ရိမ့ၤ 3:26 - Sgaw Karen Common Bible

²⁶ ဘၣ်ဆၣ်လၢဆၢကတီၢ်ခဲအံၤ, ကစၢ်ယွၤပာ်သူၣ်ပာ်သးလၢပှၤဟီၣ်ခိၣ်ဖိတဖၣ်အတၢ်ဒဲးဘး ဒ်သိးအကဒုးနဲၣ်အတၢ်တီတၢ်လိၤအဂီၢ်န့ၣ်လီၤ. လၢကျဲဒ် အံၤန့ၣ်, ကစၢ်ယွၤဒုးနဲၣ်ဝဲလၢအကစၢ်ဒၣ်ဝဲမ့ၢ်ပှၤတီပှၤလိၤ ဒီးအဝဲပာ်တီပာ်လိၤပှၤကိးဂၤဒဲးလၢအစူၢ်က့ၤနာ်က့ၤယ့ၣ်ၡူး န့ၣ်လီၤ.

ရိမ့ၤ 3:26 Iomraidhean Croise

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်ယၡါယၤ 45:21

ဟဲဒီးပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ်ပူၤတက့ၢ်. ပျဲပှၤဒီဒၣ်လီၤက့ၤအသးတဖၣ်ကူၣ်လိာ်သကိးအသးတဂၤဒီးတဂၤတ က့ၢ်. မ့ၢ်မတၤကတိၤဆိပာ်လၢအပူၤကွံာ်ယံာ်တ့ၢ်မးလံလၢတၢ်မနုၤ မနုၤကမၤအသးန့ၣ်တဂၤလဲၣ်. တမ့ၢ်ယၤ, ယွၤ, ကစၢ်ယွၤလၢအအုၣ်က့ၤခီၣ်က့ၤ အပှၤဂီၢ်မုၢ်န့ၣ်ဘၣ်ဧါ. ကစၢ်အဂၤတအိၣ်ဘၣ်.

လံာ်စဖါနယၤ 3:15

ယွၤဆိကတီၢ်ကွံာ်တၢ်စံၣ်ညီၣ်လၢသုဂီၢ်, အဝဲသုးကွံာ်ကယဲၢ်သုဒုၣ်သုဒါခဲလၢာ်န့ၣ်လံ. ယွၤ, အံၣ်စရ့လးအစီၤပၤအိၣ်ဒီးသု, ဒီးခဲအံၤတၢ်ဂ့ၢ်တအိၣ်လၢၤနီတမံၤ လၢသုကဘၣ်ပျံၤတၢ်ဖုးတၢ်န့ၣ်ဘၣ်.

လံာ်စဖါနယၤ 3:5

ဘၣ်ဆၣ်ယွၤအိၣ်ဒံးဝဲလၢဝ့ၢ်ပူၤ, မၤတၢ်လၢအဘၣ်ဒီးတၢ်လၢအကမၣ်န့ၣ်တမၤဝဲနီတစုဘၣ်. အဝဲဟဲစိာ်တၢ်တီတၢ်လိၤဆူအပှၤဂီၢ်မုၢ်အအိၣ်ကိးမုၢ်ဂီၤဒဲး ဒီးတလီၤတဲာ်တူာ်ဘၣ်. အန့ၣ်ဒၣ်လဲာ်ပှၤတတီတလိၤမၤဒံးတၢ် ကမၣ်ဒီးအမဲာ်တဆှးဘၣ်ဝဲဘၣ်.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်လူၤကၣ် 1:80

ဖိသၣ်ဒိၣ်ထီၣ်လၢနီၢ်ခိဒီးနီၢ်သးလီၤ. အဝဲဒၣ်အိၣ်ဝဲဆိးဝဲလၢပှၢ်မုၢ်ကနၢတုၤလီၤမုၢ်တနံၤ ဖဲအဝဲမၤဖျါထီၣ်အသးလၢကမျၢၢ်အမဲာ်ညါ, လၢအံၣ်စရ့လးအပှၤဂီၢ်မုၢ်န့ၣ်လီၤ.

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

ရိမ့ၤ 3:27

မ့မ့ၢ်ဒ်န့ၣ်ဒီး, ပကပာ်ကဖၢလၢပသးလၢ မနုၤတမံၤအဃိလဲၣ်. တၢ်တအိၣ်နီတမံၤဘၣ်. ဒီးတၢ်အံၤမ့ၢ်လၢမနုၤအဃိန့ၣ်လဲၣ်. မ့ၢ်လၢပဒိကနၣ်တၢ်သိၣ်တၢ်သီအဃိဧါ. တမ့ၢ်ဘၣ်, မ့ၢ်လၢပစူၢ်က့ၤနာ်က့ၤတၢ်အဃိလီၤ.

ရိမ့ၤ 3:30

ကစၢ်ယွၤမ့ၢ်တဂၤဃီ, ဒီးအဝဲကမၤလိၤမၤဘၣ်ပှၤဒိးတၢ်ကူးတရံးဖိ တဖၣ်ဒီးအီၤခီဖျိအဝဲသ့ၣ်အတၢ်စူၢ်တၢ်နာ်, ဒီးပှၤတဒိးတၢ်ကူးတရံးတဖၣ်စ့ၢ်ကီးခီဖျိအဝဲသ့ၣ်အတၢ်စူၢ် တၢ်နာ်န့ၣ်လီၤ.

ရိမ့ၤ 4:5

မ့မ့ၢ်ပှၤတဂၤလၢအသန့ၤအသးလၢအတၢ်စူၢ်တၢ်နာ်, ဒီးတမ့ၢ်ဘၣ်အတၢ်ဖံးတၢ်မၤဘၣ်, လၢအနာ်ကစၢ်ယွၤလၢ အပျၢ်ကွံာ်ပှၤဂၤအတၢ်ကမၣ်န့ၣ်, အတၢ်နာ်ဝဲအံၤကစၢ်ယွၤ ပာ်သူၣ်ပာ်သးလၢအဂ့ၢ်ဒ်သိးအကပာ်တီပာ်လိၤအီၤ အဂီၢ်န့ၣ်လီၤ.

ရိမ့ၤ 8:33

မ့ၢ်မတၤကပာ်တၢ်ကမၣ်လၢပှၤလၢကစၢ်ယွၤဃုထၢအီၤ တဖၣ်အလိၤန့ၣ်လဲၣ်. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢ အပာ်တီပာ်လိၤအဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.