ရိမ့ၤ 3:3 - Sgaw Karen Common Bible

³ အဝဲသ့ၣ်အကျါတနီၤအကလုၢ်မ့ၢ်တတီဘၣ်ဒီးတၢ်ကမၤအသးဒ်လဲၣ်. မ့ၢ်အတၢ်ကလုၢ်တတီအံၤကမၤဟးဂီၤကွံာ်ကစၢ်ယွၤအတၢ် ကလုၢ်တီန့ၣ်ဧါ.

ရိမ့ၤ 3:3 Iomraidhean Croise

စံးထီၣ်ပတြၢၤ 84:7

အဝဲသ့ၣ်တဖၣ်န့ၣ်ဒံးလဲၤတၢ်, အဂံၢ်အဘါဒံးဆူၣ်ထီၣ် ဒီးအဝဲသ့ၣ်ကထံၣ်ဘၣ်ကစၢ်တဖၣ် အကစၢ်ယွၤ လၢစံယိၣ်န့ၣ်လီၤ.

လံာ်ယၡါယၤ 55:11

ယကလုၢ်ကထါလၢယကတိၤအီၤအံၤကမ့ၢ်တၢ်ဒ်န့ၣ် အသိးစ့ၢ်ကီးလီၤ. တလီၤတူာ်လီၤကာ်လၢကမၤ တၢ်ဒ်ယကူၣ်ကျဲၤပာ်အီၤအဂီၢ်န့ၣ်ဘၣ်. ဒီးကမၤတၢ်တမံၤလၢ်လၢ်လၢယမၢအမၤအီၤန့ၣ်လီၤ.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်ယိၤဟၣ် 1:16

လၢအဝဲဒၣ်အတၢ်ဘျုးတၢ်ဖှိၣ်အတၢ်လၢတၢ်ပှဲၤအပူၤန့ၣ်, ပဝဲခဲလၢာ်ပဒိးန့ၢ်တၢ်ဘျုးတၢ်ဖှိၣ်တမံၤဝံၤတမံၤန့ၣ်လီၤ.

ရိမ့ၤ 10:16

ဘၣ်ဆၣ်ဒီး, ပှၤတတူၢ်လိာ်တၢ်သးခုအကစီၣ်အံၤကိးဂၤ ဒဲးဘၣ်. ဝံယၡါယၤအကစၢ်ဒၣ်ဝဲစံး, “ကစၢ်ဧၢ, မ့ၢ်မတၤစူၢ်က့ၤနာ်က့ၤပတၢ်ကစီၣ်လဲၣ်” (ၡါ ၅၃:၁)

ရိမ့ၤ 11:29

အဂ့ၢ်ဒ်လဲၣ်န့ၣ်, ကစၢ်ယွၤတလဲလိာ်အတၢ်ပာ်သူၣ်ပာ်သးဘၣ် ထွဲဒီးပှၤလၢအဃုထၢဝဲဒီးဆိၣ်ဂ့ၤဝဲန့ၣ်ဘၣ်.

ရိမ့ၤ 9:6

ယတစံးလၢကစၢ်ယွၤအတၢ်အၢၣ်လီၤဟးဂီၤကွံာ်လံ န့ၣ်ဘၣ်. အဂ့ၢ်ဒ်အံၤ, ပှၤဂီၢ်မုၢ်လၢအံၣ်စရ့လးအပူၤ တမ့ၢ်ကစၢ်ယွၤအပှၤဂီၢ်မုၢ်ခဲလၢာ်ဘၣ်.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၂ တံၤမသ့း 2:13

ပမ့ၢ်တတီဒီးအီၤဘၣ်ဆၣ်, အဝဲဒၣ်အကလုၢ်တီထီဘိ မ့ၢ်လၢအဝဲဒၣ်သမၢလီၤအသး တသ့ဘၣ်အဃိန့ၣ်လီၤ.”

ဧ့ၤဘြံၤ 4:2

အဂ့ၢ်ဒ်အံၤပဒိးန့ၢ်လံတၢ်သးခုကစီၣ်ဒ်အဝဲသ့ၣ်အသိးလီၤ. ဘၣ်ဆၣ်ဒီးတၢ်အကစီၣ်လၢအဝဲသ့ၣ်နၢ်ဟူဝဲန့ၣ်တကဲဘျုးလၢ အဝဲသ့ၣ်အဂီၢ်ဘၣ်. အဂ့ၢ်မ့ၢ်လၢအဝဲသ့ၣ်တတူၢ်လိာ်ဘၣ်ဝဲလၢတၢ်နာ်အပူၤ အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:29

ကီၢ်အံၣ်စရ့လးအကစၢ်ယွၤလၢအကဟုကညီၢ်ဒိၣ်န့ၣ်တလီတၢ်မ့ၢ်ဂ့ၤ, ဆီတလဲအတၢ်ပာ်သူၣ်ပာ်သးမ့ၢ်ဂ့ၤဘၣ်. အဝဲတမ့ၢ်ပှၤကညီတဂၤ, ဒီးအဝဲတဆီတလဲအတၢ်ပာ်သူၣ်ပာ်သးဘၣ်.”