ရိမ့ၤ 5:16 - Sgaw Karen Common Bible

¹⁶ ဒီးတၢ်လီၤဆီအိၣ်ဝဲဒၣ်လၢကစၢ်ယွၤအတၢ်ဟ့ၣ်ဒီးပှၤ တဂၤအတၢ်ဒဲးဘးအဘၢၣ်စၢၤန့ၣ်လီၤ. လၢတၢ်ဒဲးဘးတမံၤအလီၢ်ခံန့ၣ်တၢ်စံၣ်ညီၣ်လၢအမ့ၢ် “တၢ်ကမၣ်အိၣ်လီၤ” န့ၣ်, ပိာ်ထွဲထီၣ်အခံလီၤ. ဘၣ်ဆၣ်ဒီးလၢတၢ်ဒဲးဘးအါမံၤအလီၢ်ခံန့ၣ်တၢ်ဟ့ၣ် ကလီလၢအမ့ၢ် “တၢ်ကမၣ်တအိၣ်ဘၣ်” န့ၣ်, ပိာ်ထွဲထီၣ်အခံလီၤ.

ရိမ့ၤ 5:16 Iomraidhean Croise

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်မးသဲ 6:14

အဂ့ၢ်ဒ်အံၤ, သုမ့ၢ်ပျၢ်တၢ်ကမၣ်လၢပှၤဂၤမၤဘၣ်သုဒီး သုပၢ်အိၣ်လၢမူခိၣ်ကပျၢ်စ့ၢ်ကီးသုတၢ်ကမၣ်န့ၣ်လီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

1 ကရံၣ်သူး 11:32

ဘၣ်ဆၣ်ဒီးပဘၣ်တၢ်စံၣ်ညီၣ်ဒီးသိၣ်ဃီၣ်ပှၤလၢကစၢ်, ဒ်သိးပသုတဘၣ်တၢ်စံၣ်ညီၣ်ဃုာ်ပှၤတပူၤဃီဒီးဟီၣ်ခိၣ် တဂ့ၤအဂီၢ်န့ၣ်လီၤ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

ယၤကိာ် 2:10

ပှၤတဂၤဂ့ၤတဂၤဂ့ၤလၢအလုၣ်သ့ၣ်ခါပတာ်တၢ်မၤလိာ်တဘီ န့ၣ်, အတၢ်ကမၣ်အိၣ်ဝဲလၢအလုၣ်သ့ၣ်ခါပတာ်တၢ်မၤလိာ် ခဲလၢာ်န့ၣ်လီၤ.