ရိမ့ၤ 3:31 - Sgaw Karen Common Bible

³¹ တၢ်အဝဲအံၤအခီပညီမ့ၢ်ပတၢၤကွံာ်တၢ်သိၣ်တၢ်သီလၢတၢ် စူၢ်တၢ်နာ်အံၤန့ၣ်ဧါ. တမ့ၢ်ဒ်န့ၣ်ဘၣ်. မ့မ့ၢ်ပပာ်ဂၢၢ်ပာ်ကျၢၤတၢ်သိၣ်တၢ်သီအံၤတခီန့ၣ်လီၤ.

ရိမ့ၤ 3:31 Iomraidhean Croise

စံးထီၣ်ပတြၢၤ 119:126

ဆၢကတီၢ်ဘၣ်လံလၢယွၤကမၤတၢ်လီၤ. အဂ့ၢ်ဒ်အံၤ, နတၢ်သိၣ်တၢ်သီတဖၣ် ဘၣ်တၢ်ဘိးကဒါကွံာ်အီၤလံ.

စံးထီၣ်ပတြၢၤ 40:8

ယကစၢ်ယွၤဧၢ, ယသးခုမၤယဲနတၢ်ဘၣ်နသးန့ၣ်လီၤ. ယပၢၤဃာ်နတၢ်သိၣ်တၢ်သီလၢယသးပူၤလီၤ.’’

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်မးသဲ 15:6

အလီၢ်တအိၣ်ဘၣ်လၢအကယူးယီၣ်အမိၢ်အပၢ်လၢၤဘၣ်န့ၣ်လီၤ. လၢကျဲဒ်အံၤ, သုမၤဟးဂီၤကွံာ်ယွၤအတၢ်မၤလိာ်, ဒ်သိးသုကမၤဘၣ်သုလုၢ်သုလၢ်ဒၣ်ဝဲန့ၣ်လီၤ.

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

လံာ်မးသဲ 5:17

တဘၣ်ဆိကမိၣ်သုဝဲလၢယဟဲဒ်သိးယကမၤဟးဂီၤကွံာ်စီၤမိၤၡ့ အတၢ်သိၣ်တၢ်သီဒီးဝံတဖၣ်အတၢ်သိၣ်လီၤသီလီၤန့ၣ်တဂ့ၤ. ယဟဲတမ့ၢ်ဘၣ်လၢယကမၤဟးဂီၤကွံာ်တၢ်န့ၣ်တဖၣ်အဂီၢ်ဘၣ်. မ့ၢ်ဒ်သိးယကမၤလၢထီၣ်ပှဲၤထီၣ်အီၤအဂီၢ်တခီန့ၣ်လီၤ.

လံာ်မးသဲ 5:20

သုတၢ်တီတၢ်လိၤမ့ၢ်တဒိၣ်န့ၢ်အါန့ၢ်ပှၤသ့တၢ်ဘူၣ်တၢ်ဘါ အတၢ်သိၣ်တၢ်သီဒီးပှၤဖၤရံၤၡဲတဖၣ်အတၢ်တီတၢ်လိၤဘၣ်ဒီး, သုလဲၤနုာ်ဆူမူခိၣ်အဘီအမုၢ်အပူၤတသ့လ့ၤတက့ၤဘၣ်.

လံာ်လူၤကၣ် 20:16

“အဝဲဒၣ်ကဟဲဒီးမၤသံပှၤသ့ၣ်တဖၣ်န့ၣ်, ဒီးဟ့ၣ်လီၤက့ၤစပံးလီၢ်ဆူ ပှၤမၤဟီၣ်ခိၣ်အဂၤတဖၣ်အစုပူၤလီၤ.” ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်စံးဝဲ, “မ်တၢ်သုတမၤအသးဒ်န့ၣ်တဂ့ၤ.”

ရိမ့ၤ 10:4

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.

ရိမ့ၤ 2:20

နမ့ၢ်ပှၤတဂၤလၢအသိၣ်က့ၤသီက့ၤပှၤဟးဂီၤဖိတဖၣ်ဒီး သရၣ်သိၣ်လိတၢ်တဂၤလၢပှၤတသ့လံာ်သ့လဲာ်တဖၣ်အဂီၢ် န့ၣ်လီၤ. နသ့ၣ်ညါလီၤတံၢ်လၢယူဒၤအတၢ်သိၣ်တၢ်သီအပူၤန့ၣ်, နအိၣ်ဒီးတၢ်သ့ၣ်ညါဒီးတၢ်မ့ၢ်တၢ်တီအလၢအပှဲၤန့ၣ်လီၤ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

ရိမ့ၤ 3:6

တမ့ၢ်ဒ်န့ၣ်ဘၣ်. ယွၤမ့ၢ်တတီတလိၤဘၣ်ဒီး, အဝဲစံၣ်ညီၣ်ဟီၣ်ခိၣ်ကသ့လၢကျဲဒ်လဲၣ်.

ရိမ့ၤ 4:14

မ့ၢ်အဂ့ၢ်ဒ်လဲၣ်န့ၣ်, တၢ်လၢကစၢ်ယွၤအၢၣ်လီၤအီလီၤတဖၣ်မ့မ့ၢ်ဒၣ်ထဲလၢ ပှၤလၢအတိၢ်န့ၢ်တၢ်သိၣ်တၢ်သီတဖၣ်အဂီၢ်န့ၣ်ဒီး, ပှၤကညီအတၢ်စူၢ်တၢ်နာ်အခီပညီတအိၣ်နီတမံၤလၢၤဘၣ်, ဒီးကစၢ်ယွၤအတၢ်အၢၣ်လီၤအီလီၤကဲထီၣ်တၢ်ကလီကလီန့ၣ်လီၤ.

ရိမ့ၤ 7:22

လၢယသးကံၢ်ပူၤတခီ, ယသူၣ်ခုသးခုလၢကစၢ်ယွၤအတၢ်သိၣ်တၢ်သီအပူၤန့ၣ်လီၤ.

ရိမ့ၤ 7:25

စံးဘျုးကစၢ်ယွၤလၢအမၤတၢ်အံၤခီဖျိပကစၢ်ယ့ၣ်ၡူးခရံာ် အဃိတက့ၢ်. တၢ်လၢအမၤအသးဒီးယၤမ့ၢ်ဒ်အံၤလီၤ. လၢသူၣ်လၢသးန့ၣ်, ယမၤထွဲကစၢ်ယွၤအတၢ်သိၣ်တၢ်သီအခံ, မ့မ့ၢ်လၢနီၢ်ခိနီၢ်ခီန့ၣ်ယမၤထွဲတၢ်ဒဲးဘးအတၢ်သိၣ်တၢ်သီ အခံအဃိန့ၣ်လီၤ.

ရိမ့ၤ 8:4

ကစၢ်ယွၤမၤတၢ်အံၤ မ့ၢ်ဒ်သိးဒီးတၢ်သိၣ်တၢ်သီအတၢ်မၤ လိာ်အတီအလိၤကလၢထီၣ်ပှဲၤထီၣ်ဝဲဒၣ်လၢပဝဲလၢအအိၣ် မူဒ်ယွၤအသးအသိး, ဒီးတမ့ၢ်ဘၣ်ဒ်ဟီၣ်ခိၣ်ဖိအန့ဆၢၣ် အသိးတဖၣ်အပူၤဘၣ်န့ၣ်လီၤ.

1 ကရံၣ်သူး 9:21

ဒ်န့ၣ်အသိး, ဖဲယမၤတၢ်လၢပှၤကလုာ်တဖၣ်အသိးအကျါ န့ၣ်, ယအိၣ်မူယဲဒ်ပှၤကလုာ်ဂၤတဂၤအသိး, လၢယူဒၤ တၢ်သိၣ်တၢ်သီအချၢ, ဒ်သိးယကမၤန့ၢ်က့ၤပှၤကလုာ်ဂၤတဖၣ်ဆူခရံာ်အအိၣ်န့ၣ်လီၤ. အဝဲအံၤန့ၣ်, အခီပညီတမ့ၢ်လၢယတဒိကနၣ်ယွၤအတၢ်သိၣ်တၢ် သီဘၣ်. ယအိၣ်ယဲနီၢ်နီၢ်လၢခရံာ်အတၢ်သိၣ်တၢ်သီအဖီလာ်လီၤ.

ကလၤတံ 2:19

ဖဲလၢအဘၣ်ဃးဒီးတၢ်သိၣ်တၢ်သီန့ၣ်ယသံယဲလံ. ယဘၣ်တၢ်မၤသံယၤလၢတၢ်သိၣ်တၢ်သီအကစၢ်ဒၣ်ဝဲ, ဒ်သိးယကမူလၢကစၢ်ယွၤအဂီၢ်န့ၣ်လီၤ. ယဒိးသံဃုာ်ယသးဒီးခရံာ်လၢအထူၣ်စုညါအလိၤ န့ၣ်လံ.

ကလၤတံ 2:21

ယတပာ်ကွံာ်ကစၢ်ယွၤအဘျုးအဖှိၣ်န့ၣ်ဘၣ်. ဘၣ်ဆၣ်ဒီး, ပှၤတဂၤဂၤမ့ၢ်ဘၣ်တၢ်မၤလိၤမၤဘၣ်အီၤဒီးကစၢ်ယွၤ ခီဖျိတၢ်သိၣ်တၢ်သီဒီး, အခီပညီခရံာ်တူၢ်သံအသးမ့ၢ်တၢ် ကလီကလီလီၤ.