ရိမ့ၤ 6:6 - Sgaw Karen Common Bible

⁶ ဒီးပသ့ၣ်ညါတၢ်အံၤလီၤ. ပနီၢ်လီၢ်လံၤအံၤဘၣ်တၢ်မၤသံတ့ၢ်လံအီၤဃုာ်ဒီးခရံာ်လၢ အထူၣ်စုညါအလိၤ, ဒ်သိးတၢ်ဒဲးဘးအနီၢ်ခိနီၢ်ကစၢ်အစိကမီၤ ကဘၣ်တၢ်မၤဟးဂီၤကွံာ်အီၤ, ဒီးဒ်သိးပသုတကဲလၢၤတၢ်ဒဲးဘးအကုၢ်အပှၤတဖၣ်တဂ့ၤအဂီၢ်န့ၣ်လီၤ.

ရိမ့ၤ 6:6 Iomraidhean Croise

လံာ်စီၤပၤခံဘ့ၣ်တဘ့ၣ် 5:17

လၢတၢ်န့ၣ်အဃိစီၤနဧၤမၣ်စံးဝဲဒၣ်, “နမ့ၢ်တတူၢ်လိာ်ဘၣ်ယတၢ် ဟ့ၣ်အံၤန့ၣ်, ပျဲယမၤန့ၢ်ဟီၣ်ခိၣ်လၢယကက့ၤစိာ်အီၤဆူဟံၣ်ဒီးယၤ, ဘျဲးစိာ်ကသ့ၣ်လၤခံဒုတက့ၢ်. အဂ့ၢ်ဒ်အံၤ, စးထီၣ်ခဲအံၤဒီးဆူညါန့ၣ်, ယတလုၢ်လၢၤဘၣ်တၢ်လုၢ်တၢ်ပာ်မ့ၢ် ဂ့ၤ, တၢ်လုၢ်မ့ၣ်အူမ့ၢ်ဂ့ၤဆူကစၢ်အဂၤတဖၣ်လၢၤဘၣ်. ယကလုၢ်တၢ်ထဲဆူယွၤတဂၤဧိၤအအိၣ်လီၤ.

လံာ်ယၡါယၤ 26:13

ယွၤ, ပကစၢ်ယွၤဧၢ, ပဘၣ်တၢ်ပၢတ့ၢ်ပှၤလၢပှၤအဂၤတဖၣ်, ဘၣ်ဆၣ်ထဲနၤတဂၤဧိၤနမ့ၢ်ပယွၤလီၤ.

ရိမ့ၤ 6:12

သုတပျဲတၢ်ဒဲးဘးပၢသုနီၢ်ခိလၢအသံသ့အံၤ, ဒီးဒုးစူၢ်သုလၢသုနီၢ်ခိအတၢ်သူၣ်လီသးကွံတဖၣ်တဂ့ၤ.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

ရိမ့ၤ 7:14

ပသ့ၣ်ညါလၢတၢ်သိၣ်တၢ်သီမ့ၢ်တၢ်ဘၣ်ဃးလၢသူၣ်လၢ သးလီၤ. ဘၣ်ဆၣ်ယမ့ၢ်ပှၤလၢအဘၣ်ဃးဒီးနီၢ်ခိလၢ အသံသ့တဂၤလၢအဘၣ်တၢ်ဆါလီၤကွံာ်အီၤဒ်ကုၢ် တဂၤအသိးဆူတၢ်ဒဲးဘးအပူၤန့ၣ်လီၤ.

ရိမ့ၤ 8:13

အဂ့ၢ်ဒ်အံၤ, သုမ့ၢ်အိၣ်မူဒ်ဟီၣ်ခိၣ်ဖိအန့ဆၢၣ်မၢသု အသိးဒီးသုကသံလီၤ. ဘၣ်ဆၣ်ဒီးခီဖျိလၢယွၤအသးန့ၣ် သုမ့ၢ်မၤသံကွံာ်သုတၢ်ဒဲးဘးအတၢ်ဖံးတၢ်မၤတဖၣ်န့ၣ် ဒီးသုကမူလီၤ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ကလၤတံ 5:24

ဒီးပှၤလၢအဘၣ်ဃးဒီးယ့ၣ်ၡူးခရံာ်တဖၣ်န့ၣ်, မၤသံကွံာ်အတၢ်ဖံးတၢ်ညၣ်အသးဆၢန့ၢ်တၢ် ဒီး အတၢ်သူၣ်လီသးကွံခဲလၢာ်လံ.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.

အ့းဖ့းစူး 4:22

လၢတၢ်န့ၣ်အဃိ, ဘ့ၣ်လီၤကွံာ်တၢ်အိၣ်မူလီၢ်လံၤလၢအဒုးမူ သုဒ်သုမ့ၢ်တ့ၢ်သုဝဲအသိးန့ၣ်တက့ၢ်. ဒ်ပစံးတၢ်အသိး, တၢ်မူအလီၢ်လံၤလၢအဘၣ်တၢ်မၤဟးဂီၤကွံာ်အီၤလၢတၢ်မိၣ် န့ၢ်သးလီလၢအလီန့ၢ်တၢ်တဖၣ်န့ၣ်လီၤ.

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.