ရိမ့ၤ 3:23 - Sgaw Karen Common Bible

²³ ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

ရိမ့ၤ 3:23 Iomraidhean Croise

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤပၤအခီၣ်ထံးတဘ့ၣ် 8:46

တုၤနပှၤဂီၢ်မုၢ်မၤတၢ်ဒဲးဘးထီဒါနၤ, ဒီးပှၤလၢအတမၤဒဲးဘး တၢ်တအိၣ်ဘၣ်နီတဂၤအခါန့ၣ်, လၢနတၢ်သးထီၣ်အပူၤနမ့ၢ်ပျဲအဒုၣ်အဒါတဖၣ်မၤနၢၤအဝဲသ့ၣ်ဒီး စိာ်ကွံာ်အဝဲသ့ၣ်ဒ်ပှၤဘၣ်တၢ်စၢဃာ်တဖၣ်အသိးဆူထံကီၢ်အဂၤ တနီၤနီၤ, ဒီးထံကီၢ်န့ၣ်မ့ၢ်ယံၤကဲာ်ဆိးဒၣ်လဲာ်,

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 11:32

အဂ့ၢ်ဒ်လဲၣ်န့ၣ်, ကစၢ်ယွၤဒုးကဲထီၣ်ပှၤခဲလၢာ်လၢတၢ်တဒိကနၣ် အကုၢ်အပှၤဒ်သိးကဒုးနဲၣ်တၢ်သးကညီၤလၢအဝဲသ့ၣ်ခဲလၢာ် န့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ရိမ့ၤ 3:9

မ့မ့ၢ်ဒ်န့ၣ်ဒီး, ပဝဲပှၤယူဒၤဖိတဖၣ်မ့ၢ်ပဂ့ၤန့ၢ်ဒံးပှၤ ကလုာ်ဂၤတဖၣ်န့ၣ်ဧါ. တမ့ၢ်ဒ်န့ၣ်ဘၣ်. ယပာ်ဖျါတ့ၢ်လၢပှၤယူဒၤဖိဒီးပှၤကလုာ်ဂၤခဲလၢာ်အိၣ် ဒၣ်လၢတၢ်ဒဲးဘးအစိကမီၤအဖီလာ်ဒ်သိးသိးန့ၣ်လီၤ.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

ကလၤတံ 3:22

ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

၁ သ့းစၤလနံ 2:12

ပဟ့ၣ်ဆူၣ်ဒီးမၤမုာ်ထီၣ်သုသး, ဒီးပသဆၣ်ထီၣ်သုခံတဘိ ယူၢ်ဃီ, ဒ်သိးသုကအိၣ်မူတၢ်အိၣ်မူလၢအဘၣ်ကစၢ်ယွၤအသး, ယွၤလၢအကိးဃီၤသုဒ်သိးသုကဒိးန့ၢ်ဃုာ်သကိးအဝဲအဘီ အမုၢ်ဒီးအလၤကပီၤဒၣ်ဝဲန့ၣ်လီၤ.

၂ သ့းစၤလနံ 2:14

လၢတၢ်တမံၤအံၤအဂီၢ်ကစၢ်ယွၤကိးဃီၤသုခီဖျိတၢ်သးခု ကစီၣ်လၢပစံၣ်တဲၤတဲလီၤန့ၢ်သုန့ၣ်လီၤ. အဝဲဒၣ်ကိးဃီၤသုဒ်သိးသုကဒိးန့ၢ်ဃုာ်ပကစၢ်ယ့ၣ်ၡူးခရံာ် အလၤကပီၤအဂီၢ်န့ၣ်လီၤ.

ဧ့ၤဘြံၤ 4:1

လၢတၢ်န့ၣ်အဃိဖဲကစၢ်ယွၤအတၢ်စံးပာ်ဘၣ်ဃးဒီးတၢ်လဲၤ နုာ်ဆူအတၢ်အိၣ်ဘှံးအပူၤအိၣ်ဒံးဝဲလၢပဂီၢ်အဖၢမုၢ်အံၤ, မ်ပကပလီၢ်ပသးဒ်သိးပသုတဘၣ်တၢ်ထံၣ်န့ၢ်ပှၤလၢပလီၤ တိၢ်ကွံာ်လၢတၢ်ဒိးန့ၢ်ဘၣ်တၢ်အိၣ်ဘှံးအဝဲန့ၣ်နီတဂၤတဂ့ၤ အဂီၢ်န့ၣ်တက့ၢ်.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.