ရိမ့ၤ 5:8 - Sgaw Karen Common Bible

⁸ ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

ရိမ့ၤ 5:8 Iomraidhean Croise

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယိၤဟၣ် 15:13

တၢ်အဲၣ်တၢ်ကွံအဒိၣ်ကတၢၢ်လၢပှၤတဂၤဟ့ၣ်အတံၤသကိး တဖၣ်သ့န့ၣ်, မ့ၢ်တၢ်တူၢ်သံအသးလၢအဝဲသ့ၣ်အဂီၢ်န့ၣ်လီၤ.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

ရိမ့ၤ 4:25

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

ရိမ့ၤ 5:6

မ့ၢ်အဂ့ၢ်ဒ်လဲၣ်န့ၣ်, ဖဲပမၤစၢၤလီၤပသးတသ့ဒံးဘၣ်အဖၢမုၢ်န့ၣ်, ခရံာ်တူၢ်သံအသးလၢပှၤအၢပှၤသီတဖၣ်အဂီၢ်လၢအဆၢ ကတီၢ်ဖဲကစၢ်ယွၤဃုထၢပာ်လီၤဝဲန့ၣ်လီၤ.

ရိမ့ၤ 5:7

ပှၤတဂၤကတူၢ်သံအသးလၢပှၤအတီအလိၤတဂၤအဂီၢ် န့ၣ်, မ့ၢ်တၢ်ကီတၢ်ခဲတမံၤလီၤ. ဘၣ်ဆၣ်ဒီးလၢပှၤအဂ့ၤ တဂၤအဂီၢ်န့ၣ်, ဘၣ်သ့ၣ်သ့ၣ်ပှၤကအိၣ်ဝဲတဂၤဂၤလၢ အတူၢ်သံအသးကဘူၣ်န့ၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

ရိမ့ၤ 8:39

တၢ်လၢထးမ့ၢ်ဂ့ၤ, တၢ်လၢလာ်မ့ၢ်ဂ့ၤ, တၢ်ဘၣ်တ့အဂုၤ အဂၤခဲလၢာ်မ့ၢ်ဂ့ၤ, မၤလီၤဖးပှၤဒီးကစၢ်ယွၤအတၢ်အဲၣ် တၢ်ကွံလၢအအိၣ်လၢပကစၢ်ယ့ၣ်ၡူးခရံာ်အပူၤန့ၣ်တသ့ဘၣ်လီၤ.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

အ့းဖ့းစူး 2:7

ယွၤမၤတၢ်အံၤမ့ၢ်ဒ်သိးအကလီၣ်ဖျါထီၣ်န့ၢ်စိၤလၢ အကဟဲခဲလၢာ်လၢအဝဲအတၢ်အဲၣ်ပှၤလၢအလီၣ်ဖျါထီၣ်ဝဲလၢ ယ့ၣ်ၡူးခရံာ်အပူၤန့ၣ်, အဘျုးအဖှိၣ်ဒိၣ်ဝဲအါဝဲလီၤတိၢ်လီၤဆီ အဂ့ၢ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

၁ တံၤမသ့း 1:16

ဘၣ်ဆၣ်ဒီးကစၢ်ယွၤသးကညီၤယၤ, မ့ၢ်ဒ်သိးယ့ၣ်ၡူးခရံာ်ကဒုးနဲၣ်အတၢ်ဝံသးစူၤအလၢ အပှဲၤလၢယၤ, ပှၤတၢ်ဒဲးဘးဖိအအၢကတၢၢ်တဂၤ, ဒ်သိးကကဲထီၣ်တၢ်အဒိအတဲာ်လၢပှၤလၢအကနာ် က့ၤအီၤလၢခံဒီးဒိးန့ၢ်ဘၣ်တၢ်မူအထူအယိာ်တဖၣ် အဂီၢ်န့ၣ်လီၤ.

ဧ့ၤဘြံၤ 8:3

ပှၤလုၢ်တၢ်အခိၣ်အဒိၣ်ကတၢၢ်ကိးဂၤဒဲးဘၣ်တၢ်ဃုထၢပာ် လီၤအီၤလၢအကလုၢ်ထီၣ်တၢ်မၤဘူၣ်ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ. လၢတၢ်န့ၣ်အဃိ, အလီၢ်အိၣ်ဝဲလၢပှၤလုၢ်တၢ်အခိၣ်အဒိၣ်ကတၢၢ်အံၤစ့ၢ် ကီးကအိၣ်ဒီးတၢ်လၢအကလုၢ်ထီၣ်ဝဲတမံၤမံၤန့ၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ယိၤဟၣ် 3:16

ခရံာ်ဟ့ၣ်လီၤကွံာ်အသးသမူလၢပဂီၢ်, ဒီးလၢကျဲဒ်အံၤန့ၣ်, ပသ့ၣ်ညါဘၣ်တၢ်အဲၣ်တၢ်ကွံမ့ၢ်တၢ်မနုၤလဲၣ်န့ၣ်လီၤ. အဃိ, ပဝဲဒၣ်စ့ၢ်ကီးပကြၢးဟ့ၣ်လီၤကွံာ်ပသးသမူတဖၣ်လၢ ပဒီပုၢ်ဝဲၢ်တဖၣ်အဂီၢ်လီၤ.