ရိမ့ၤ 7:14 - Sgaw Karen Common Bible

¹⁴ ပသ့ၣ်ညါလၢတၢ်သိၣ်တၢ်သီမ့ၢ်တၢ်ဘၣ်ဃးလၢသူၣ်လၢ သးလီၤ. ဘၣ်ဆၣ်ယမ့ၢ်ပှၤလၢအဘၣ်ဃးဒီးနီၢ်ခိလၢ အသံသ့တဂၤလၢအဘၣ်တၢ်ဆါလီၤကွံာ်အီၤဒ်ကုၢ် တဂၤအသိးဆူတၢ်ဒဲးဘးအပူၤန့ၣ်လီၤ.

ရိမ့ၤ 7:14 Iomraidhean Croise

လံာ်တၢ်ကဲထီၣ်အခီၣ်ထံး 37:27

မ်ပကဆါကွံာ်အီၤဆူပှၤယံးၡမၤဧ့လးဖိသ့ၣ်တဖၣ်အအိၣ်န့ၣ်တ က့ၢ်. အန့ၣ်ဒီးပတမၤဆါဘၣ်အီၤဘၣ်. နီၢ်နီၢ်တခီ, အဝဲမ့ၢ်ဒၣ်ပဒီပုၢ်ဝဲၢ်ခွါ, ပဖံးပညၣ်ဒီးပသွံၣ်ပထံဒၣ်ဝဲလီၤ.” အဒီပုၢ်ဝဲၢ်ခွါတဖၣ်ဘၣ်သူၣ်ဘၣ်သးဝဲ,

လံာ်တၢ်ကဲထီၣ်အခီၣ်ထံး 37:36

အကတီၢ်ဖဲန့ၣ်, လၢကီၢ်အဲၤကူပတူးအပူၤ, ပှၤမံးဒယၣ်ဖိတဖၣ်ဆါလီၤကွံာ်လံစီၤယိၤသးဆူစီၤပိၤတံၤ ဖၢ်, ပှၤပၢၤနီအခိၣ်တဂၤလၢအမ့ၢ်စီၤပၤအပဒိၣ်ပပှၢ်တဖၣ်အကျါတဂၤအစု ပူၤလီၤ.

လံာ်တၢ်ကဲထီၣ်အခီၣ်ထံး 40:15

နီၢ်နီၢ်တခီန့ၣ်, ယဘၣ်တၢ်ဟုၣ်စိာ်ထီၣ်ယၤလၢပှၤဧ့ၤဘြံၤဖိတဖၣ် အကီၢ်ပူၤ, ဒီးဖဲအံၤ, လၢကီၢ်အဲၤကူပတူးအပူၤဒၣ်လဲာ်န့ၣ်, ယတမၤတၢ်နီတမံၤဒ်သိးကကြၢးဘၣ်တၢ်ဒၢနုာ်ဆူဃိာ်ပူၤဘၣ်.”

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:25

(ပှၤဒ်စီၤအၤဃာ်အသိးန့ၣ်တအိၣ်ဘၣ်နီတဂၤဂၤဘၣ်. အဝဲဟ့ၣ်လီၤအးလီၤအသးလၢာ်လၢာ်ဆ့ဆ့လၢကမၤတၢ်ကမၣ်လၢယွၤ အမဲာ်ညါ, ကယဲၢ်တၢ်လၢအမါနီၢ်အံၤစ့ဘ့ၤလးမၢဆူၣ်အီၤလၢကမၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:17

အဝဲသ့ၣ်လုၢ်ထီၣ်ပာ်ထီၣ်အဖိခွါတဖၣ်ဒီးအဖိမုၣ်တဖၣ်ဒ်တၢ်ဆိၣ် ကဲၤနၢမူဆူပှၤတစူၢ်တနာ်ယွၤအကစၢ်တဖၣ်အအိၣ်လီၤ. အဝဲသ့ၣ်သံကွၢ်တၢ်လၢပှၤသံအကလၤဒီး, ပှၤဖးတၢ်ဟဲဝံဟဲစိာ် တဖၣ်အအိၣ်ဒီးအဝဲသ့ၣ်ဟ့ၣ်လီၤအသးလၢာ်လၢာ်ဆ့ဆ့ဆူတၢ်မၤတၢ် လၢအကမၣ်လၢယွၤအမဲာ်ညါ, သတးဒီးထိၣ်ဂဲၤအဝဲအတၢ်သးထီၣ်န့ၣ်လီၤ.

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

စံးထီၣ်ပတြၢၤ 119:25

ယသးစဲဘူးဒီးဟီၣ်ခိၣ်အကမူၣ်လီၤ. ယဘၣ်တၢ်ဆီၣ်လီၤယၤလၢ ဖၣ်ဆါအကျါလီၤ. မၤမူထီၣ်က့ၤယၤဒ်နကလုၢ်နကထါအသိးန့ၣ်တက့ၢ်.

စံးထီၣ်ပတြၢၤ 51:6

တၢ်သူၣ်တီသးလိၤဒီးတၢ်မ့ၢ်တၢ်တီန့ၣ် မ့ၢ်တၢ်လၢနသးလီန့ၣ်လီၤ. မၤပှဲၤယသးလၢနတၢ်ကူၣ်သ့န့ၣ်တက့ၢ်.

လံာ်တၢ်ဟးထီၣ်ကွံာ် 22:3

ဆၣ်ဖိကီၢ်ဖိလၢဘၣ်တၢ်ဟုၣ်န့ၢ်အီၤတဒုန့ၣ်မ့မ့ၢ်ကျီၢ်မိၢ် တဒုမ့ၢ်ဂ့ၤ, ကသ့ၣ်ယီၤတဒုမ့ၢ်ဂ့ၤ, သိတဒုမ့ၢ်ဂ့ၤဒီး, မ့ၢ်ဘၣ်တၢ်ထံၣ်န့ၢ်အီၤမူဒံးလၢအတၢ်ဖိတၢ်လံၤအကျါန့ၣ်, အဝဲကဘၣ်လိးက့ၤတၢ်ခံစးန့ၣ်လီၤ.

တၢ်ကတိၤဒိ. 30:2

ယလီၤဂာ်ဒီးဆၣ်ဖိကီၢ်ဖိအါန့ၢ်ဒံးပှၤကညီတဂၤ တက့ၢ်လီၤ. ယတအိၣ်ဒီးတၢ်သးဆးလၢကြၢးအိၣ်ဒီးပှၤကညီတဂၤန့ၣ်ဘၣ်.

တၢ်ကတိၤဒိ. 30:5

ယွၤမၤလၢပှဲၤအတၢ်အၢၣ်လီၤကိးထံၣ်ဒဲးလီၤ. အဝဲလီၤဂာ်ဒ်ကတီၤတဘ့ၣ်အသိးလၢပှၤဃုန့ၢ်အတၢ်ဒီဒၣ်အိၣ်ပှိၤ ကိးဂၤဒဲးအဂီၢ်လီၤ.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယၡါယၤ 52:3

ယွၤပၢဘၣ်တၢ်ခဲလၢာ်အကစၢ်စံးဘၣ်အပှၤဂီၢ်မုၢ်, “ဖဲသုကဲထီၣ်ကုၢ်တဖၣ်န့ၣ်, တၢ်တပှ့ၤန့ၢ်သုလၢစ့နီတဘ့ၣ်ဘၣ်. ဒ်န့ၣ်အသိး, တလိၣ်တၢ်ဟ့ၣ်တၢ်နီတမံၤလၢသုကထူၣ်ဖျဲးထီၣ် အဂီၢ်န့ၣ်ဘၣ်.

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်တၢ်ဘူၣ်ထီၣ်ဘါထီၣ် 13:12

မ့မ့ၢ်တၢ်ဆါအၢအံၤမ့ၢ်လဲၢ် တုၤအပှဲၤအနီၢ်ဒီတဂၤညါစးထီၣ်လၢအခိၣ်တုၤလၢအခီၣ်န့ၣ်,

လံာ်တၢ်ဘူၣ်ထီၣ်ဘါထီၣ် 13:16

ဘၣ်ဆၣ်ဒီးတၢ်အပူၤလီၢ်မ့ၢ်ဘျါဝဲဒီးဝါထီၣ်က့ၤကဒီးဝဲန့ၣ်, ပှၤတဂၤန့ၣ်ကဘၣ်လဲၤဆူပှၤလုၢ်တၢ်အခိၣ်အအိၣ်,

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်ဧၤမိၣ် 2:6

ဒီးယွၤစံးဝဲဒၣ်, “ပှၤကီၢ်အံၣ်စရ့လးဖိတဖၣ်မၤတ့ၢ်လံတၢ်ဒဲးဘးတဘျီဝံၤ တဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်ဆါလီၤကွံာ်ပှၤတီပှၤလိၤလၢအလိးက့ၤအကမၣ်တန့ၢ်တဖၣ် ဆူကုၢ်အလီၢ်, ဒီးပှၤဖှီၣ်ဖိယာ်ဖိလၢအလိးက့ၤအကမၣ်တန့ၢ်တ ဖၣ်န့ၣ်လၢခီၣ်ဖံးတဆိအပှ့ၤဒၣ်လဲာ်လီၤ.

လံာ်မးသဲ 16:23

ယ့ၣ်ၡူးဃၣ်အသးဒီးစံးဘၣ်စီၤပ့းတရူး, “မုၣ်ကီၤလံၢ်ဧၢ, ဟးဖးဒီးယၤတက့ၢ်. နမ့ၢ်ပှၤလၢအမၤတံာ်တာ်ယကျဲလီၤ. အဂ့ၢ်ဒ်အံၤ, နတၢ်ဆိကမိၣ်အံၤတမ့ၢ်တၢ်ဟဲလၢယွၤအအိၣ်ဘၣ်. မ့ၢ်တၢ်ဘၣ်ဃးဒီးပှၤကညီလီၤ.”

လံာ်မးသဲ 18:25

မ့ၢ်လၢအခ့အပှၤအံၤလိးက့ၤစ့အံၤတန့ၢ်ဘၣ်အဃိ, အကစၢ်ဟ့ၣ်လီၤအကလုၢ်လၢအကဘၣ်တၢ်ဆါလီၤကွံာ်အီၤ, အမါဒီးအဖိတဖၣ်, ဒီးတၢ်လၢအအိၣ်ဒီးအီၤခဲလၢာ်, ဒီးလိးက့ၤအကမၢ်န့ၣ်လီၤ.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မးသဲ 5:28

ဘၣ်ဆၣ်ဒီးအခဲအံၤယစံးဘၣ်သုလၢပှၤတဂၤဂၤလၢ အကွၢ်ပိာ်မုၣ်အိၣ်ဒီးတၢ်သးကတၢန့ၣ်, အဲၣ်ဘၢတ့ၢ်လံတၢ်လၢအသးကံၢ်ပူၤလံ.

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

လံာ်လူၤကၣ် 7:6

လၢတၢ်န့ၣ်အဃိ, ယ့ၣ်ၡူးလဲၤဒီးအဝဲသ့ၣ်လီၤ. ဖဲအဝဲဒၣ်ဘူးထီၣ်ဒီးဟံၣ်အဝဲန့ၣ်န့ၣ်, သုးခိၣ်ဆှၢလီၤအတံၤသကိးတဖၣ်ဆူအအိၣ်ဒ်သိးအကတဲဘၣ်အီၤ, “ကစၢ်ဧၢ, တဘၣ်မၤတံာ်တာ်နသးတဂ့ၤ. ယတကြၢးယဲလၢနကဟဲနုာ်ဆူယဟံၣ်ပူၤအဂီၢ်ဘၣ်.

ရိမ့ၤ 3:9

မ့မ့ၢ်ဒ်န့ၣ်ဒီး, ပဝဲပှၤယူဒၤဖိတဖၣ်မ့ၢ်ပဂ့ၤန့ၢ်ဒံးပှၤ ကလုာ်ဂၤတဖၣ်န့ၣ်ဧါ. တမ့ၢ်ဒ်န့ၣ်ဘၣ်. ယပာ်ဖျါတ့ၢ်လၢပှၤယူဒၤဖိဒီးပှၤကလုာ်ဂၤခဲလၢာ်အိၣ် ဒၣ်လၢတၢ်ဒဲးဘးအစိကမီၤအဖီလာ်ဒ်သိးသိးန့ၣ်လီၤ.

ရိမ့ၤ 6:6

ဒီးပသ့ၣ်ညါတၢ်အံၤလီၤ. ပနီၢ်လီၢ်လံၤအံၤဘၣ်တၢ်မၤသံတ့ၢ်လံအီၤဃုာ်ဒီးခရံာ်လၢ အထူၣ်စုညါအလိၤ, ဒ်သိးတၢ်ဒဲးဘးအနီၢ်ခိနီၢ်ကစၢ်အစိကမီၤ ကဘၣ်တၢ်မၤဟးဂီၤကွံာ်အီၤ, ဒီးဒ်သိးပသုတကဲလၢၤတၢ်ဒဲးဘးအကုၢ်အပှၤတဖၣ်တဂ့ၤအဂီၢ်န့ၣ်လီၤ.

ရိမ့ၤ 7:18

ဒ်ယအိၣ်ဒီးပှၤကညီအန့ဆၢၣ်အသိး, ယသ့ၣ်ညါလၢတၢ်ဂ့ၤတၢ်ဝါတမူလၢယပူၤဘၣ်. အဂ့ၢ်ဒ်လဲၣ်န့ၣ်, သးလၢအဆၢမၤဂ့ၤတၢ်အိၣ်လၢယပူၤသနာ်က့, ယမၤထွဲအီၤ တသ့ဘၣ်.

ကလၤတံ 4:3

ဒ်န့ၣ်အသိး, ပဝဲစ့ၢ်ကီးပကဲကုၢ်လၢသးတဖၣ်လၢအပၢ ဟီၣ်ခိၣ်မူခိၣ်အဖီလာ်တချုးပတုၤတၢ်ဒိၣ်တုာ်ခိၣ်ပှဲၤလၢ သူၣ်လၢသးန့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.