ရိမ့ၤ 7:15 - Sgaw Karen Common Bible

¹⁵ တၢ်လၢယမၤအီၤတဖၣ်န့ၣ်ယတနၢ်ပၢၢ်က့ၤလၢအဂ့ၢ် ဘၣ်. တၢ်လၢယဆၢမၤန့ၣ် ယတမၤယဲဘၣ်. မ့မ့ၢ်, ယမၤတၢ်လၢယသးဟ့အီၤန့ၣ်လီၤ.

ရိမ့ၤ 7:15 Iomraidhean Croise

လံာ်စီၤပၤအခီၣ်ထံးတဘ့ၣ် 8:46

တုၤနပှၤဂီၢ်မုၢ်မၤတၢ်ဒဲးဘးထီဒါနၤ, ဒီးပှၤလၢအတမၤဒဲးဘး တၢ်တအိၣ်ဘၣ်နီတဂၤအခါန့ၣ်, လၢနတၢ်သးထီၣ်အပူၤနမ့ၢ်ပျဲအဒုၣ်အဒါတဖၣ်မၤနၢၤအဝဲသ့ၣ်ဒီး စိာ်ကွံာ်အဝဲသ့ၣ်ဒ်ပှၤဘၣ်တၢ်စၢဃာ်တဖၣ်အသိးဆူထံကီၢ်အဂၤ တနီၤနီၤ, ဒီးထံကီၢ်န့ၣ်မ့ၢ်ယံၤကဲာ်ဆိးဒၣ်လဲာ်,

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 101:3

ဒီး တပျဲတၢ်အၢတၢ်သီမၤအသး နီတစုဘၣ်. ပှၤတဖၣ်လၢ အဃၣ်ကွံာ်အသးယံၤဒီး ကစၢ်ယွၤအတၢ်ဖံးတၢ်မၤန့ၣ် ယသးဟ့အီၤ, ဒီးယတမၤဘၣ်အၢယသးဒီး အဝဲသ့ၣ်ဘၣ်.

စံးထီၣ်ပတြၢၤ 119:104

ယဒိးန့ၢ်တၢ်ကူၣ်သ့ခီဖျိ နတၢ်သိၣ်တၢ်သီတဖၣ်န့ၣ်လီၤ. မၤသးဒ်န့ၣ်ဒီးယသးဟ့တၢ်ကတိၤ ကဘျံးကဘျၣ်အကျဲခဲလၢာ်န့ၣ်လီၤ.

စံးထီၣ်ပတြၢၤ 119:113

ပှၤလၢအသးခံဖျၢၣ်တဖၣ်န့ၣ်ယသးဟ့အီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

စံးထီၣ်ပတြၢၤ 119:128

ဒီးယပိာ်ထွဲနတၢ်မၤလိာ်ခဲလၢာ်အခံလီၤ. ကယဲၢ်ကျဲဘၣ်ဃးဒီးတၢ်ကဘျံးကဘျၣ်န့ၣ် ယသးဟ့အီၤကိးဘိဒဲးလီၤ.

စံးထီၣ်ပတြၢၤ 119:163

တၢ်ကတိၤကဘျံးကဘျၣ်န့ၣ်ယသးဟ့အီၤ, ဒီးယသးဘၣ်အၢအီၤလီၤ. မ့မ့ၢ်နတၢ်သိၣ်တၢ်သီန့ၣ်ယအဲၣ်အီၤလီၤ.

စံးထီၣ်ပတြၢၤ 119:32

တုၤနဟ့ၣ်အါထီၣ်ယၤယတၢ်သ့ၣ်ညါနၢ်ပၢၢ်တၢ်န့ၣ်ဒီး ယကစူၢ်နတၢ်မၤလိာ်တဖၣ်လၢ တၢ်သးဆူၣ်အပူၤလီၤ.

စံးထီၣ်ပတြၢၤ 119:40

ကွၢ်ကွၢ်, ယဆၢတိၢ်န့ၢ်ဘၣ်နတၢ်သိၣ်တၢ်သီတဖၣ်လီၤ. ဟ့ၣ်လၢ်ယၤတၢ်အိၣ်မူအသီလၢ နတၢ်တီတၢ်လိၤအပူၤန့ၣ်တက့ၢ်.

စံးထီၣ်ပတြၢၤ 19:12

ပှၤထံၣ်သ့ၣ်ညါအတၢ်ကမၣ်ဒၣ်ဝဲ တသ့နီတဂၤဘၣ်. ယွၤဧၢ, မၤကဆှီယၤလၢ တၢ်ကမၣ်ခူသူၣ်တဖၣ်န့ၣ်တက့ၢ်.

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

စံးထီၣ်ပတြၢၤ 65:3

လၢအတၢ်ဒဲးဘးတဖၣ်အဃိန့ၣ်လီၤ. ပတၢ်ကမၣ်တဖၣ်မၤနၢၤပှၤ ဘၣ်ဆၣ်နပျၢ်ပတၢ်ကမၣ်လီၤ.

စံးထီၣ်ပတြၢၤ 97:10

ယွၤအဲၣ်ပှၤလၢအသးဟ့တၢ်အၢ, အဝဲဒီဒၣ်အိၣ်ပှိၤအပှၤဂီၢ်မုၢ်အသးသမူ, ဒီးမၤပူၤဖျဲးအဝဲသ့ၣ်လၢ ပှၤအၢပှၤသီအတၢ်စိတၢ်ကမီၤအပူၤန့ၣ်လီၤ.

တၢ်ကတိၤဒိ. 13:5

ပှၤအတီအလိၤသးဟ့တၢ်လီတၢ်ဝ့ၤတဖၣ်လီၤ. မ့မ့ၢ်ပှၤအၢပှၤသီအတၢ်ကတိၤတဖၣ်လီၤမဲာ်ဆှးဒီးအလၤကပီၤ တအိၣ်ဘၣ်န့ၣ်လီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်နၤဃူၣ် 1:7

ယွၤန့ၣ်ဂ့ၤဝဲ ဒီးမ့ၢ်တိာ်ဧိၤတာ်ဧိၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ. ဒီးအဝဲသ့ၣ်ညါပှၤလၢအသန့ၤအသးလၢအီၤလီၤ.

လံာ်လူၤကၣ် 11:48

မ့မ့ၢ်ဒ်န့ၣ်ဒီးသုအၢၣ်လီၤသုဝဲလၢသုဘၣ်သူၣ်ဘၣ်သးတၢ်လၢ သုပၢ်လၢပျၢၤတဖၣ်မၤတ့ၢ်ဝဲန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသံဝံတဖၣ်န့ၣ်, ဒီးသုဝဲသုမၤထီၣ်အဝဲသ့ၣ်အတၢ်သွၣ်ခိၣ်အပူၤတဖၣ်လီၤ.

လံာ်ယိၤဟၣ် 15:15

ယတကိးသုလၢတၢ်ခ့တၢ်ပှၤတဖၣ်လၢၤဘၣ်. မ့ၢ်လၢတၢ်ခ့ တၢ်ပှၤတဂၤန့ၣ်တသ့ၣ်ညါတၢ်လၢအဝဲအကစၢ်မၤဝဲ န့ၣ်ဘၣ်အဃိလီၤ. မ့မ့ၢ်, ယကိးသုလၢတံၤသကိးတဖၣ်, မ့ၢ်လၢယစံးဘၣ်တဲဘၣ်သုတၢ်ခဲလၢာ်လၢယနၢ် ဟူလၢယပၢ်အအိၣ်အဃိလီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

ရိမ့ၤ 14:22

ပၢၤဃာ်တၢ်လၢနနာ်ဘၣ်ထွဲဒီးတၢ်ဂ့ၢ်အံၤလၢနကစၢ်ဒၣ်နဲ ဒီးကစၢ်ယွၤအဘၢၣ်စၢၤန့ၣ်တက့ၢ်. ပှၤလၢအတစံၣ်ညီၣ်ဃၣ်လီၤအသးဖဲအမၤတၢ်လၢအဆိ ကမိၣ်ဝဲလၢအဘၣ်န့ၣ်, မ့ၢ်ပှၤတဂၤလၢအသးခုနီၢ်နီၢ်န့ၣ်လီၤ.

ရိမ့ၤ 7:16

ဖဲယမၤတၢ်လၢယတသးအိၣ်မၤန့ၣ်, မ့ၢ်ယအၢၣ်လီၤယဲလၢတၢ်သိၣ်တၢ်သီမ့ၢ်တၢ်လၢ အဂ့ၤဝဲဘၣ်ဝဲန့ၣ်လီၤ.

ကလၤတံ 5:17

အဂ့ၢ်ဒ်အံၤ, ပဖံးပညၣ်အတၢ်သူၣ်လီသးကွံန့ၣ် ထီဒါလိာ်အသးဒီးယွၤအသးအတၢ်အဲၣ်ဒိး, ဒီးယွၤအသးအတၢ်အဲၣ်ဒိးန့ၣ်ထီဒါလိာ်အသးဒီးပဖံးပညၣ် အတၢ်သူၣ်လီသးကွံန့ၣ်လီၤ. တၢ်ခံမံၤအံၤထီဒုၣ်ထီဒါလိာ် အသးအဃိ, တၢ်လၢသုဆၢမၤန့ၣ်သုမၤသုဝဲတသ့ဘၣ်.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

ဧ့ၤဘြံၤ 1:9

နအဲၣ်တၢ်လၢအဘၣ်ဒီး နသးဟ့တၢ်လၢအတဘၣ်ဘၣ်န့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤဃုထၢထီၣ် ဒီးဖှူနၤလၢတၢ်သးခုအသိ အါန့ၢ်ဒိၣ်န့ၢ်ဒံးနတံၤသကိးတဖၣ်တက့ၢ်လီၤ.”

ယၤကိာ် 3:2

ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.

ယူဒၤ 1:23

အုၣ်က့ၤခီၣ်က့ၤပှၤဂၤတဖၣ်ခီဖျိတၢ်ထုးထီၣ်ကွံာ်အဝဲသ့ၣ် လၢမ့ၣ်အူပူၤန့ၣ်တက့ၢ်. ဒီးပှၤအဂၤတဖၣ်န့ၣ်ဒုးနဲၣ်တၢ်သးကညီၤဃါဃုာ်ဒီးတၢ်ပျံၤတၢ်ဖုး, ဒီးသးဟ့ဒၣ်လဲာ်အဝဲသ့ၣ်အကူအသိးလၢ အဘၣ်တၢ်မၤဘၣ်အၢဘၣ်သီအီၤလၢအဝဲသ့ၣ်အနီၢ်ခိတၢ်ဒဲးဘး တဖၣ်န့ၣ်တက့ၢ်.