ရိမ့ၤ 3:19 - Sgaw Karen Common Bible

¹⁹ ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ရိမ့ၤ 3:19 Iomraidhean Croise

လံာ်စီၤယိၤဘး 5:16

အဝဲဟ့ၣ်တၢ်မုၢ်လၢ်ဆူပှၤဖှီၣ်ဖိယာ်ဖိသ့ၣ်တဖၣ်ဒီးကးတံာ်ပှၤ တတီတလိၤအထးခိၣ်န့ၣ်လီၤ.

စံးထီၣ်ပတြၢၤ 107:42

ပှၤအတီအလိၤထံၣ်တၢ်အံၤဒီးသးခုဝဲ, မ့မ့ၢ်ပှၤအၢပှၤသီခဲလၢာ်ကျၢၢ်တံၢ်အထးခိၣ်လီၤ.

စံးထီၣ်ပတြၢၤ 63:11

ဘၣ်ဆၣ်စီၤပၤန့ၣ် ကသးခုလၢကစၢ်ယွၤအပူၤလီၤ. ကယဲၢ်ပှၤလၢအဆိၣ်တၢ်ဒီးအီၤလၢကစၢ်ယွၤအမံၤန့ၣ် ကစံးထီၣ်ပတြၢၤယွၤလီၤ. မ့မ့ၢ်ပှၤလၢအကတိၤတၢ်ကဘျံးကဘျၣ် အထးခိၣ်ကဘၣ်တၢ်ဆွံတံာ်အီၤလီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

လံာ်ယိၤဟၣ် 8:9

ဖဲအဝဲသ့ၣ်နၢ်ဟူတၢ်အံၤဝံၤဒီးဟးထီၣ်ကွံာ်ဝဲတဂၤဘၣ်တဂၤ, ပှၤလၢအသးပှၢ်တဖၣ်ဟးထီၣ်လၢညါန့ၣ်လီၤ. ယ့ၣ်ၡူးအိၣ်တီၢ်ထဲတဂၤဧိၤဒီးပိာ်မုၣ်န့ၣ်အိၣ်ဆၢထၢၣ်ဒံးဒၣ် ဖဲန့ၣ်လီၤ.

ရိမ့ၤ 1:20

စးထီၣ်လၢကစၢ်ယွၤတ့လီၤဟီၣ်ခိၣ်လံၤလံၤန့ၣ်, အတၢ်စိကမီၤအထူအယိာ်ဒီးအတၢ်မ့ၢ်ကစၢ်ယွၤအန့ဆၢၣ်လၢ ပှၤထံၣ်အီၤတသ့ဘၣ်တဖၣ်အံၤန့ၣ်, ဘၣ်တၢ်သ့ၣ်ညါနၢ်ပၢၢ်အီၤဆှံဆှံသ့ဝဲခီဖျိတၢ်လၢကစၢ် ယွၤတ့လီၤဝဲသ့ၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, အဝဲသ့ၣ်ကတိၤပူၤဖျဲးအသးတသ့ဘၣ်န့ၣ်လီၤ.

ရိမ့ၤ 3:2

အိၣ်အါဝဲနီၢ်နီၢ်လၢကျဲကိးဘိဒဲးန့ၣ်လီၤ. အခီၣ်ထံးကတၢၢ်တမံၤန့ၣ်, ကစၢ်ယွၤဟ့ၣ်လီၤအးလီၤအတၢ်ကစီၣ်လၢပှၤယူဒၤဖိတဖၣ်န့ၣ်လီၤ.

ရိမ့ၤ 3:23

ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

ရိမ့ၤ 3:9

မ့မ့ၢ်ဒ်န့ၣ်ဒီး, ပဝဲပှၤယူဒၤဖိတဖၣ်မ့ၢ်ပဂ့ၤန့ၢ်ဒံးပှၤ ကလုာ်ဂၤတဖၣ်န့ၣ်ဧါ. တမ့ၢ်ဒ်န့ၣ်ဘၣ်. ယပာ်ဖျါတ့ၢ်လၢပှၤယူဒၤဖိဒီးပှၤကလုာ်ဂၤခဲလၢာ်အိၣ် ဒၣ်လၢတၢ်ဒဲးဘးအစိကမီၤအဖီလာ်ဒ်သိးသိးန့ၣ်လီၤ.

1 ကရံၣ်သူး 1:29

အဝဲအံၤမ့ၢ်ဒ်သိးမတၤတဂၤမးကတိၤဒိၣ်ကတိၤသွါအသးလၢ ကစၢ်ယွၤအမဲာ်ညါသုတသ့တဂ့ၤအဂီၢ်န့ၣ်လီၤ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

ကလၤတံ 4:21

ပျဲယသံကွၢ်သုဝဲလၢအအဲၣ်ဒိးအိၣ်လၢတၢ်သိၣ်တၢ်သီအဖီလာ် တဖၣ်ဒ်အံၤတက့ၢ်. တၢ်သိၣ်တၢ်သီစံးဝဲဒ်လဲၣ်န့ၣ်မ့ၢ်သုတနၢ် ဟူဘၣ်ဧါ.

ကလၤတံ 4:5

လၢအကအုၣ်က့ၤခီၣ်က့ၤပှၤလၢအအိၣ်မူလၢတၢ်သိၣ်တၢ်သီ အဖီလာ်, ဒ်သိးပကကဲထီၣ်ကစၢ်ယွၤအဖိခွါတဖၣ်လီၤ.

ကလၤတံ 5:18

ယွၤအသးမ့ၢ်ဆှၢသုဒီး, သုတအိၣ်လၢတၢ်သိၣ်တၢ်သီအဖီ လာ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:9

အဝဲဒီဒၣ်အိၣ်ပှိၤအပှၤလၢအသူၣ်တီသးလိၤတဖၣ်အသးသမူလီၤ. မ့မ့ၢ်ပှၤတတီတလိၤတဖၣ်န့ၣ်ကလီၤမၢ်ကွံာ်လၢတၢ်ခံးတၢ်နၤအပူၤလီၤ. ပှၤတဂၤန့ၣ်မၤနၢၤတၢ်လၢအဂံၢ်အဘါဒၣ်ဝဲတသ့ဘၣ်.