ရိမ့ၤ 3:29 - Sgaw Karen Common Bible

²⁹ ကစၢ်ယွၤအံၤမ့ၢ်ဒၣ်ထဲပှၤယူဒၤဖိတဖၣ်အကစၢ်ယွၤဧိၤန့ၣ်ဧါ. မ့ၢ်အတမ့ၢ်စ့ၢ်ကီးပှၤကလုာ်ဂၤတဖၣ်အကစၢ်ယွၤဘၣ်ဧါ. မ့ၢ်သပှၢ်ကတၢၢ်ပှၤကလုာ်ဂၤတဖၣ်အကစၢ်ယွၤစ့ၢ်ကီးလီၤ.

ရိမ့ၤ 3:29 Iomraidhean Croise

လံာ်တၢ်ကဲထီၣ်အခီၣ်ထံး 17:18

ဒီးစီၤအၤဘြၤဟၣ်သံကွၢ်ကစၢ်ယွၤ, “နတပျဲစီၤယံးၡမၤဧ့လး မ့ၢ်ယပှၤန့ၢ်သါတၢ်န့ၣ်ဘၣ်မနုၤအဃိလဲၣ်.”

စံးထီၣ်ပတြၢၤ 22:7

ပှၤလၢအထံၣ်ယၤခဲလၢာ်ဒုၣ်ဒွဲၣ်ယၤ, အဝဲသ့ၣ်လ့ၣ်အပျ့ၤလၢယၤဒီးကျၢၢ်ကျာ်အခိၣ်လီၤ.

စံးထီၣ်ပတြၢၤ 67:2

ဒ်သိးပှၤဟီၣ်ခိၣ်ဖိကသ့ၣ်ညါအကျဲ, ပှၤကလုာ်ခဲလၢာ်ကသ့ၣ်ညါ အတၢ်အုၣ်က့ၤခီၣ်က့ၤအစိကမီၤန့ၣ်တက့ၢ်.

စံးထီၣ်ပတြၢၤ 72:17

မ်စီၤပၤအမံၤကအိၣ်လီၤထူလီၤယိာ်, အတၢ်မံၤဟူသၣ်ဖျါကအိၣ်ဝဲတထံၣ်ဃီ ဒ်မုၢ်အိၣ်ဝဲအသိး, မ်ပှၤကိးကလုာ်ဒဲးဘၣ်ဆိၣ်ဂ့ၤခီဖျိအီၤဒီးအဝဲသ့ၣ် ကကိးအီၤလၢ ပှၤဘၣ်ဆိၣ်ဂ့ၤန့ၣ်လီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.

လံာ်မးသဲ 22:32

ယွၤစံးဝဲ, ‘ယမ့ၢ်စီၤအၤဘြၤဟၣ်, စီၤအံၤစဲးဒီး စီၤယၤကိာ်အကစၢ်ယွၤလီၤ.’ ကစၢ်ယွၤတမ့ၢ်ဘၣ်ပှၤအသံတဖၣ် အကစၢ်ယွၤဘၣ်. မ့ၢ်ပှၤအမူတဖၣ်အကစၢ်ယွၤလီၤ” (ဟးထီၣ်. ၃:၆).

လံာ်မးသဲ 28:19

လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

မၤတၢ် 10:34

ဒီးစီၤပ့းတရူးအဲးထီၣ်အထးခိၣ်ဒီးစံးဝဲ, “ခဲကနံၣ်အံၤယသ့ၣ်ညါလံတၢ်မ့ၢ်တၢ်တီလၢ ကစၢ်ယွၤတကွၢ်မဲာ်ပှၤနီတဂၤဘၣ်န့ၣ်လီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 26:17

ယကမၤထူၣ်ဖျဲးထီၣ်နၤလၢပှၤအံၣ်စရ့လးဖိအစုပူၤဒီး လၢပှၤကလုာ်ဂၤလၢယကဆှၢနၤဆူအအိၣ်တဖၣ်အစုပူၤ န့ၣ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 10:12

တၢ်အံၤဘၣ်ဃးဒီးပှၤကိးဂၤဒဲး, မ့ၢ်လၢတၢ်လီၤဆီတအိၣ် လၢပှၤယူဒၤဖိဒီးပှၤကလုာ်ဂၤတဖၣ်အဘၢၣ်စၢၤဘၣ်အဃိလီၤ. ကစၢ်ယွၤမ့ၢ်ကစၢ်တဂၤဃီလၢပှၤခဲလၢာ်အဂီၢ်ဒီးပှၤလၢအကိး ထီၣ်အီၤန့ၣ် ဆိၣ်ဂ့ၤဝဲထူးထူးတီၤတီၤခဲလၢာ်လီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

ကလၤတံ 3:14

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.