ရိမ့ၤ 5:17 - Sgaw Karen Common Bible

¹⁷ ခီဖျိပှၤတဂၤအတၢ်ဒဲးဘးဒီး, တၢ်သံစးထီၣ်ပၢတၢ်လၢ အဝဲအဃိန့ၣ်, မ့ၢ်ဝဲတီဝဲလီၤ. ဘၣ်ဆၣ်ဒီး, တၢ်အဘျုးအဖှိၣ်လၢအအိၣ်ထီၣ်ဝဲခီဖျိပှၤ တဂၤလၢအမ့ၢ်ယ့ၣ်ၡူးခရံာ်အတၢ်မၤလၢအမၤတ့ၢ်ဝဲန့ၣ်, မ့ၢ်မးတၢ်လၢအဒိၣ်ဒၣ်တၢ်တက့ၢ်န့ၣ်လီၤ. ပှၤကိးဂၤဒဲးလၢအဒိးန့ၢ်ဘၣ်ကစၢ်ယွၤအဘျုး အါအါကလဲာ်ဒီးတၢ်ဟ့ၣ်ကလီလၢအမ့ၢ်တၢ်ပာ် တီပာ်လိၤန့ၣ်, ကပၢတၢ်လၢတၢ်မူအပူၤခီဖျိခရံာ်န့ၣ်လီၤ.

ရိမ့ၤ 5:17 Iomraidhean Croise

လံာ်တၢ်ကဲထီၣ်အခီၣ်ထံး 2:17

ထဲဒၣ်သ့ၣ်တထူၣ်လၢ အဟ့ၣ်တၢ်သ့ၣ်ညါသ့နီၤဖးတၢ်ဂ့ၤဒီး တၢ်အၢအသၣ်န့ၣ်အီၣ်အီၤတဂ့ၤ. နမ့ၢ်အီၣ်အီၤဒီး နကသံတနံၤဃီန့ၣ်လီၤ.”

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်ယိၤဟၣ် 10:10

တၢ်ဟုၣ်တၢ်ဘျၣ်န့ၣ်ဟဲဝဲဒ်သိးအကဟုၣ်တၢ်, မၤသံတၢ်ဒီးမၤဟးဂီၤတၢ်အဂီၢ်လီၤ. မ့မ့ၢ်ယဲဒၣ်အံၤယဟဲယဲဒ်သိးသုကန့ၢ်ဘၣ်တၢ်မူ ဒီးန့ၢ်ဘၣ်အီၤအါအါကလဲာ်အဂီၢ်လီၤ.

ရိမ့ၤ 5:12

တၢ်ဒဲးဘးဟဲနုာ်ဆူဟီၣ်ခိၣ်ခီဖျိပှၤတဂၤ, ဒီးအဝဲအတၢ်ဒဲးဘးဟဲစိာ်ဃုာ်တၢ်သံန့ၣ်လီၤ. လၢတၢ်န့ၣ်အဃိ, တၢ်သံတုၤအိၣ်ပှၤဟီၣ်ခိၣ်ဖိ ခဲလၢာ်မ့ၢ်လၢပှၤခဲလၢာ်မၤတ့ၢ်တၢ်ဒဲးဘးအဃိ လီၤ.

ရိမ့ၤ 5:15

ဘၣ်ဆၣ်တၢ်ခံမံၤအံၤတမ့ၢ်တၢ်ဒ်သိးသိးဘၣ်, မ့ၢ်လၢကစၢ်ယွၤအတၢ်ဟ့ၣ်ကလီတဒ်သိးဒီးစီၤ အၤဒၣ်အတၢ်ဒဲးဘးအဃိန့ၣ်လီၤ. မ့ၢ်ဝဲတီဝဲလၢပှၤအါဂၤသံလၢပှၤတဂၤအံၤအတၢ် ဒဲးဘးအဃိလီၤ. ဘၣ်ဆၣ်ကစၢ်ယွၤအဘျုးအံၤဒိၣ် ဒၣ်တၢ်တက့ၢ်, ဒီးအတၢ်ဟ့ၣ်ကလီပှၤအါဒံအါ ဂၤတၢ်ဘျုးတၢ်ဖှိၣ်ခီဖျိပှၤတဂၤလၢအမ့ၢ်ယ့ၣ်ၡူး ခရံာ်န့ၣ်, ဒိၣ်ဒံးဒၣ်တၢ်တက့ၢ်န့ၣ်လီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

ရိမ့ၤ 6:14

တၢ်ဒဲးဘးတဘၣ်ပၢသုဘၣ်. အဂ့ၢ်ဒ်အံၤ, သုတအိၣ်မူလၢတၢ်သိၣ်တၢ်သီအဖီလာ်ဘၣ်, မ့မ့ၢ်လၢကစၢ်ယွၤအဘျုးအဖှိၣ်အဖီလာ်န့ၣ်လီၤ.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 8:39

တၢ်လၢထးမ့ၢ်ဂ့ၤ, တၢ်လၢလာ်မ့ၢ်ဂ့ၤ, တၢ်ဘၣ်တ့အဂုၤ အဂၤခဲလၢာ်မ့ၢ်ဂ့ၤ, မၤလီၤဖးပှၤဒီးကစၢ်ယွၤအတၢ်အဲၣ် တၢ်ကွံလၢအအိၣ်လၢပကစၢ်ယ့ၣ်ၡူးခရံာ်အပူၤန့ၣ်တသ့ဘၣ်လီၤ.

1 ကရံၣ်သူး 15:49

ဒီးဒ်ပဒိးဘၣ်ပှၤလၢအဘၣ်တၢ်တ့အီၤလၢဟီၣ်ခိၣ်တဂၤအက့ၢ် အဂီၤအသိးန့ၣ်, ပကဒိးဘၣ်စ့ၢ်ကီးပှၤတဂၤလၢအဟဲလၢမူခိၣ် အက့ၢ်အဂီၤစ့ၢ်ကီးန့ၣ်လီၤ.

1 ကရံၣ်သူး 4:8

တၢ်လၢသုလိၣ်ဘၣ်န့ၣ်သုဒိးန့ၢ်ဘၣ်တ့ၢ်လံသုဝဲခဲလၢာ်လံဧါ. မ့ၢ်သုထူးထီၣ်တီၤထီၣ်တ့ၢ်လံသုဝဲလံဧါ. ပဝဲတဖၣ်ပတမ့ၢ် စီၤပၤသနာ်က့, မ့ၢ်သုကဲထီၣ်တ့ၢ်လံစီၤပၤတဖၣ်လံဧါ. ဒီးယဆၢလၢသုကမ့ၢ်နီၢ်နီၢ်စီၤပၤတဖၣ်, ဒ်သိးပမ့ၢ်စီၤပၤတပူၤဃီဒီးသုကသ့ဝဲအဂီၢ်လီၤ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

၁ တံၤမသ့း 1:14

ဒီးပကစၢ်လူလီၤဂၢ်လီၤအဘျုးအဖှိၣ်အါအါကလဲာ်လၢယလိၤ, ဒီးဟ့ၣ်ယၤတၢ်စူၢ်တၢ်နာ်ဒီးတၢ်အဲၣ်တၢ်ကွံလၢအအိၣ်လၢ ယ့ၣ်ၡူးခရံာ်အပူၤန့ၣ်လီၤ.

၂ တံၤမသ့း 2:12

ပမ့ၢ်တဆိတ့ၢ်တူၢ်တၢ်ဘၣ်ဒီး, ပကပၢဃုာ်တၢ်ဒီးအီၤစ့ၢ်ကီးလီၤ. ပမ့ၢ်သမၢအီၤဒီး, အဝဲကသမၢပှၤစ့ၢ်ကီးလီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.