ရိမ့ၤ 5:7 - Sgaw Karen Common Bible

⁷ ပှၤတဂၤကတူၢ်သံအသးလၢပှၤအတီအလိၤတဂၤအဂီၢ် န့ၣ်, မ့ၢ်တၢ်ကီတၢ်ခဲတမံၤလီၤ. ဘၣ်ဆၣ်ဒီးလၢပှၤအဂ့ၤ တဂၤအဂီၢ်န့ၣ်, ဘၣ်သ့ၣ်သ့ၣ်ပှၤကအိၣ်ဝဲတဂၤဂၤလၢ အတူၢ်သံအသးကဘူၣ်န့ၣ်လီၤ.

ရိမ့ၤ 5:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 18:27

ပှၤခိးကွၢ်တၢ်ဖိစံးဝဲဒၣ်, “ယထံၣ်ဘၣ်လၢပှၤအခီၣ်ထံးတဂၤ ဃ့ၢ်ဝဲလီၤဂာ်ဒ်စီၤအဃံမ့ၤဧးန့ၣ်လီၤ.” စီၤပၤစံးဝဲဒၣ်, “အဝဲမ့ၢ်ဒၣ်ပှၤအဂ့ၤတဂၤလီၤ. ဒီးအဝဲဟဲစိာ်တၢ်ကစီၣ်လၢအဂ့ၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 18:3

အဝဲသ့ၣ်စံးဆၢဝဲဒၣ်, “နတဘၣ်လဲၤဃုာ်တၢ်ဒီးပှၤဘၣ်. ပဝဲအကျါတနီၤမ့ၢ်ဃၣ်ကဒါက့ၤအသးဒီးဃ့ၢ်မ့ၢ်ဂ့ၤ, ပဝဲအကျါတဝာ်မ့ၢ်ဘၣ်တၢ်မၤသံကွံာ်အီၤမ့ၢ်ဂ့ၤန့ၣ်တမ့ၢ်ကလီၤ ဆီနီတမံၤလၢပဒုၣ်ပဒါအဂီၢ်ဘၣ်ဆၣ်, နလုၢ်ဒိၣ်ပှ့ၤဒိၣ်ထဲသိးဒီးပဝဲအဂၤတကလးညါန့ၣ်လီၤ. နမ့ၢ်အိၣ်လၢဝ့ၢ်ပူၤဖဲအံၤဒီးဆှၢလီၤန့ၢ်ပှၤတၢ်မၤစၢၤန့ၣ် ဂ့ၤဒိၣ်ဒၣ်တၢ်တက့ၢ်လီၤ.”

စံးထီၣ်ပတြၢၤ 112:5

ပှၤလၢအသူၣ်အိၣ်သးအိၣ်တၢ်ဒီးဟ့ၣ်လိၢ်တၢ်, ပှၤလၢမၤအတၢ်ဖံးတၢ်မၤလၢ တၢ်စံၣ်ညီၣ်တီအပူၤန့ၣ်ဘၣ်ဆိၣ် ဂ့ၤဝဲလီၤ.

လံာ်မးသဲ 13:15

အဂ့ၢ်ဒ်အံၤ, ပှၤတဖၣ်အံၤအသူၣ်ဃၢအသးဃၢဝဲ, အနၢ်တဖၣ်ဃၢဝဲလၢကနၢ်ဟူတၢ်အဂီၢ်, ဒီးဘံၣ်ဃာ်အမဲာ်ချံဒ်သိးအသုတထံၣ်တၢ် လၢအမဲာ်ချံတဂ့ၤအဂီၢ်လီၤ. မ့တမ့ၢ်ဘၣ်ဒီးကနၢ်ဟူတၢ်လၢအနၢ် ဒီးကနၢ်ပၢၢ်တၢ်လၢအသးဒီး ကဃၣ်ကဒါက့ၤအသးဆူယအိၣ်, ကစၢ်ယွၤစံးဝဲဒၣ်, ဒီးယကမၤဘျါက့ၤအဝဲသ့ၣ်လီၤ’ (ၡါ. ၆:၉-၁၀).

လံာ်ယိၤဟၣ် 15:13

တၢ်အဲၣ်တၢ်ကွံအဒိၣ်ကတၢၢ်လၢပှၤတဂၤဟ့ၣ်အတံၤသကိး တဖၣ်သ့န့ၣ်, မ့ၢ်တၢ်တူၢ်သံအသးလၢအဝဲသ့ၣ်အဂီၢ်န့ၣ်လီၤ.

မၤတၢ် 11:24

စီၤဘၢ်နါဘၤမ့ၢ်ပှၤဂ့ၤပှၤဝါတဂၤလၢအလၢပှဲၤဒီးသးစီဆှံ ဒီးတၢ်စူၢ်တၢ်နာ်လီၤ. ဒီးပှၤအါဂၤဘၣ်တၢ်ဆှၢက့ၤအီၤဆူကစၢ် အအိၣ်န့ၣ်လီၤ.

ရိမ့ၤ 16:4

အဝဲသ့ၣ်ကွၢ်ဆၢၣ်မဲာ်ဒၣ်လဲာ်တၢ်သံခ့သံပှၤလၢယဂီၢ်န့ၣ်လီၤ. ယစံးဘျုးဘၣ်အဝဲသ့ၣ်ဒိၣ်မးဒီးတမ့ၢ်ထဲယၤတဂၤဧိၤဘၣ်, မ့မ့ၢ်ပှၤကလုာ်ဂၤအတၢ်အိၣ်ဖှိၣ်ခဲလၢာ်စံးဘျုးဘၣ်အဝဲသ့ၣ် စ့ၢ်ကီးန့ၣ်လီၤ.

ရိမ့ၤ 5:6

မ့ၢ်အဂ့ၢ်ဒ်လဲၣ်န့ၣ်, ဖဲပမၤစၢၤလီၤပသးတသ့ဒံးဘၣ်အဖၢမုၢ်န့ၣ်, ခရံာ်တူၢ်သံအသးလၢပှၤအၢပှၤသီတဖၣ်အဂီၢ်လၢအဆၢ ကတီၢ်ဖဲကစၢ်ယွၤဃုထၢပာ်လီၤဝဲန့ၣ်လီၤ.

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

၁ ယိၤဟၣ် 3:16

ခရံာ်ဟ့ၣ်လီၤကွံာ်အသးသမူလၢပဂီၢ်, ဒီးလၢကျဲဒ်အံၤန့ၣ်, ပသ့ၣ်ညါဘၣ်တၢ်အဲၣ်တၢ်ကွံမ့ၢ်တၢ်မနုၤလဲၣ်န့ၣ်လီၤ. အဃိ, ပဝဲဒၣ်စ့ၢ်ကီးပကြၢးဟ့ၣ်လီၤကွံာ်ပသးသမူတဖၣ်လၢ ပဒီပုၢ်ဝဲၢ်တဖၣ်အဂီၢ်လီၤ.