၣ်ယသးန့ၣ်လီၤ. ဒုးကဲထီၣ်ယၤလၢတၢ်ဒဲးဘးအတၢ်သိၣ်တၢ်သီလၢအမၤ တၢ်လၢယနီၢ်ခိအပူၤအကုၢ်တဂၤန့ၣ်လီၤ.

ရိမ့ၤ 7:25

စံးဘျုးကစၢ်ယွၤလၢအမၤတၢ်အံၤခီဖျိပကစၢ်ယ့ၣ်ၡူးခရံာ် အဃိတက့ၢ်. တၢ်လၢအမၤအသးဒီးယၤမ့ၢ်ဒ်အံၤလီၤ. လၢသူၣ်လၢသးန့ၣ်, ယမၤထွဲကစၢ်ယွၤအတၢ်သိၣ်တၢ်သီအခံ, မ့မ့ၢ်လၢနီၢ်ခိနီၢ်ခီန့ၣ်ယမၤထွဲတၢ်ဒဲးဘးအတၢ်သိၣ်တၢ်သီ အခံအဃိန့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

၂ ပ့းတရူး 2:19

သရၣ်အဘျၣ်တဖၣ်အံၤအၢၣ်လီၤအဝဲသ့ၣ်လၢကဟ့ၣ် အီၤတၢ်သဘျ့, မ့မ့ၢ်အဝဲသ့ၣ်အကစၢ်ဒၣ်ဝဲတခီကဲကုၢ်လၢလုၢ်လၢ် အၢသီလၢအမၤဟးဂီၤတၢ်တဖၣ်အဖီလာ်, အဂ့ၢ်ဒ်လဲၣ်န့ၣ်, ပှၤတဂၤဂၤမ့ၢ်ဒိးမၢအသးလၢတၢ်တမံၤမံၤဒီးအဝဲဒၣ် ကဲထီၣ်တၢ်တမံၤန့ၣ်အကုၢ်လီၤ.