ရိမ့ၤ 4:17 - Sgaw Karen Common Bible

¹⁷ တၢ်ကွဲးအသးစံးဝဲဒၣ်, “ယဒုးကဲထီၣ်လံနၤလၢပှၤ အါကလုာ်အပၢ်လံ.” လၢတၢ်န့ၣ်အဃိ, တၢ်အၢၣ်လီၤအီလီၤအံၤဂ့ၤဝဲလၢကစၢ်ယွၤအမဲာ်ညါ လၢစီၤအၤဘြၤဟၣ်နာ်, ကစၢ်ယွၤတဂၤလၢ အမၤမူထီၣ်က့ၤပှၤသံ, ဒီးဖဲအဟ့ၣ်လီၤအကလုၢ်န့ၣ်တၢ်လၢအတအိၣ်ဘၣ် တဖၣ်အိၣ်ထီၣ်ဒီးကဲထီၣ်ဝဲန့ၣ်လီၤ.

ရိမ့ၤ 4:17 Iomraidhean Croise

လံာ်တၢ်ကဲထီၣ်အခီၣ်ထံး 17:16

ယကဆိၣ်ဂ့ၤအီၤဒီးယကဟ့ၣ်လီၤနၤဖိခွါတဂၤခီဖျိအီၤစ့ၢ်ကီး လီၤ. ယကဆိၣ်ဂ့ၤအီၤဒီးအဝဲကကဲထီၣ်ပှၤကလုာ်တဖၣ်အမိၢ်ဒီးစီၤပၤ တဖၣ်ကအိၣ်ဝဲလၢအစၢၤအသွဲၣ်တဖၣ်အကျါန့ၣ်လီၤ.”

လံာ်တၢ်ကဲထီၣ်အခီၣ်ထံး 17:20

ယနၢ်ဟူတ့ၢ်လံလၢနဃ့တၢ်ဘၣ်ဃးဒီးစီၤယံးၡမၤဧ့လးအဂီၢ်န့ၣ် လီၤ. မၤသးဒ်န့ၣ်ဒီး, ယကဆိၣ်ဂ့ၤအီၤဒီးဟ့ၣ်အီၤလၢအဖိ တဖၣ်ဒီးအစၢၤအသွဲၣ်တဖၣ်အါအါဂီၢ်ဂီၢ်န့ၣ်လီၤ. အဝဲကမ့ၢ်ပဒိၣ်တဆံခံဂၤအပၢ်ဒီးယကဒုးကဲထီၣ်အစၢၤအသွဲၣ်တဖၣ် လၢပှၤကလုာ်ဖးဒိၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:3

မ်သ့တၢ်လၢာ်ကစၢ်ယွၤဆိၣ်ဂ့ၤနတၢ်ဖျီဒီးဟ့ၣ်နၤလၢနဖိတဖၣ် အါအါဂီၢ်ဂီၢ်ဒ်သိးနကကဲထီၣ်ပှၤအါကလုာ်အပၢ်န့ၣ်တက့ၢ်.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 44:7

တၢ်လၢယမၤတ့ၢ်န့ၣ်, ပှၤအဂၤတဂၤဂၤမၤဝဲဘၣ်ကသ့ဧါ. စးထီၣ်လၢတၢ်အခီၣ်ထံးတုၤလၢတၢ်အကတၢၢ်, တၢ်လၢအကမၤအသးခဲလၢာ်န့ၣ်, မ့ၢ်မတၤကတိၤဆိပာ်ကသ့တဂၤဂၤ လဲၣ်.

လံာ်ယၡါယၤ 48:13

ယစုတ့ဟီၣ်ခိၣ်အခီၣ်ထံးတဖၣ်ဒီးသလၣ်ထီၣ်မူခိၣ်မူကပိာ်လိၤ လီၤ. ဖဲယကိးဖှိၣ်မူခိၣ်ဒီးဟီၣ်ခိၣ်န့ၣ်, အဝဲသ့ၣ်ဟဲတဘျီဃီဒီးဒုးနဲၣ်ဖျါထီၣ်အသးလီၤ.

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

လံာ်ယိၤဟၣ် 5:25

ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

လံာ်ယိၤဟၣ် 6:63

တၢ်လၢအဟ့ၣ်တၢ်မူန့ၣ်မ့ၢ်ကစၢ်ယွၤအသး လီၤ. ပှၤကညီအစိအကမီၤဟ့ၣ်တၢ်အံၤတသ့ ဘၣ်. တၢ်ကတိၤတဖၣ်လၢယစံးဘၣ်တဲဘၣ်သုန့ၣ်, ဟ့ၣ်သုလၢကစၢ်ယွၤအသးလၢအဒုးမူပှၤန့ၣ်လီၤ.

မၤတၢ် 15:18

ကစၢ်လၢအဒုးသ့ၣ်ညါပှၤကညီ တၢ်ဂ့ၢ်တမံၤအံၤယံာ်တ့ၢ်လံတဂၤန့ၣ်, စံးဝဲဒ်န့ၣ်လီၤ.’ ”

ရိမ့ၤ 3:29

ကစၢ်ယွၤအံၤမ့ၢ်ဒၣ်ထဲပှၤယူဒၤဖိတဖၣ်အကစၢ်ယွၤဧိၤန့ၣ်ဧါ. မ့ၢ်အတမ့ၢ်စ့ၢ်ကီးပှၤကလုာ်ဂၤတဖၣ်အကစၢ်ယွၤဘၣ်ဧါ. မ့ၢ်သပှၢ်ကတၢၢ်ပှၤကလုာ်ဂၤတဖၣ်အကစၢ်ယွၤစ့ၢ်ကီးလီၤ.

ရိမ့ၤ 4:18

ဖဲတၢ်မုၢ်လၢ်တအိၣ်ဘၣ်န့ၣ်, စီၤအၤဘြၤဟၣ်နာ်တၢ်ဒီးမုၢ်လၢ်တၢ်သတးဒီးကဲထီၣ် “ပှၤအါကလုာ်အပၢ်,” ဒ်တၢ်ကွဲးအသးစံးဝဲအသိး, “နစၢၤနသွဲၣ်တဖၣ်ကအါဝဲဂီၢ်ဝဲဒ်ဆၣ်ဧိၤဖီဧိၤအသိး န့ၣ်လီၤ.”

ရိမ့ၤ 4:2

အဝဲမ့ၢ်ဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ် တဖၣ်လၢအဝဲမၤတ့ၢ်ဝဲဒီး, ကအိၣ်ဒီးတၢ်တမံၤမံၤလၢကပာ်ကဖၢလၢအသးအဂီၢ်န့ၣ်လီၤ. ဘၣ်ဆၣ်ဒီးအဝဲပာ်ကဖၢလၢအသးလၢကစၢ်ယွၤအမဲာ်ညါ တသ့ဘၣ်.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

ရိမ့ၤ 9:11

ဘၣ်ဆၣ်ဒ်သိးဒီးတၢ်ဃုထၢဖိခွါတဂၤကမ့ၢ်ကစၢ်ယွၤ အတၢ်တိာ်ဒၣ်ဝဲအတၢ်ဃုထၢနီၢ်နီၢ်အဂီၢ်န့ၣ်, ကစၢ်ယွၤ စံးဘၣ်နီၢ်ရံးဘကၤ,

ရိမ့ၤ 9:26

ဒီးတၢ်လီၢ်တတီၤဃီဖဲအဝဲသ့ၣ်ဘၣ်တၢ်စံးဘၣ်တဲဘၣ်အီၤလၢ, ‘သုတမ့ၢ်ယပှၤဂီၢ်မုၢ်ဘၣ်’ န့ၣ်, အဝဲသ့ၣ်ကဘၣ်တၢ်ကိးအီၤလၢကစၢ်ယွၤလၢအမူဝဲ တဂၤအဖိခွါတဖၣ်န့ၣ်လီၤ.”

1 ကရံၣ်သူး 1:28

အဝဲဒၣ်ဃုထၢတၢ်လၢပှၤဟီၣ်ခိၣ်ဖိကွၢ်တလီၤ, ဒီးပာ်လၢအတဂိာ် တသီၣ်, ဒီးဆိကမိၣ်လၢအတမ့ၢ်တၢ်နီတမံၤဘၣ်န့ၣ် ဒ်သိးအကမၤ ဟးဂီၤတၢ်လၢပှၤဟီၣ်ခိၣ်ဖိဆိကမိၣ်အမ့ၢ်တၢ်အကါဒိၣ်န့ၣ်လီၤ.

1 ကရံၣ်သူး 15:45

အဂ့ၢ်ဒ်အံၤ, တၢ်ကွဲးအသးစံးဝဲ, “ပှၤကညီအဆိကတၢၢ် တဂၤ, စီၤအၤဒၣ်ဘၣ်တၢ်တ့လီၤပာ်လီၤအီၤဒ်သးလၢအမူဝဲ,” မ့မ့ၢ်စီၤအၤဒၣ်လၢခံကတၢၢ်တဂၤမ့ၢ်ဝဲသးလၢအဟ့ၣ်တၢ်မူန့ၣ်လီၤ.

၁ တံၤမသ့း 6:13

လၢကစၢ်ယွၤလၢအဒုးမူတၢ်ခဲလၢာ်တဂၤအမဲာ်ညါ, ဒီးပှၤလၢအအၢၣ်လီၤဒီးမၤဂၢၢ်မၤကျၢၤအတၢ်စူၢ်တၢ်နာ်လၢ စီၤပီၢ်တံၤပံၤလးအမဲာ်ညါ, လၢအမ့ၢ်ယ့ၣ်ၡူးခရံာ်တဂၤန့ၣ် အမဲာ်ညါ, ယမၤလိာ်နၤ,

ဧ့ၤဘြံၤ 11:12

အဂ့ၢ်ဒ်အံၤ, လၢပှၤတဂၤလၢအမၤအသးဒ်ပှၤလၢအသံတ့ၢ်ဝဲ အသိးန့ၣ်, ပှၤလၢအအါဝဲထဲသိးဒီးဆၣ်တဖၣ်လၢမူခိၣ်ဒီးမဲး အဖျၢၣ်ဖိလၢပီၣ်လဲၣ်နံၤလၢပဂံၢ်တသ့ဘၣ်န့ၣ်, လီၤစၢၤဝဲဒၣ်လီၤ.

ဧ့ၤဘြံၤ 11:3

လၢတၢ်စူၢ်တၢ်နာ်န့ၣ်, ပသ့ၣ်ညါနၢ်ပၢၢ်ပဝဲလၢဟီၣ်ခိၣ်အံၤ ဘၣ်တၢ်တ့လီၤအီၤလၢကစၢ်ယွၤအကလုၢ်န့ၣ်လီၤ. မၤသးဒ်န့ၣ်ဒီးတၢ်လၢပထံၣ်အီၤအံၤဘၣ်တၢ်မၤကဲထီၣ်အီၤလၢတၢ် လၢပထံၣ်အီၤတသ့ဘၣ်တဖၣ်န့ၣ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).

၂ ပ့းတရူး 3:8

ယတံၤသကိးသးဘိသ့ၣ်ဧၢ, တဘၣ်သးပ့ၤနီၣ်တၢ်တမံၤ အံၤတဂ့ၤ. လၢကစၢ်အမဲာ်ညါန့ၣ်, မုၢ်တနံၤဒီးအနံၣ် တကထိအဘၢၣ်စၢၤတၢ်လီၤဆီတအိၣ်ဘၣ်. လၢအဝဲအဂီၢ်တၢ်ခံမံၤအံၤမ့ၢ်ဒၣ်တၢ်ဒ်သိးသိးလီၤ.