ရိမ့ၤ 6:2 - Sgaw Karen Common Bible

² တမ့ၢ်ဒ်န့ၣ်ဘၣ်. ပသံသဒၣ်ကွံာ်တၢ်ဒဲးဘးလံ. မ့မ့ၢ်ဒ်န့ၣ်ဒီး, ပအိၣ်မူဒံးလၢတၢ်ဒဲးဘးအပူၤကသ့လၢကျဲဒ်လဲၣ်.

ရိမ့ၤ 6:2 Iomraidhean Croise

လံာ်တၢ်ကဲထီၣ်အခီၣ်ထံး 39:9

ယအိၣ်ဒီးတၢ်စိတၢ်ကမီၤထဲသိးဒီးအီၤလၢဟံၣ်အံၤအပူၤန့ၣ် လီၤ. မ့တမ့ၢ်ဘၣ်ထဲလၢနၤတဂၤဧိၤဘၣ်ဒီး, အဝဲတတြီဃာ်တၢ်အဂုၤအဂၤနီတမံၤလၢယကပၢၤအီၤဘၣ်လီၤ. လၢတၢ်န့ၣ်အဃိ, ယကမၤတၢ်အၢတၢ်သီဒ်သိးအံၤတမံၤဒီးမၤတၢ်ဒဲး ဘးထီဒါကစၢ်ယွၤဒ်လဲၣ်.”

စံးထီၣ်ပတြၢၤ 119:104

ယဒိးန့ၢ်တၢ်ကူၣ်သ့ခီဖျိ နတၢ်သိၣ်တၢ်သီတဖၣ်န့ၣ်လီၤ. မၤသးဒ်န့ၣ်ဒီးယသးဟ့တၢ်ကတိၤ ကဘျံးကဘျၣ်အကျဲခဲလၢာ်န့ၣ်လီၤ.

လံာ်လူၤကၣ် 20:16

“အဝဲဒၣ်ကဟဲဒီးမၤသံပှၤသ့ၣ်တဖၣ်န့ၣ်, ဒီးဟ့ၣ်လီၤက့ၤစပံးလီၢ်ဆူ ပှၤမၤဟီၣ်ခိၣ်အဂၤတဖၣ်အစုပူၤလီၤ.” ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်စံးဝဲ, “မ်တၢ်သုတမၤအသးဒ်န့ၣ်တဂ့ၤ.”

ရိမ့ၤ 5:11

အါန့ၢ်အန့ၣ်, ပသးခုဒီးပာ်ကဖၢလၢပသးလၢကစၢ်ယွၤ အပူၤ, ခီဖျိပကစၢ်ယ့ၣ်ၡူးခရံာ်လၢအဒုးကဲထီၣ်ပှၤလၢ ကစၢ်ယွၤအတံၤသကိးတဖၣ်အဃိန့ၣ်လီၤ.

ရိမ့ၤ 6:15

မ့မ့ၢ်ဒ်န့ၣ်ဒီး, မ့ၢ်လၢပအိၣ်လၢတၢ်ဘျုးတၢ်ဖှိၣ်အဖီလာ်ဒီး တမ့ၢ်ဘၣ်လၢတၢ်သိၣ်တၢ်သီအဖီလာ်အဃိ, မ့ၢ်ပကမၤ တၢ်ဒဲးဘးဧါ. တမ့ၢ်ဒ်န့ၣ်လ့ၤတက့ၤဘၣ်.

ရိမ့ၤ 7:4

ဒီပုၢ်ဝဲၢ်သးဘိသ့ၣ်ဧၢ, တၢ်အဝဲန့ၣ်မ့ၢ်တၢ်တမံၤဃီလၢအမၤ အသးဒီးသုန့ၣ်လီၤ. သုသံသဒၣ်ကွံာ်စ့ၢ်ကီးတၢ်သိၣ်တၢ် သီမ့ၢ်လၢသုဘၣ်ဃးဒီးခရံာ်အနီၢ်ခိအဃိ, ဒီးခဲအံၤသုဘၣ်ဃးဒီးယ့ၣ်ၡူးလၢအဘၣ်တၢ်ဒုးဂဲၤဆၢ ထၢၣ်က့ၤအီၤလၢတၢ်သံတဂၤ, ဒ်သိးပကကဲဘျုးလၢကစၢ်ယွၤအတၢ်မၤအဂီၢ်လီၤ.

ရိမ့ၤ 7:6

မ့မ့ၢ်ခဲအံၤ, ပထူၣ်ဖျဲးထီၣ်လၢတၢ်သိၣ်တၢ်သီမ့ၢ်လၢပသံ သဒၣ်ကွံာ်တၢ်တမံၤလၢတဘျီဟံးဃာ်ဖီၣ်ဃာ်ပှၤအဃိ န့ၣ်လီၤ. ပတမၤတၢ်လၢကျဲလီၢ်လံၤ ဒ်တၢ်သိၣ်တၢ်သီကွဲးအသး အသိးလၢၤဘၣ်, မ့မ့ၢ်လၢကျဲအသီဒ်ကစၢ်ယွၤအသးဒုးမၤပှၤ အသိးန့ၣ်လီၤ.

ကလၤတံ 2:19

ဖဲလၢအဘၣ်ဃးဒီးတၢ်သိၣ်တၢ်သီန့ၣ်ယသံယဲလံ. ယဘၣ်တၢ်မၤသံယၤလၢတၢ်သိၣ်တၢ်သီအကစၢ်ဒၣ်ဝဲ, ဒ်သိးယကမူလၢကစၢ်ယွၤအဂီၢ်န့ၣ်လီၤ. ယဒိးသံဃုာ်ယသးဒီးခရံာ်လၢအထူၣ်စုညါအလိၤ န့ၣ်လံ.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.

ကလီးစဲ 2:20

သုသံတ့ၢ်ဃုာ်ဒီးခရံာ် ဒီးဘၣ်တၢ်မၤထူၣ်ဖျဲးထီၣ်သုလၢဟီၣ် ခိၣ်အပှၤပၢတၢ်ဘၣ်ဃးဒီးသူၣ်ဒီးသးတဖၣ်အတၢ်ပၢတၢ်ဆှၢ အဖီလာ်လံ. မ့မ့ၢ်ဒ်န့ၣ်ဒီး, ဘၣ်မနုၤလၢသုအိၣ်မူဒ်ပှၤတဖၣ်လၢ အဘၣ်ဃးဒံးဒီးဟီၣ်ခိၣ်အသိးန့ၣ်လဲၣ်. ဘၣ်မနုၤလၢသုဟံးဃာ် ဒံးတၢ်ဒုၣ်တၢ်ထုတဖၣ်,

ကလီးစဲ 3:3

အဂ့ၢ်ဒ်အံၤ, သုသံတ့ၢ်ဃုာ်ဒီးခရံာ်, ဒီးသုတၢ်မူနီၢ်နီၢ်အိၣ်ခူသူၣ်ဃုာ်ဒီးခရံာ်လၢကစၢ်ယွၤ အပူၤလီၤ.

၁ ပ့းတရူး 1:14

စူၢ်ကစၢ်ယွၤတက့ၢ်. ဒီးတဘၣ်ပျဲသုသးသမူမၤန့ၢ်အက့ၢ်အဂီၤလၢအဘၣ်တၢ်တ့န့ၢ် အီၤလၢတၢ်သူၣ်လီသးကွံလၢအအိၣ်ဒီးသုဖဲသုတၢ်သ့ၣ်ညါ နၢ်ပၢၢ်တအိၣ်ဒံးဘၣ်အခါန့ၣ်တဂ့ၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ယိၤဟၣ် 3:9

မတၤတဂၤဂ့ၤတဂၤဂ့ၤလၢအမ့ၢ်ကစၢ်ယွၤအဖိန့ၣ်, တမၤလၢၤ တၢ်ဒဲးဘးဘၣ်. မ့ၢ်လၢကစၢ်ယွၤအန့ဆၢၣ်အိၣ်လၢအပူၤ အဃိလီၤ. ဒီးမ့ၢ်လၢကစၢ်ယွၤမ့ၢ်အဝဲဒၣ်အပၢ်အဃိ, အဝဲဒၣ်မၤတၢ်ဒဲးဘးတသ့လၢၤဘၣ်.