ရိမ့ၤ 4:5 - Sgaw Karen Common Bible

⁵ မ့မ့ၢ်ပှၤတဂၤလၢအသန့ၤအသးလၢအတၢ်စူၢ်တၢ်နာ်, ဒီးတမ့ၢ်ဘၣ်အတၢ်ဖံးတၢ်မၤဘၣ်, လၢအနာ်ကစၢ်ယွၤလၢ အပျၢ်ကွံာ်ပှၤဂၤအတၢ်ကမၣ်န့ၣ်, အတၢ်နာ်ဝဲအံၤကစၢ်ယွၤ ပာ်သူၣ်ပာ်သးလၢအဂ့ၢ်ဒ်သိးအကပာ်တီပာ်လိၤအီၤ အဂီၢ်န့ၣ်လီၤ.

ရိမ့ၤ 4:5 Iomraidhean Croise

လံာ်ဃဘးကူာ် 2:4

ဒီးတၢ်ကစီၣ်န့ၣ်မ့ၢ်တၢ်အံၤ, “ပှၤတတီတလိၤတဖၣ်န့ၣ်တမူ ဘၣ်ဝဲဘၣ်. မ့မ့ၢ်ပှၤတီပှၤလိၤန့ၣ်ကမူဝဲလၢအတၢ်သးတီဒီး ကစၢ်ယွၤအဃိန့ၣ်လီၤ.”

လံာ်မၢ်ကူး 9:23

ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

လံာ်ယိၤဟၣ် 6:29

ယ့ၣ်ၡူးစံးဆၢတၢ်ဒီးစံးဝဲ, “တၢ်လၢကစၢ်ယွၤဘၣ်အသး လၢသုကမၤန့ၣ်, မ့ၢ်တၢ်စူၢ်က့ၤနာ်က့ၤပှၤလၢအဝဲမၢလီၤဝဲ တဂၤန့ၣ်လီၤ.”

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

ရိမ့ၤ 4:24

ဘၣ်တၢ်ကွဲးစ့ၢ်ကီးအီၤလၢပဝဲလၢအကဘၣ်တၢ်တူၢ်လိာ်အီၤဒ် ပှၤတီပှၤလိၤအသိးတဖၣ်အဂီၢ်, ပဝဲလၢအစူၢ်က့ၤနာ်က့ၤကစၢ်ယွၤလၢအဒုးဂဲၤဆၢထၢၣ်က့ၤ ကစၢ်ယ့ၣ်ၡူးလၢတၢ်သံတဂၤန့ၣ်လီၤ.

ရိမ့ၤ 4:3

တၢ်ကွဲးအသးစံးဝဲဒၣ်, “စီၤအၤဘြၤဟၣ်နာ်ကစၢ်ယွၤဒီးမ့ၢ်လၢတၢ်နာ်အံၤအဃိ, ကစၢ်ယွၤတူၢ်လိာ်အီၤဒ်ပှၤတီပှၤလိၤတဂၤအသိးန့ၣ်လီၤ.”

ရိမ့ၤ 4:6

တၢ်လၢစီၤဒၤဝံးတဲထီၣ်ဝဲတဖၣ်န့ၣ်မ့ၢ်တၢ်တမံၤဃီန့ၣ်လီၤ. အဝဲတဲတၢ်ဘၣ်ဃးပှၤတဂၤလၢအသူၣ်ခုသးခုလၢကစၢ်ယွၤ တူၢ်လိာ်အီၤဒ်ပှၤအတီအလိၤတဂၤအသိးတမ့ၢ်လၢအတၢ်မၤ အဃိန့ၣ်ဘၣ်ဆိၣ်ဂ့ၤဝဲလီၤ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

လံာ်စီၤယိၤၡူ 24:2

ဒီးစီၤယိၤၡူစံးဘၣ်ပှၤဂီၢ်မုၢ်ခဲလၢာ်, ယွၤအံၣ်စရ့လးအကစၢ်ယွၤစံးဒ်အံၤ, လၢပျၢၤသုမိၢ်ပၢ်ဖံဖုလၢပျၢၤတဖၣ်အိၣ်ဆိးဝဲလၢ ထံမိၢ်ပှၢ်အဝၢ်ဘးခီဒီးဘါကစၢ်အဂၤတဖၣ်လီၤ. သုပၢ်လၢပျၢၤအကျါတဂၤမ့ၢ်ဝဲစီၤတ့ရၤ လၢအမ့ၢ်စီၤအၤဘြၤဟၣ်ဒီးစီၤနၤဃိၢ်အပၢ်န့ၣ်လီၤ.