ရိမ့ၤ 3:8 - Sgaw Karen Common Bible

⁸ မ့မ့ၢ်ဒ်န့ၣ်ဒီးမ့ၢ်ပကစံး, “မ်ပကမၤသကိးတၢ်အၢဒ်သိးတၢ်ဂ့ၤကမၤအသးအဂီၢ်န့ၣ်ဧါ.” ပှၤတနီၤနီၤဒုၣ်ဒွဲၣ်စံးအၢယၤဒီးပာ်တၢ်ကမၣ်လၢယလိၤလၢယစံး ကတိၤတၢ်ဒ်အံၤန့ၣ်လီၤ. အဝဲသ့ၣ်ကဘၣ်တၢ်စံၣ်ညီၣ်ဃၣ်အီၤဒ်အကြၢးဝဲဒီးအီၤအသိး န့ၣ်လီၤ.

ရိမ့ၤ 3:8 Iomraidhean Croise

လံာ်ယံးရမံယၤ 40:16

ဘၣ်ဆၣ်ဒီး, စီၤကဒါလယၤစံးဆၢတၢ်ဒီးစံးဝဲ, “မၤတဂ့ၤ. တၢ်လၢနစံးတၢ်ဘၣ်ဃးစီၤယံးၡမၤအ့လးအဂ့ၢ်န့ၣ်, တမ့ၢ်တတီဝဲဘၣ်.”

လံာ်မးသဲ 5:11

တဘျီလၢ်လၢ်ဖဲပှၤကတိၤဒုၣ်ဒွဲၣ်သု, မၤအၢမၤနးသု, ဒီးစံးအၢစံးသီသုကဘျံးကဘျၣ်လၢသုမ့ၢ်ယပျဲၢ်ယဘီၣ်အဃိ န့ၣ်, သုမ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

ရိမ့ၤ 6:1

မ့မ့ၢ်ဒ်န့ၣ်ဒီး, ပကစံးဒ်လဲၣ်. မ့ၢ်ပကအိၣ်မူဒံးလၢတၢ်ဒဲးဘး အပူၤဒ်သိးကစၢ်ယွၤအဘျုးအဖှိၣ်ကအါထီၣ်ဝဲအဂီၢ်န့ၣ်ဧါ.

ရိမ့ၤ 6:15

မ့မ့ၢ်ဒ်န့ၣ်ဒီး, မ့ၢ်လၢပအိၣ်လၢတၢ်ဘျုးတၢ်ဖှိၣ်အဖီလာ်ဒီး တမ့ၢ်ဘၣ်လၢတၢ်သိၣ်တၢ်သီအဖီလာ်အဃိ, မ့ၢ်ပကမၤ တၢ်ဒဲးဘးဧါ. တမ့ၢ်ဒ်န့ၣ်လ့ၤတက့ၤဘၣ်.

ရိမ့ၤ 7:7

မ့မ့ၢ်ဒ်န့ၣ်ဒီး, ပကစံးဒ်လဲၣ်. တၢ်သိၣ်တၢ်သီအိၣ်ဒၣ်အတၢ် န့ၣ်မ့ၢ်တၢ်ဒဲးဘးဧါ. တမ့ၢ်ဒ်န့ၣ်ဘၣ်. ဘၣ်ဆၣ်တၢ်သိၣ်တၢ်သီမ့ၢ်တၢ်လၢအဒုးသ့ၣ်ညါ ယၤတၢ်ဒဲးဘးမ့ၢ်တၢ်မနုၤလဲၣ်န့ၣ်လီၤ. တၢ်သိၣ်တၢ်သီမ့ၢ် တစံး “သူၣ်လီသးကွံတၢ်တဂ့ၤ” ဒီးတၢ်သူၣ်လီ သးကွံမ့ၢ်တၢ်မနုၤလဲၣ်န့ၣ် တမ့ၢ်ယကသ့ၣ်ညါဘၣ်.

၂ ကရံၣ်သူး 11:15

လၢတၢ်န့ၣ်အဃိ, အဝဲအခ့အပှၤတဖၣ်မ့ၢ်ပျိာ်လဲလိာ်အသးဒ်သိး အကလီၤဂာ်ဒီးတၢ်တီတၢ်လိၤအခ့အပှၤန့ၣ်, တမ့ၢ်တၢ်အဒိၣ်အမုၢ် တမံၤဘၣ်. လၢခံကတၢၢ်န့ၣ်, အဝဲသ့ၣ်ကဒိးန့ၢ်ဘၣ်တၢ်ဒ်အကြၢးဝဲဘၣ်ဝဲဒီးအတၢ်ဖံး တၢ်မၤတဖၣ်နီၢ်နီၢ်အသိးန့ၣ်လီၤ.

၂ ကရံၣ်သူး 6:8

ပဘၣ်တၢ်မၤလၤကပီၤပှၤဒီးတၢ်မၤဟးဂီၤပလၤပကပီၤ, ပဘၣ်တၢ်ဒုၣ်ဒွဲၣ်ဒီးတၢ်စံးထီၣ်ပတြၢၤပှၤန့ၣ်လီၤ. ပဘၣ်တၢ်ပာ်ပှၤဒ်ပှၤလီတၢ်ဖိဘၣ်ဆၣ်ဒီးပကတိၤ တၢ်မ့ၢ်တၢ်တီလီၤ.

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.