ရိမ့ၤ 3:14 - Sgaw Karen Common Bible

¹⁴ အကိာ်ပူၤတဖၣ်ပှဲၤဝဲဒီးတၢ်ဆိၣ်အၢဆိၣ်သီ လၢအခၣ်တဖၣ်န့ၣ်လီၤ.

ရိမ့ၤ 3:14 Iomraidhean Croise

စံးထီၣ်ပတြၢၤ 10:7

အထးခိၣ်ပှဲၤဒီးတၢ်ဆိၣ်အၢ, တၢ်လီတၢ်ဝ့ၤဒီးတၢ်ကတိၤပျံၤကတိၤဖုးတၢ်လီၤ. တၢ်ကတိၤမၤဟးဂီၤတၢ်ဒီးတၢ်ကတိၤအအၢအသီန့ၣ် ကတိၤဝဲချ့သဒံးလီၤ.

စံးထီၣ်ပတြၢၤ 59:12

တၢ်ဒဲးဘးအိၣ်လၢအထးခိၣ်တဖၣ်အလိၤ, အတၢ်ကတိၤခဲလၢာ်မ့ၢ်တၢ်ဒဲးဘးန့ၣ်လီၤ. မ်အဝဲသ့ၣ်ဘၣ်တၢ်ဖီၣ်န့ၢ်အီၤလၢ အတၢ်ပာ်ထီၣ်ထီအသးဒၣ်ဝဲအပူၤန့ၣ်တက့ၢ်. အဂ့ၢ်ဒ်အံၤ, အဝဲသ့ၣ်ဆိၣ်တၢ်ဒီးလီတၢ်လီၤ.

အ့းဖ့းစူး 4:31

ပာ်တ့ၢ်ကွံာ်ကယဲၢ်မ့ၢ်တၢ်သးဆါ, တၢ်သူၣ်ထီၣ်သးထီၣ်, တၢ်သူၣ်ဒိၣ်သးဖျိး, တၢ်အ့ၣ်လိာ်ဆိးက့သီၣ်သီၣ်သဲသဲ, တၢ်ကတိၤဒုၣ်ဒွဲၣ်ဃုာ်ဒီးတၢ်သူၣ်ဟ့သးဟ့ကိးကလုာ်ဒဲး တက့ၢ်.

ယၤကိာ် 3:10

တၢ်စံးဘျုးစံးဖှိၣ်ဒီးတၢ်ဆိၣ်အၢအတၢ်ကတိၤတဖၣ်ဟး ထီၣ်လၢအထးခိၣ်တပူၤဃီလီၤ. ယဒီပုၢ်ဝဲၢ်သ့ၣ်ဧၢ, တၢ်အံၤတကြၢးမၤအသးဘၣ်.