ရိမ့ၤ 3:24 - Sgaw Karen Common Bible

²⁴ ဘၣ်ဆၣ်ဒီးအဝဲသ့ၣ်ခဲလၢာ်ဘၣ်တၢ်ပာ်တီပာ်လိၤအီၤလၢ ယွၤအဘျုးအဖှိၣ်လၢအဟ့ၣ်ကလီဝဲ, ခီဖျိယ့ၣ်ၡူးခရံာ်လၢအမၤထူၣ်ဖျဲးကွံာ်အဝဲသ့ၣ်အဃိန့ၣ်လီၤ.

ရိမ့ၤ 3:24 Iomraidhean Croise

စံးထီၣ်ပတြၢၤ 130:7

အံၣ်စရ့လးဖိသ့ၣ်ဧၢ, မုၢ်လၢ်တၢ်လၢယွၤတက့ၢ်. အဂ့ၢ်ဒ်အံၤ, တၢ်အဲၣ်ဂၢၢ်ကျၢၤအိၣ်ဒီးယွၤ ဒီးတၢ်အုၣ်က့ၤခီၣ်က့ၤအလၢအပှဲၤအိၣ်ဒီးအီၤလီၤ.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

မၤတၢ် 15:11

တမ့ၢ်ဒ်န့ၣ်ဘၣ်. ပစူၢ်က့ၤနာ်က့ၤတၢ်ဒီးပဘၣ်တၢ်အုၣ်က့ၤခီၣ်က့ၤပှၤ ခီဖျိကစၢ်ယ့ၣ်ၡူးအဘျုးအဖှိၣ်လီၤ. အဝဲသ့ၣ်စ့ၢ်ကီးစူၢ်က့ၤနာ်က့ၤတၢ်ဒီးဘၣ်တၢ်အုၣ်က့ၤခီၣ်က့ၤအီၤ န့ၣ်လီၤ.

ရိမ့ၤ 4:16

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

ရိမ့ၤ 4:4

ပှၤလၢအဖံးတၢ်မၤတၢ်တဂၤန့ၣ်, တၢ်ဟ့ၣ်အီၤအဘူးအလဲဒီးတၢ်အံၤတၢ်တပာ်အီၤဒ်တၢ်ဟ့ၣ် တမံၤအသိးန့ၣ်ဘၣ်. မ့မ့ၢ်ဒ်အမ့ၢ်တၢ်တမံၤလၢအဝဲကြၢး ဒိးန့ၢ်ဘၣ်ဝဲန့ၣ်လီၤ.

ရိမ့ၤ 5:9

ခီဖျိလၢအတၢ်သံအဃိဒီး, ခဲအံၤပဘၣ်တၢ်ပာ်တီပာ်လိၤ ပှၤန့ၣ်လီၤ. မၤသးဒ်န့ၣ်ဒီးလၢအကအုၣ်က့ၤခီၣ်က့ၤပှၤလၢ ကစၢ်ယွၤအတၢ်သးထီၣ်အပူၤအဂီၢ်န့ၣ်, ကမၤဝဲအါန့ၢ်အန့ၣ် တက့ၢ်ဆံးဒိၣ်လဲၣ်.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

ကလီးစဲ 1:14

ခီဖျိဖိခွါအံၤန့ၣ်ပဒိးန့ၢ်ဘၣ်တၢ်ပှ့ၤက့ၤပှၤ, တၢ်ပျၢ်ပတၢ်ဒဲးဘးတဖၣ်န့ၣ်လီၤ.

၁ တံၤမသ့း 2:6

လၢအဟ့ၣ်လီၤအသးလၢတၢ်ပှ့ၤက့ၤပှၤဟီၣ်ခိၣ်ဖိခဲလၢာ် အဂီၢ်န့ၣ်လီၤ. တၢ်အဝဲအံၤမ့ၢ်တၢ်အုၣ်အသးဘၣ်ဆၢဘၣ် ကတီၢ်လၢကစၢ်ယွၤသးအိၣ်လၢပှၤခဲလၢာ်ကတုၤလၢတၢ် အုၣ်က့ၤခီၣ်က့ၤအဂ့ၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.