ရိမ့ၤ 4:16 - Sgaw Karen Common Bible

¹⁶ ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

ရိမ့ၤ 4:16 Iomraidhean Croise

လံာ်ယၡါယၤ 51:2

ဆိကမိၣ်ထီၣ်သုမိၢ်ပၢ်ဖးဒိၣ်လၢပျၢၤစီၤအၤဘြၤဟၣ် ဒီးနီၢ်စၤရါလၢသုဟဲလီၤစၢၤလီၤသွဲၣ်လၢအီၤန့ၣ်တက့ၢ်. ဖဲယကိးထီၣ်စီၤအၤဘြၤဟၣ်န့ၣ်အဖိတအိၣ်ဘၣ်. ဘၣ်ဆၣ်ယဆိၣ်ဂ့ၤတ့ၢ်အီၤဒီးဟ့ၣ်အီၤအဖိတဖၣ်လီၤ. ယဒုးအိၣ်ထီၣ်အစၢၤအသွဲၣ်တဖၣ် အါအါဂီၢ်ဂီၢ်န့ၣ်လီၤ.

လံာ်လူၤကၣ် 19:9

ယ့ၣ်ၡူးစံးဘၣ်အီၤ, “မုၢ်တနံၤညါအံၤ, တၢ်အုၣ်က့ၤခီၣ်က့ၤ ဟဲတုၤလံလၢဟံၣ်တဖျၢၣ်အံၤလံ. အဂ့ၢ်ဒ်အံၤပှၤတဂၤအံၤစ့ၢ်ကီးမ့ၢ် ဝဲစီၤအၤဘြၤဟၣ်အစၢၤအသွဲၣ်လီၤ.

ရိမ့ၤ 15:8

အဂ့ၢ်ဒ်အံၤ ယစံးဘၣ်သုလၢခရံာ်ကဲထီၣ်ပှၤယူဒၤဖိတဖၣ် အခ့အပှၤဒ်သိးကဒုးနဲၣ်ဝဲလၢယွၤအံၤအကလုၢ်တီဝဲ, ဒ်သိးအကမၤဂၢၢ်မၤကျၢၤတၢ်လၢကစၢ်ယွၤစံးပာ်တ့ၢ်ပမိၢ်ပပၢ်ဖံ ဖုသ့ၣ်လၢပျၢၤတဖၣ်,

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

ရိမ့ၤ 3:30

ကစၢ်ယွၤမ့ၢ်တဂၤဃီ, ဒီးအဝဲကမၤလိၤမၤဘၣ်ပှၤဒိးတၢ်ကူးတရံးဖိ တဖၣ်ဒီးအီၤခီဖျိအဝဲသ့ၣ်အတၢ်စူၢ်တၢ်နာ်, ဒီးပှၤတဒိးတၢ်ကူးတရံးတဖၣ်စ့ၢ်ကီးခီဖျိအဝဲသ့ၣ်အတၢ်စူၢ် တၢ်နာ်န့ၣ်လီၤ.

ရိမ့ၤ 4:11

အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ. သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ် လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

ရိမ့ၤ 9:8

တၢ်အံၤအခီပညီမ့ၢ်ဝဲဖိလၢအအိၣ်ဖျဲၣ်ထီၣ်ဒ်ပှၤဟီၣ်ခိၣ် ဖိအလုအလၢ်အိၣ်ဝဲအသိးတဖၣ်န့ၣ်, တမ့ၢ်ကစၢ်ယွၤ အပှၤဂီၢ်မုၢ်ဘၣ်. မ့မ့ၢ်ဖိလၢအအိၣ်ဖျဲၣ်ထီၣ်ခီဖျိကစၢ်ယွၤ အတၢ်အၢၣ်လီၤအီလီၤတဖၣ်န့ၣ်, တၢ်ပာ်အီၤဒ်စၢၤသွဲၣ်နီၢ်နီၢ် တဖၣ်အသိးန့ၣ်လီၤ.

ကလၤတံ 3:14

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

ကလၤတံ 3:16

အခဲအံၤ, ကစၢ်ယွၤမၤတၢ်အၢၣ်လီၤအီလီၤတဖၣ်ဒီးစီၤအၤဘြၤဟၣ် ဒီးအစၢၤအသွဲၣ်အကျါတဂၤလီၤ. တၢ်ကွဲးအသးစီဆှံတသူတၢ် ကတိၤ “အစၢၤအသွဲၣ်တဖၣ်” လၢအခီပညီမ့ၢ်ဝဲပှၤအါဒံအါဂၤဘၣ်, မ့မ့ၢ်သူဝဲတၢ်ကတိၤ “အစၢၤအသွဲၣ်” အခီပညီမ့ၢ်ဝဲထဲတဂၤ ဧိၤ, လၢအမ့ၢ်ဝဲဒၣ်ခရံာ်န့ၣ်လီၤ(ကဲထီၣ် ၂၂:၁၈).

ကလၤတံ 3:22

ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

အ့းဖ့းစူး 2:5

မၤမူထီၣ်ပှၤတပူၤဃီဒီးခရံာ်ဖဲပမ့ၢ်တ့ၢ်ပှၤသံလၢသူၣ်လၢ သးခီဖျိပတၢ်ဒဲးဘး, တၢ်တဒိကနၣ်ဘၣ်အခါဒၣ်လဲာ်န့ၣ်လီၤ. (သုဘၣ်တၢ်အုၣ်က့ၤခီၣ်က့ၤသုခီဖျိယွၤအဘျုးအဖှိၣ်န့ၣ် လီၤ.)

အ့းဖ့းစူး 2:8

အဂ့ၢ်ဒ်အံၤ, မ့ၢ်လၢကစၢ်ယွၤအဘျုးအဖှိၣ်အဃိ သုဘၣ်တၢ်အုၣ်က့ၤခီၣ်က့ၤသုခီဖျိသုတၢ်နာ်န့ၣ်လီၤ. တမ့ၢ်တၢ်လၢသုမၤန့ၢ်ဒၣ်သုတၢ်ဒၣ်သုဝဲန့ၣ်ဘၣ်, မ့ၢ်ကစၢ်ယွၤအတၢ်ဟ့ၣ်န့ၣ်လီၤ.

တံတူး 3:7

ဒ်သိးပကန့ၢ်ဘၣ်တၢ်ပာ်တီပာ်လိၤပှၤခီဖျိအဝဲအဘျုးအဖှိၣ် ဒီးပကန့ၢ်ဘၣ်သါတၢ်မူအထူအယိာ်လၢပမုၢ်လၢ်အီၤန့ၣ်လီၤ.

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.