ရိမ့ၤ 4:11 - Sgaw Karen Common Bible

¹¹ အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ. သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ် လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.

ရိမ့ၤ 4:11 Iomraidhean Croise

လံာ်တၢ်ကဲထီၣ်အခီၣ်ထံး 17:24

ဒီးဖဲစီၤအၤဘြၤဟၣ်ဒိးတၢ်ကူၣ်တရံးန့ၣ်အသးပှၢ်တ့ၢ်လံ ခွံဆံခွံနံၣ်န့ၣ်လီၤ.

စံးထီၣ်ပတြၢၤ 47:9

ပှၤပၢတၢ်လၢအပၢပှၤကလုာ်တဖၣ်အိၣ်ဖှိၣ်ရိဖှိၣ် ဒီးစီၤအၤဘြၤဟၣ်အကစၢ်ယွၤ အပှၤဂီၢ်မုၢ်တဖၣ်န့ၣ်လီၤ. အဂ့ၢ်ဒ်အံၤ ဟီၣ်ခိၣ်အကတီၤတဖၣ် ဘၣ်ဃးဒီးယွၤန့ၣ်လီၤ. အဝဲဘၣ်တၢ်ပာ်ထီၣ်ထီအီၤဒိၣ်မးန့ၣ်လီၤ.

လံာ်တၢ်ဟးထီၣ်ကွံာ် 12:13

တၢ်သွံၣ်လၢတြဲၤအထူၣ်တဖၣ်အလိၤန့ၣ်ကမ့ၢ်တၢ်ပနီၣ်တမံၤလၢဟံၣ် လၢသုအိၣ်လၢအပူၤအဂီၢ်န့ၣ်လီၤ. တုၤယထံၣ်တၢ်သွံၣ်န့ၣ်ဒီးယကလဲၤကပာ်ကွံာ်သု, ဒီးတုၤယစံၣ်ညီၣ်ပှၤအဲၤကူပတူးဖိတဖၣ်န့ၣ်ဒီးယတမၤဆါသုဘၣ်န့ၣ်လီၤ.

လံာ်တၢ်ဟးထီၣ်ကွံာ် 31:13

“ပာ်စီဆှံမုၢ်အိၣ်ဘှံးအနံၤစီဆှံ, မုၢ်နံၤလၢယအိၣ်ဘှံး န့ၣ်တက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ပနီၣ်လၢသုဝဲဒီးယၤအဘၢၣ်စၢၤလၢ တၢ်ကဒုးနဲၣ်ဖျါထီၣ်လၢယၤ, ယွၤအံၤ, ယဒုးကဲထီၣ်သုလၢယပှၤဂီၢ်မုၢ်ခဲအံၤဒီးဆူညါအစိၤစိၤအဃၣ်ဃၣ်န့ၣ်လီၤ.

လံာ်တၢ်ဟးထီၣ်ကွံာ် 31:17

အဝဲအံၤမ့ၢ်တၢ်ပနီၣ်အဂၢၢ်အကျၢၤတမံၤလၢကီၢ်အံၣ်စရ့လးအပှၤ ဂီၢ်မုၢ်ဒီးယၤအဘၢၣ်စၢၤန့ၣ်လီၤ. အဂ့ၢ်ဒ်အံၤယၤ, ယွၤအံၤတ့လီၤမူခိၣ်ဒီးဟီၣ်ခိၣ်လၢဃုနံၤဃုသီ အတီၢ်ပူၤ, ဒီးလၢနွံသီတသီန့ၣ်ယဆိကတီၢ်တၢ်မၤဒီးအိၣ်ဘှံးယဲ ဒၣ်လီၤ.”

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 20:20

ပာ်မုၢ်အိၣ်ဘှံးနံၤဒ်မုၢ်နံၤစီဆှံတနံၤအသိး, ဒ်သိးတၢ်န့ၣ်ကမ့ၢ်ပတၢ်အၢၣ်လီၤအီလီၤအတၢ်ပနီၣ်တမံၤဒီးကဒုး သ့ၣ်နီၣ်ထီၣ်သုလၢယမ့ၢ်ယွၤသုကစၢ်ယွၤန့ၣ်တက့ၢ်.

လံာ်မးသဲ 16:16

စီၤၡံမိၣ်ပ့းတရူးစံးဆၢဝဲ, “နမ့ၢ်ခရံာ်, ကစၢ်ယွၤလၢအမူဝဲတဂၤအဖိခွါလီၤ.”

လံာ်မးသဲ 8:11

ယစံးဘၣ်သု, ဖဲမူခိၣ်ဘီမုၢ်အမူးဖးဒိၣ်ဘၣ်ဝဲန့ၣ်, ပှၤအါဒံအါဂၤကဟဲဝဲလၢ မုၢ်ထီၣ်ဒီးမုၢ်နုာ်ဒီးဆ့ၣ်နီၤအီၣ်သကိးတၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်လီၤ.

လံာ်လူၤကၣ် 19:9

ယ့ၣ်ၡူးစံးဘၣ်အီၤ, “မုၢ်တနံၤညါအံၤ, တၢ်အုၣ်က့ၤခီၣ်က့ၤ ဟဲတုၤလံလၢဟံၣ်တဖျၢၣ်အံၤလံ. အဂ့ၢ်ဒ်အံၤပှၤတဂၤအံၤစ့ၢ်ကီးမ့ၢ် ဝဲစီၤအၤဘြၤဟၣ်အစၢၤအသွဲၣ်လီၤ.

လံာ်ယိၤဟၣ် 3:33

ပှၤတဂၤလၢ်လၢ်လၢအအၢၣ်လီၤတူၢ်လိာ်အတၢ်ကစီၣ်န့ၣ်, ပာ်ဂၢၢ်ပာ်ကျၢၤဝဲလီၤတံၢ်လီၤဆဲးလၢကစၢ်ယွၤ န့ၣ်တီဝဲလိၤဝဲလီၤ.

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

လံာ်ယိၤဟၣ် 6:35

ယ့ၣ်ၡူးစံးဘၣ်တဲဘၣ်အဝဲသ့ၣ်, “ယဲဒၣ်အံၤယမ့ၢ်တၢ်မူ အကိၣ်န့ၣ်လီၤ. ပှၤလၢအဟဲဆူယအိၣ်န့ၣ် တၢ်တသၣ်ဝံၤလၢၤဘၣ်အသးနီတဘျီဘၣ်. ပှၤလၢ အစူၢ်က့ၤနာ်က့ၤယၤန့ၣ်တၢ်တသူလၢၤဘၣ်အသးလၢ ထံနီတဘျီဘၣ်.

လံာ်ယိၤဟၣ် 6:40

အဂ့ၢ်ဒ်အံၤ, ယပၢ်အတၢ်ဘၣ်အသးမ့ၢ်ဒ်သိးကယဲၢ်ပှၤလၢ အထံၣ်ဖိခွါဒီးစူၢ်က့ၤနာ်က့ၤအီၤတဂၤလၢ်လၢ် ကဒိးန့ၢ်ဘၣ်တၢ်မူအထူအယိာ်န့ၣ်လီၤ. ဒီးယကဒုးဂဲၤဆၢထၢၣ်က့ၤအဝဲသ့ၣ်ဆူတၢ်မူလၢ မုၢ်နံၤခံကတၢၢ်န့ၣ်လီၤ.”

လံာ်ယိၤဟၣ် 6:47

ယစံးဘၣ်တဲဘၣ်သုတၢ်မ့ၢ်တၢ်တီလီၤ. ပှၤလၢအစူၢ်က့ၤနာ် က့ၤတၢ်န့ၣ်အိၣ်ဒီးတၢ်မူအထူအယိာ်လီၤ.

လံာ်ယိၤဟၣ် 8:33

အဝဲသ့ၣ်စံးဆၢအီၤ, “ပမ့ၢ်စီၤအၤဘြၤဟၣ်အစၢၤအသွဲၣ်တဖၣ် ဒီးပတကဲပှၤဂၤအကုၢ်နီတဘျီဒံးဘၣ်ဒီးနစံးလၢ ‘တၢ်ကမၤထူၣ်ဖျဲးသု’ န့ၣ်, နပာ်နဲအခီပညီဒ်လဲၣ်.”

ရိမ့ၤ 10:11

တၢ်ကွဲးအသးစီဆှံစံးဝဲ, “ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်အသးတဟးဂီၤဘၣ်ဝဲဘၣ်” (ၡါ ၂၈:၁၆).

ရိမ့ၤ 10:4

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.

ရိမ့ၤ 10:6

တၢ်ကွဲးအသးဘၣ်ဃးတၢ်ပာ်တီပာ်လိၤပှၤဒီးကစၢ်ယွၤခီ ဖျိတၢ်စူၢ်တၢ်နာ်စံးဝဲ, “တဘၣ်စံးလၢနသးကံၢ်ပူၤ, မတၤကလဲၤထီၣ်ဆူမူခိၣ်တဂၤလဲၣ်တဂ့ၤ”, (ဒ်ပစံးတၢ် အသိး, ဒ်သိးကဟဲက့ၤကိးလီၤခရံာ်အဂီၢ်)

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

ရိမ့ၤ 3:26

ဘၣ်ဆၣ်လၢဆၢကတီၢ်ခဲအံၤ, ကစၢ်ယွၤပာ်သူၣ်ပာ်သးလၢပှၤဟီၣ်ခိၣ်ဖိတဖၣ်အတၢ်ဒဲးဘး ဒ်သိးအကဒုးနဲၣ်အတၢ်တီတၢ်လိၤအဂီၢ်န့ၣ်လီၤ. လၢကျဲဒ် အံၤန့ၣ်, ကစၢ်ယွၤဒုးနဲၣ်ဝဲလၢအကစၢ်ဒၣ်ဝဲမ့ၢ်ပှၤတီပှၤလိၤ ဒီးအဝဲပာ်တီပာ်လိၤပှၤကိးဂၤဒဲးလၢအစူၢ်က့ၤနာ်က့ၤယ့ၣ်ၡူး န့ၣ်လီၤ.

ရိမ့ၤ 3:30

ကစၢ်ယွၤမ့ၢ်တဂၤဃီ, ဒီးအဝဲကမၤလိၤမၤဘၣ်ပှၤဒိးတၢ်ကူးတရံးဖိ တဖၣ်ဒီးအီၤခီဖျိအဝဲသ့ၣ်အတၢ်စူၢ်တၢ်နာ်, ဒီးပှၤတဒိးတၢ်ကူးတရံးတဖၣ်စ့ၢ်ကီးခီဖျိအဝဲသ့ၣ်အတၢ်စူၢ် တၢ်နာ်န့ၣ်လီၤ.

ရိမ့ၤ 4:10

တၢ်အံၤမၤအသးအခါဖဲလဲၣ်. မ့ၢ်အမၤအသးတချုးစီၤအၤဘြၤဟၣ်ဒိးတၢ်ကူးတရံးဧါ. မ့တမ့ၢ်လၢကူးတရံးအသးဝံၤအလီၢ်ခံဧါ. တချုးအဒိးတၢ်ကူး တရံး, ဒီးတမ့ၢ်လၢအကူးတရံးသးဝံၤအလီၢ်ခံန့ၣ်ဘၣ်.

ရိမ့ၤ 9:30

မ့မ့ၢ်ဒ်န့ၣ်ဒီးပကစံးဒ်လဲၣ်. ပှၤကလုာ်ဂၤတဖၣ်လၢအတကျဲးစၢးမၤလိၤမၤဘၣ်အသးဒီး ကစၢ်ယွၤန့ၣ်, ဘၣ်တၢ်ပာ်တီပာ်လိၤအီၤခီဖျိတၢ်နာ်န့ၣ်လီၤ.

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

ရိမ့ၤ 9:6

ယတစံးလၢကစၢ်ယွၤအတၢ်အၢၣ်လီၤဟးဂီၤကွံာ်လံ န့ၣ်ဘၣ်. အဂ့ၢ်ဒ်အံၤ, ပှၤဂီၢ်မုၢ်လၢအံၣ်စရ့လးအပူၤ တမ့ၢ်ကစၢ်ယွၤအပှၤဂီၢ်မုၢ်ခဲလၢာ်ဘၣ်.

၂ ကရံၣ်သူး 1:22

ပာ်လီၤတ့ၢ်အတၢ်ပနီၣ်ဒၣ်ဝဲလၢပလိၤဒ်သိးကပာ်ဖျါဝဲလၢအမ့ၢ် ပကစၢ်, ဒီးဟ့ၣ်တ့ၢ်ပှၤသးစီဆှံလၢပသးပူၤဒ်တၢ်အုၣ်ခီၣ် အသးလၢတၢ်ခဲလၢာ်လၢအအိၣ်ကတဲာ်ကတီၤပာ်စၢၤဝဲလၢ ပဂီၢ်န့ၣ်လီၤ.

ကလၤတံ 3:22

ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

ကလၤတံ 3:7

မ့မ့ၢ်ဒ်န့ၣ်ဒီး, သုကြၢးသ့ၣ်ညါနၢ်ပၢၢ်လၢပှၤလၢအလီၤစၢၤနီၢ်နီၢ် လၢစီၤအၤဘြၤဟၣ်မ့ၢ်ပှၤတဖၣ်လၢအအိၣ်ဒီးတၢ်စူၢ်တၢ်နာ်န့ၣ်လီၤ.

ကလၤတံ 5:5

မ့မ့ၢ်ပဝဲသ့ၣ်တဖၣ်အံၤ, ပတၢ်မုၢ်လၢ်မ့ၢ်ဝဲကစၢ်ယွၤကမၤလိၤ မၤဘၣ်ပှၤဒီးအီၤ, ဒီးတၢ်တမံၤအံၤမ့ၢ်ဝဲတၢ်လၢပခိးပဝဲလၢယွၤ အသးစီဆှံအစိကမီၤမၤတၢ်ခီဖျိပတၢ်စူၢ်တၢ်နာ်န့ၣ်လီၤ.

ကလၤတံ 6:16

မ့မ့ၢ်ပှၤလၢအပိာ်ထွဲတၢ်ဘျၢအဝဲအံၤလၢအတၢ်အိၣ်မူ အပူၤန့ၣ်, မ်တၢ်ဃူတၢ်ဖိးဒီးတၢ်သးကညီၤအိၣ်ဒီးအဝဲသ့ၣ်ဒီး ကစၢ်ယွၤအပှၤဂီၢ်မုၢ်ခဲလၢာ်န့ၣ်တက့ၢ်.

အ့းဖ့းစူး 1:13

သုဝဲလၢအနၢ်ဟူတ့ၢ်လံတၢ်မ့ၢ်တၢ်တီအကလုၢ်ကထါ, တၢ်သးခုအကစီၣ်လၢအဟဲစိာ်န့ၢ်သုတၢ်အုၣ်က့ၤခီၣ်က့ၤ ဒီးစူၢ်က့ၤနာ်က့ၤတ့ၢ်လံခရံာ်တဖၣ်စ့ၢ်ကီးသုဘၣ်တၢ်စဲ ပနီၣ်ဃာ်သုဒီးသးစီဆှံလၢအဘၣ်တၢ်စံးပာ်တ့ၢ်အီၤန့ၣ်လီၤ.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

လံာ်လီၣ်ဖျါ 9:4

အဝဲသ့ၣ်ဘၣ်တၢ်မၤလိာ်ပာ်အီၤလၢအသုတမၤဘၣ်ဒိတပံၢ် တမါမ့ၢ်ဂ့ၤသ့ၣ်တဖၣ်မ့ၢ်ဂ့ၤ, တၢ်မုၢ်တၢ်ဘိအဂၤမ့ၢ်ဂ့ၤနီတမံၤ တဂ့ၤန့ၣ်လီၤ. အဝဲသ့ၣ်ကဘၣ်မၤဆူးမၤဆါထဲပှၤလၢအတအိၣ်ဒီးတၢ်ပနီၣ် ဘၣ်ဃးကစၢ်ယွၤအတၢ်စဲပနီၣ်ဃာ်လၢအခိၣ်တိသၣ်အလိၤ တဖၣ်န့ၣ်လီၤ.