ရိမ့ၤ 6:13 - Sgaw Karen Common Bible

¹³ တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

ရိမ့ၤ 6:13 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

စံးထီၣ်ပတြၢၤ 37:30

ပှၤအဂ့ၤအဝါအတၢ်ကတိၤန့ၣ်မ့ၢ်တၢ်ကူၣ်သ့ ဒီးအဝဲသ့ၣ်ထီဘိစံးကတိၤတၢ်အမ့ၢ်အတီလီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယဃ့းစက့လး 18:4

ပှၤကိးဂၤဒဲးအတၢ်အိၣ်မူန့ၣ်ဘၣ်ဃးဒီးယၤ, မိၢ်ပၢ်တဖၣ်အတၢ်အိၣ်မူ ဒီးဒ်န့ၣ်အသိးဖိတဖၣ်အတၢ်အိၣ်မူစ့ၢ်ကီးန့ၣ်လီၤ. ပှၤတဂၤလၢအမၤတၢ်ဒဲးဘးန့ၣ်မ့ၢ်ပှၤတဂၤလၢကဘၣ်သံဝဲန့ၣ်လီၤ.

လံာ်ဒၤနံးယ့လး 3:28

စီၤပၤနဘူၤကးန့စၢ်စံးဝဲဒၣ်, “စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤမ် အဘၣ်တၢ်စံးထီၣ်ပတြၢၤအီၤတက့ၢ်. ဆှၢလီၤဝဲအကလူးဒ်သိးကအုၣ် က့ၤခီၣ်က့ၤပှၤလၢအမၤအတၢ်မၤဒီးစူၢ်အီၤနာ်အီၤတဖၣ်အံၤန့ၣ်လီၤ. အဝဲသ့ၣ်တကနၣ်ဘၣ်ယကလုၢ်ဘၣ်ဒီးညိကွံာ်အသးသမူဒူဝဲအါ န့ၢ်ဒံးအကချံးခီၣ်တီၤလီၤဘူၣ်ထီၣ်ဘါထီၣ်ကစၢ်တဂၤဂၤလၢ အတမ့ၢ်ဘၣ်အကစၢ်ယွၤဘၣ်န့ၣ်လီၤ.

လံာ်လူၤကၣ် 15:24

အဂ့ၢ်ဒ်အံၤယဖိခွါတဂၤအံၤသံတ့ၢ်ဝဲ, ဘၣ်ဆၣ်ဒီးခဲကနံၣ်အံၤအဝဲဒၣ်မူထီၣ်က့ၤလံ. အဝဲဒၣ်လီၤမၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤအီၤလံ.’ မၤသးဒ်န့ၣ်ဒီး တၢ်အီၣ်တၢ်အီအမူးစးထီၣ်ဝဲဒၣ်လီၤ.

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

ရိမ့ၤ 1:29

အဝဲသ့ၣ်လၢပှဲၤဝဲဒီးတၢ်လၢအအၢအသီအကလုာ် ကလုာ်, တၢ်အၢတၢ်သီ, တၢ်သူၣ်လီသးကွံဒီးတၢ်လုၢ်အၢလၢ်သီ တဖၣ်န့ၣ်လီၤ. အဝဲသ့ၣ်လၢပှဲၤဝဲဒီးတၢ်သူၣ်က့ၣ်သးကါ, တၢ်မၤသံပှၤကညီ, တၢ်အ့ၣ်လိာ်ဆိးက့, တၢ်လီတၢ်ဝ့ၤဒီးတၢ်ဆၢအၢဆၢသီတဖၣ်န့ၣ်လီၤ.

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 6:11

ဒ်န့ၣ်အသိး, သုကဘၣ်သ့ၣ်ညါလီၤသုသးလၢဖဲ အဘၣ်ဃးဒီးတၢ်ဒဲးဘးန့ၣ်သုသံလံ. ဘၣ်ဆၣ်ဒီးသုမူသုဝဲလၢကစၢ်ယွၤအပူၤခီဖျိ ယ့ၣ်ၡူးခရံာ်န့ၣ်လီၤ.

ရိမ့ၤ 6:16

သုသ့ၣ်ညါသပှၢ်ကတၢၢ်လၢ ဖဲသုဟ့ၣ်လီၤသုသးဒ်ကုၢ် တဖၣ်အသိးလၢသုကစူၢ်ပှၤတဂၤဂၤန့ၣ်ဒီး, သုမ့ၢ်နီၢ်နီၢ်ကစၢ်လၢသုစူၢ်အီၤတဂၤအံၤအကုၢ် တဖၣ်န့ၣ်လီၤ. တဘျီဃီဖဲသုကဲတၢ်ဒဲးဘး လၢအဆှၢသု ဆူတၢ်သံအကုၢ်န့ၣ်, သုကဲတၢ်ဒိကနၣ်လၢအဆှၢသုဆူ တၢ်ပာ်တီပာ်လိၤသုအကုၢ်န့ၣ်တသ့ဘၣ်.

ရိမ့ၤ 6:19

(ယကတိၤတၢ်ကတိၤမုၢ်ဆ့ၣ်မုၢ်ဂီၤတဖၣ်မ့ၢ်လၢသုမ့ၢ် ပှၤဟီၣ်ခိၣ်ဖိ, ဒီးသုတၢ်သ့ၣ်ညါနၢ်ပၢၢ်တထီၣ်ဘးအဃိ လီၤ.) တဘျီန့ၣ်သုဟ့ၣ်လီၤသုသးလၢာ်လၢာ်ဆ့ဆ့ဒ်တၢ် တစီတဆှံဒီးတၢ်အၢတၢ်သီအကုၢ်တဖၣ်အသိးအိၣ် ဒီးတၢ်တိာ်အအၢအသီတဖၣ်န့ၣ်လီၤ. လၢကျဲဒ်န့ၣ်အသိး, အခဲအံၤသုကဘၣ်ဟ့ၣ်လီၤသုသးလၢာ်လၢာ်ဆ့ဆ့ဒ် တၢ်တီတၢ်လိၤအကုၢ်တဖၣ်အိၣ်ဒီးတၢ်တိာ်အစီအဆှံ တဖၣ်န့ၣ်လီၤ.

ရိမ့ၤ 7:23

ဘၣ်ဆၣ်ဒီး ယထံၣ်တၢ်သိၣ်တၢ်သီအဂၤတခါမၤတၢ်လၢယနီၢ်ခိ အပူၤလီၤ. မ့ၢ်တၢ်သိၣ်တၢ်သီတခါလၢအဒုးလိာ်ယၤလိာ်အသးဒီး တၢ်သိၣ်တၢ်သီလၢအဘၣ်ယသးန့ၣ်လီၤ. ဒုးကဲထီၣ်ယၤလၢတၢ်ဒဲးဘးအတၢ်သိၣ်တၢ်သီလၢအမၤ တၢ်လၢယနီၢ်ခိအပူၤအကုၢ်တဂၤန့ၣ်လီၤ.

ရိမ့ၤ 7:5

မ့ၢ်အဂ့ၢ်ဒ်လဲၣ်န့ၣ်, ဖဲပအိၣ်မူဒ်ပှၤဟီၣ်ခိၣ်ဖိအန့ဆၢၣ်အသိး န့ၣ်, တၢ်ဒဲးဘးအတၢ်သူၣ်လီသးကွံတဖၣ်လၢတၢ်သိၣ်တၢ် သီထိၣ်ဂဲၤအီၤန့ၣ်, မၤတၢ်လၢပနီၢ်ခိတဖၣ်အပူၤဒီးပကဲဘျုး လၢတၢ်သံအတၢ်မၤအဂီၢ်လီၤ.

1 ကရံၣ်သူး 6:15

သုသ့ၣ်ညါသုဝဲလၢသုနီၢ်ခိတဖၣ်မ့ၢ်ဝဲက့ၢ်ဂီၤတဖၣ်လၢ အဘၣ်ထွဲဒီးခရံာ်အနီၢ်ခိန့ၣ်လီၤ. မ့ၢ်ယကဟံးန့ၢ်က့ၢ်ဂီၤတခီလၢအဘၣ်ထွဲဒီးခရံာ်အနီၢ်ခိ ဒီးဒုးကဲထီၣ်အီၤက့ၢ်ဂီၤတခီလၢအဘၣ်ထွဲဒီးဃဲသဲမုၣ် အနီၢ်ခိန့ၣ်ဧါ. တသ့ဘၣ်.

1 ကရံၣ်သူး 6:20

အဝဲဒၣ်ပှ့ၤသု, ဒီးဘၣ်ဟ့ၣ်ဝဲအပှ့ၤအကလံၤလီၤ. လၢတၢ်န့ၣ်အဃိဒိးသူသုနီၢ်ခိတဖၣ်လၢယွၤအလၤကပီၤ အဂီၢ်န့ၣ်တက့ၢ်.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

၂ ကရံၣ်သူး 10:4

တၢ်စုကဝဲၤလၢပသူအီၤလၢပတၢ်ဒုးအပူၤတဖၣ်န့ၣ်, တမ့ၢ်ဟီၣ်ခိၣ်အတၢ်စုကဝဲၤတဖၣ်ဘၣ်. မ့မ့ၢ်, မ့ၢ်ဝဲကစၢ်ယွၤအတၢ်စုကဝဲၤအသဟီၣ်ဆူၣ်တဖၣ်, လၢပသူအီၤဒ်သိးပကမၤလီၤပှီၢ်ကွံာ်တိာ်ဧိၤတာ်ဧိၤအဒိၣ် အသွါတဖၣ်အဂီၢ်န့ၣ်လီၤ. ပမၤဟးဂီၤကွံာ်တၢ်ဂ့ၢ်လိာ်ဘှီလိာ်အတမ့ၢ်တတီတဖၣ်လီၤ.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

၂ ကရံၣ်သူး 5:15

အဝဲဒၣ်သံလၢပှၤကိးဂၤဒဲးအဂီၢ်, ဒ်သိးပှၤလၢအမူတဖၣ် သုတအိၣ်မူလၢၤလၢအနီၢ်ကစၢ်ဒၣ်ဝဲအဂီၢ်တဂ့ၤ. မ့မ့ၢ်ကအိၣ်မူ ဒၣ်ထဲလၢ လၢပှၤလၢအသံတ့ၢ်ဒီးဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢအဝဲသ့ၣ်အဃိတဂၤအဂီၢ်ဧိၤန့ၣ်လီၤ.

၂ ကရံၣ်သူး 8:5

မ့ၢ်တၢ်လၢအဒိၣ်န့ၢ်အါန့ၢ်တၢ်လၢပမုၢ်လၢ်ပဝဲကသ့တက့ၢ်လီၤ. အဆိကတၢၢ်အဝဲသ့ၣ်ဟ့ၣ်လီၤအသးဆူကစၢ်အအိၣ်, ဒီး အန့ၣ်ဝံၤအလီၢ်ခံ, လၢကစၢ်ယွၤအတၢ်ဘၣ်အသးအပူၤ, ဟ့ၣ်လီၤအသးဆူပအိၣ်စ့ၢ်ကီးန့ၣ်လီၤ.

အ့းဖ့းစူး 2:5

မၤမူထီၣ်ပှၤတပူၤဃီဒီးခရံာ်ဖဲပမ့ၢ်တ့ၢ်ပှၤသံလၢသူၣ်လၢ သးခီဖျိပတၢ်ဒဲးဘး, တၢ်တဒိကနၣ်ဘၣ်အခါဒၣ်လဲာ်န့ၣ်လီၤ. (သုဘၣ်တၢ်အုၣ်က့ၤခီၣ်က့ၤသုခီဖျိယွၤအဘျုးအဖှိၣ်န့ၣ် လီၤ.)

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

လံာ်သိၣ်လီၤသီလီၤတၢ် 25:16

အဂ့ၢ်ဒ်အံၤ, ကစၢ်ယွၤသးဟ့ပှၤတဖၣ်လၢအလီတၢ်ဝ့ၤတၢ်န့ၣ်လီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

ကလီးစဲ 2:13

လၢညါန့ၣ်လၢသုတၢ်ဒဲးဘးအဃိ, ဒီးလၢသုမ့ၢ်ပှၤကလုာ်ဂၤတဖၣ်လၢအတအိၣ်ဘၣ်ဒီးတၢ်သိၣ်တၢ်သီ အဃိသုမ့ၢ်တ့ၢ်ပှၤလၢအသံဝဲလၢသူၣ်လၢသးလီၤ. ဘၣ်ဆၣ်အခဲအံၤယွၤဒုးဂဲၤဆၢထၢၣ်က့ၤလံသုလၢတၢ်သံဃုာ်ဒီး ခရံာ်လံ. ယွၤပျၢ်ကွံာ်ကယဲၢ်ပတၢ်ဒဲးဘးတဖၣ်ခဲလၢာ်လီၤ.

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

၂ သ့းစၤလနံ 2:12

ဒီးပှၤကိးဂၤဒဲးလၢအတစူၢ်တနာ်တၢ်မ့ၢ်တၢ်တီ, မ့မ့ၢ်မုာ်လၤသးခုလၢတၢ်ဒဲးဘးအပူၤတဖၣ်ကဘၣ် တၢ်စံၣ်ညီၣ်အီၤအဂီၢ်န့ၣ်လီၤ.

၂ တံၤမသ့း 2:15

ကျဲးစၢးမၤတၢ်အဂ့ၤကတၢၢ်ဒ်သိးနကမၤန့ၢ်ကစၢ်ယွၤအတၢ်ဘၣ် အသး, ဒ်ပှၤမၤတၢ်ဖိတဂၤလၢအမဲာ်ဆှးအလီၢ်တအိၣ်ဘၣ်လၢ အတၢ်မၤအဃိ, ဒီးဒ်ပှၤလၢအသိၣ်လိကစၢ်ယွၤအကလုၢ် ကထါအတၢ်မ့ၢ်တၢ်တီ, တီတီလိၤလိၤတဂၤအသိးန့ၣ်တက့ၢ်.

ယၤကိာ် 4:1

တၢ်ဒုးလိာ်ယၤလိာ်သး, ဒီးတၢ်အ့ၣ်လိာ်ဆိးက့လိာ်သးတဖၣ်, လၢသုကျါန့ၣ်ဟဲလၢလဲၣ်ခီလဲၣ်. ဟဲအသးလၢသုတၢ်အဲၣ်ဒိးဟီၣ်ခိၣ်အတၢ်မုာ်လၤသးဖှံလၢ အဂဲၤလိာ်ဒုးတၢ်လၢသုပူၤတထံၣ်ဃီအဃိန့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).

၁ ပ့းတရူး 4:2

ခဲအံၤဒီးဆူညါ, သုကဘၣ်အိၣ်မူသုတၢ်အိၣ်မူလၢအအိၣ်တ့ၢ်ဒံးလၢဟီၣ်ခိၣ် အံၤလၢကစၢ်ယွၤအတၢ်ဘၣ်သးအပူၤ, ဒီးတမ့ၢ်လၢပှၤကညီအတၢ်သးကွံတဖၣ်အပူၤလၢၤဘၣ်.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.