ရိမ့ၤ 4:15 - Sgaw Karen Common Bible

¹⁵ တၢ်သိၣ်တၢ်သီဒုးအိၣ်ထီၣ်ကစၢ်ယွၤအတၢ်သးထီၣ်ဒီးဖဲ တၢ်သိၣ်တၢ်သီတအိၣ်ဘၣ်န့ၣ်, တၢ်လုၣ်သ့ၣ်ခါပတာ် တၢ်သိၣ်တၢ်သီတအိၣ်ဘၣ်လီၤ.

ရိမ့ၤ 4:15 Iomraidhean Croise

လံာ်စီၤပၤခံဘ့ၣ်တဘ့ၣ် 22:13

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢကယဲၢ်ကီၢ်ယူဒၤ အပှၤဂီၢ်မုၢ်အဂီၢ်ဘၣ်ဃးဒီးလံာ်အံၤအတၢ်သိၣ်တၢ်သီ တဖၣ်အဂ့ၢ်န့ၣ်တက့ၢ်. ယွၤအသးထီၣ်ဘၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တမၤတ့ၢ်တၢ်လၢလံာ်အံၤပာ် ဖျါဝဲလၢပကဘၣ်မၤဝဲတဖၣ်အဃိန့ၣ်လီၤ.”

လံာ်ယံးရမံယၤ 4:8

လၢတၢ်န့ၣ်အဃိ, ကူထီၣ်ကၤထီၣ်တၢ်ကံးယာ်, ဘၣ်မိၣ်ဘၣ်မးဒီး ဟီၣ်တၢ်ယၢၤတၢ်တက့ၢ်. အဂ့ၢ်ဒ်အံၤ, ယွၤအတၢ်သးကဲၤ ဒိၣ်ထီၣ်, တဃၣ်ယံၤကွံာ်ဘၣ်အသးလၢကီၢ်ယူဒၤဘၣ်.

လံာ်သးသယုၢ်တၢ် 2:22

နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်ယဃ့းစက့လး 7:19

အဝဲသ့ၣ်ကစူးကွံာ်အထူဒီးအစ့တဖၣ်, လၢကျဲဘိတဖၣ်အပူၤဒ်တၢ် တဂိာ်တသီၣ်ဘၣ်အသိး, မ့ၢ်လၢစ့မ့ၢ်ဂ့ၤထူမ့ၢ်ဂ့ၤ, ဖဲယွၤလူလီၤအတၢ်သးကဲၤထီၣ်န့ၣ်, အုၣ်က့ၤခီၣ်က့ၤအဝဲသ့ၣ်တသ့ ဘၣ်အဃိန့ၣ်လီၤ. အဝဲသ့ၣ်သူအီၤလၢတၢ်မၤသးမံအတၢ်သူၣ်လီသး ကွံတဖၣ်အဂီၢ်မ့ၢ်ဂ့ၤ, တၢ်မၤပှဲၤအဟၢဖၢတဖၣ်အဂီၢ်မ့ၢ်ဂ့ၤ, တသ့ဘၣ်အဃိလီၤ. ထူဒီးစ့ဆှၢအဝဲသ့ၣ်ဆူ တၢ်ဒဲးဘးအပူၤန့ၣ်လီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်တၢ်ဂံၢ် 32:14

ဒီးခဲအံၤသုဟံးန့ၢ်သုပၢ်တဖၣ်အလီၢ်, ပှၤတၢ်ဒဲးဘးဖိအသီတစိၤလၢကတဲာ်ကတီၤအသးဒ်သိးကဒုးလီၤဘၣ် ယွၤအတၢ်သးကဲၤထီၣ်ဆူၣ်လၢကီၢ်အံၣ်စရ့လးဖိအလိၤကဒီးန့ၣ်လီၤ.

လံာ်ယိၤဟၣ် 15:22

ယမ့ၢ်တဟဲဒီးကတိၤတၢ်ဒီးအဝဲသ့ၣ်ဘၣ်န့ၣ်, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ကတိၤပူၤဖျဲးအသးလၢအတၢ်ဒဲးဘးန့ၣ် တသ့လၢၤဘၣ်.

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

ရိမ့ၤ 1:17

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”

ရိမ့ၤ 5:13

တၢ်ဒဲးဘးအိၣ်ပာ်စၢၤလၢဟီၣ်ခိၣ်ချၢတချုးလၢတၢ်သိၣ် တၢ်သီဘၣ်တၢ်ဟ့ၣ်လီၤအီၤ, ဘၣ်ဆၣ်ဖဲတၢ်သိၣ်တၢ်သီ တအိၣ်ဘၣ်န့ၣ်တၢ်တကွဲးနီၣ်ဘၣ်တၢ်ဒဲးဘးတဖၣ်န့ၣ်ဘၣ်.

1 ကရံၣ်သူး 15:56

တၢ်သံဒိးန့ၢ်ဘၣ်တၢ်စိကမီၤလၢအကမၤဆူးမၤဆါတၢ်လၢတၢ်ဒဲး ဘးအအိၣ်, ဒီးတၢ်ဒဲးဘးဒိးန့ၢ်တၢ်စိတၢ်ကမီၤလၢတၢ်သိၣ်တၢ်သီ အအိၣ်လီၤ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

ကလၤတံ 3:19

မ့မ့ၢ်ဒ်န့ၣ်ဒီး, တၢ်သိၣ်တၢ်သီအတၢ်တိာ်ပာ်မ့ၢ်တၢ်မနုၤလဲၣ်. တၢ်သိၣ်တၢ်သီဘၣ်တၢ်ဟ့ၣ်လီၤအီၤဒ်သိးအကဒုးနဲၣ်တၢ်မၤ ကမၣ်တၢ်မ့ၢ်တၢ်မနုၤလဲၣ်န့ၣ်လီၤ. ဒီးတၢ်တိာ်ပာ်အီၤလၢအကအိၣ်ဂၢၢ်ကျၢၤတုၤလၢ စီၤအၤဘြၤဟၣ်အစၢၤအသွဲၣ်လၢတၢ်အၢၣ်လီၤတ့ၢ်အီၤဟဲတုၤ တစုလီၤ. တၢ်သိၣ်တၢ်သီန့ၣ်ဘၣ်တၢ်ဟ့ၣ်လီၤအီၤခီဖျိမူခိၣ် ကလူးတဖၣ်ဒီးပှၤကညီတဂၤကဲပှၤတၢ်ဘၢၣ်စၢၤဖိန့ၣ်လီၤ.

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

ကလီးစဲ 3:6

မ့ၢ်လၢတၢ်အၢတၢ်သီဒ်သိးအံၤတဖၣ်အဃိ, ကစၢ်ယွၤအတၢ်သးဒိၣ်ကဟဲဝဲဒီးကလီၤဘၣ်လၢပှၤလၢအတဒိ ကနၣ်ယွၤအကလုၢ်တဖၣ်အလိၤန့ၣ်လီၤ.

၁ ယိၤဟၣ် 3:4

ကယဲၢ်ပှၤတဂၤလၢ်လၢ်လၢအမၤတၢ်ဒဲးဘးန့ၣ်, လုၣ်သ့ၣ်ခါပတာ်ကစၢ်ယွၤအတၢ်သိၣ်တၢ်သီလီၤ. အဂ့ၢ်ဒ်အံၤ, တၢ်ဒဲးဘးမ့ၢ်တၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီလီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.