ရိမ့ၤ 2:8 - Sgaw Karen Common Bible

⁸ ပှၤအဂၤတနီၤမ့ၢ်ပှၤလၢအအဲၣ်လီၤအသးဒီးတတူၢ်လိာ် တၢ်လၢအဘၣ်မ့ၢ်ဒ်သိးအကလူၤပိာ်ထွဲတၢ်လၢအကမၣ် န့ၣ်လီၤ. ယွၤကလူလီၤအတၢ်သးဒိၣ်ဒီးအတၢ်သးကဲၤထီၣ်လၢ အဝဲသ့ၣ်အလိၤန့ၣ်လီၤ.

ရိမ့ၤ 2:8 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:23

အိယွၤဧၢ, ဒိကနၣ်လၢ်လၢမူခိၣ်ဒီးစံၣ်ညီၣ်နခ့နပှၤတဖၣ်န့ၣ်တ က့ၢ်. စံၣ်ညီၣ်ဃၣ်ပှၤလၢအတၢ်ကမၣ်အိၣ်တဂၤဒ်အကြၢးဒိးဘၣ်ဝဲ အသိး, ဒီးပျၢ်ကွံာ်ပှၤတဂၤလၢအတၢ်ကမၣ်တအိၣ်ဘၣ်န့ၣ်တက့ၢ်.

လံာ်စီၤယိၤဘး 24:13

ပှၤအိၣ်ဝဲတနီၤလၢအထီဒါတၢ်ကပီၤဒီးတနၢ်ပၢၢ်ဘၣ်တၢ် ကပီၤအကျဲတဖၣ်ဒီးတပိာ်ဘၣ်တၢ်ကပီၤအကျဲန့ၣ်ဘၣ်.

စံးထီၣ်ပတြၢၤ 90:11

မ့ၢ်မတၤဆိကမိၣ်ထီၣ်နတၢ်သးထီၣ်အစိအကမီၤ ဒီးသ့ၣ်ညါတၢ်ပျံၤလၢနတၢ်သးကဲၤထီၣ် ဟဲစိာ်ဝဲသ့န့ၣ်တဂၤလဲၣ်.

တၢ်ကတိၤဒိ. 11:23

တၢ်လၢပှၤတီပှၤလိၤတဖၣ်ဆၢန့ၢ်ဝဲန့ၣ်, အိၣ်ဒီးအတၢ်ကဲ ထီၣ်လိၣ်ထီၣ်အဂ့ၤတဘိယူၢ်ဃီလီၤ. ဖဲပှၤတတီတလိၤမၤန့ၢ်တၢ်လၢ အသးလီဝဲန့ၣ်, ပှၤကိးဂၤဒဲးသးဒိၣ်ထီၣ်ဝဲလီၤ.

တၢ်ကတိၤဒိ. 13:10

တၢ်ပာ်ထီၣ်ထီသးန့ၣ်ဒုးအိၣ်ထီၣ်ဒၣ်ထဲတၢ်ကီတၢ်ခဲဧိၤန့ၣ်လီၤ. မ့မ့ၢ်ပှၤလၢအတူၢ်လိာ်တၢ်ဟ့ၣ်ကူၣ်န့ၣ်, မ့ၢ်တၢ်ကူၣ်သ့ဒိၣ်ဒၣ်တၢ် တက့ၢ်လီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယံးရမံယၤ 34:18

ကီၢ်ယူဒၤဒီး ဝ့ၢ်ယရူၤၡလ့ၣ်အပဒိၣ်ပပှၢ်တဖၣ်, ပှၤလုၢ်တၢ်အခိၣ်တဖၣ်, ဒီးပှၤခိၣ်ပှၤနၢ်ခဲလၢာ်, မၤတ့ၢ်တၢ်အၢၣ်လီၤအီလီၤ တမံၤဒီးယၤ, ခီဖျိအလဲၤတၢ်လၢကျီၢ်ဖါလၢအဒီၣ်တဲာ်ကွံာ် တ့ၢ်ဝဲ ခံခီအဘၣ်စၢၤန့ၣ်လီၤ.

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

ရိမ့ၤ 1:18

ကစၢ်ယွၤအတၢ်သးဒိၣ်ဘၣ်တၢ်လီၣ်ဖျါထီၣ်အီၤလၢအဟဲလၢ မူခိၣ်ထီဒါပှၤဟီၣ်ခိၣ်ဖိအတၢ်ဒဲးဘးဒီးအတၢ်အၢတၢ်သီခဲလၢာ် န့ၣ်လီၤ. ပှၤဟီၣ်ခိၣ်ဖိအကျဲအအၢအသီတဖၣ်တြီဃာ်အတၢ် သ့ၣ်ညါနၢ်ပၢၢ်တၢ်မ့ၢ်တၢ်တီန့ၣ်လီၤ.

ရိမ့ၤ 10:16

ဘၣ်ဆၣ်ဒီး, ပှၤတတူၢ်လိာ်တၢ်သးခုအကစီၣ်အံၤကိးဂၤ ဒဲးဘၣ်. ဝံယၡါယၤအကစၢ်ဒၣ်ဝဲစံး, “ကစၢ်ဧၢ, မ့ၢ်မတၤစူၢ်က့ၤနာ်က့ၤပတၢ်ကစီၣ်လဲၣ်” (ၡါ ၅၃:၁)

ရိမ့ၤ 15:18

ယကအိၣ်ဒီးတၢ်သးဒူဒီးကတိၤထဲတၢ်ဂ့ၢ်ဘၣ်ဃးတၢ်လၢခရံာ် မၤတ့ၢ်ဝဲခီဖျိယၤဒ်သိးယကဆှၢပှၤကလုာ်ဂၤတဖၣ်ဆူတၢ်စူၢ် ကစၢ်ယွၤခီဖျိယတၢ်ကတိၤဒီးယတၢ်မၤ,

ရိမ့ၤ 6:17

ဘၣ်ဆၣ်ဒီးပစံးဘျုးကစၢ်ယွၤဒိၣ်မးလီၤ. အဂ့ၢ်ဒ်လဲၣ်န့ၣ်, တဘျီသုမ့မ့ၢ်တ့ၢ်တၢ်ဒဲးဘးအကုၢ်တဖၣ်နာ်သက့, လၢသုသးဒီဖျၢၣ်ညါန့ၣ်သုဒိကနၣ်တ့ၢ်တၢ်မ့ၢ်တၢ်တီ တဖၣ်လၢအဘၣ်တၢ်ထံၣ်န့ၢ်အီၤလၢတၢ်သိၣ်လိလၢ သုဒိးန့ၢ်အီၤအပူၤန့ၣ်လံ.

ရိမ့ၤ 9:22

ဒီးတၢ်လၢကစၢ်ယွၤမၤတ့ၢ်လံန့ၣ်မ့ၢ်တၢ်ဒ်န့ၣ်အသိးလီၤ. အဝဲသးအိၣ်ဒုးနဲၣ်အတၢ်သးထီၣ်ဒီးလီၣ်ဖျါထီၣ်အစိကမီၤ သနာ်က့, ပှၤလၢအမၤသးထီၣ်အီၤဒီးကြၢးဝဲဒီးတၢ်မၤဟးဂီၤ အီၤတဖၣ်န့ၣ်, အဝဲဝံသးစူၤဝဲသပှၢ်ပှၢ်န့ၣ်လီၤ.

1 ကရံၣ်သူး 11:16

ဘၣ်ဆၣ်ဒီးပှၤတဂၤဂၤမ့ၢ်အဲၣ်ဒိးဂ့ၢ်လိာ်ဘှီလိာ်လၢအဂ့ၢ်န့ၣ်, ယစံးယဲသ့ဒၣ်လၢပဝဲဒၣ်မ့ၢ်ဂ့ၤ, ယွၤအတၢ်အိၣ်ဖှိၣ်တဖၣ် မ့ၢ်ဂ့ၤတအိၣ်ဒီးလုၢ်လၢ်အဂၤလၢတၢ်ဘူၣ်တၢ်ဘါအပူၤနီ တမံၤဘၣ်လီၤ.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

ကလၤတံ 5:20

တၢ်ဘါတၢ်ဂီၤတၢ်ဖီၣ်, တၢ်ဟိၣ်တၢ်ယီ, တၢ်ထီဒုၣ်ထီဒါ, တၢ်အ့ၣ်လိာ် ဆိးက့လိာ်, တၢ်သူၣ်က့ၣ်သးကါ, တၢ်သူၣ်ဒိၣ်သးထီၣ်, တၢ်သးဆူၣ်ဆၢမၤန့ၢ်တၢ်, တၢ်လီၤမုၢ်လီၤဖး, တၢ်စုတလီၤဃုာ်ဘၣ်,

ဖံလံးပံၤ 1:17

ပှၤအဂၤတဖၣ်တစံၣ်တဲၤတဲလီၤခရံာ်အဂ့ၢ်လၢတၢ်သးတီ အပူၤဘၣ်, မ့မ့ၢ်တခီ, လၢအသးဆူၣ်မၤန့ၢ်တၢ်လၢအကစၢ်ဒၣ်ဝဲအဘျုးအဂီၢ်န့ၣ်လီၤ. အဝဲသ့ၣ်ဆိကမိၣ်ဝဲလၢအကမၤအါထီၣ်တၢ်ကီတၢ်ခဲလၢ ယဂီၢ်ဖဲယအိၣ်လၢဃိာ်ပူၤအဆၢကတီၢ်န့ၣ်လီၤ.

ဖံလံးပံၤ 2:3

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

တံတူး 3:9

ဘၣ်ဆၣ်ဒီးပဒ့ၣ်ဟးဆှဲးတၢ်ဂ့ၢ်လိာ်ဘှီလိာ်ကလီကလီ, တၢ်ယၢၤထီၣ်ဖးထီတၢ်ဟဲလီၤစၢၤတဖၣ်, တၢ်အ့ၣ်လိာ် ဆိးက့လိာ်သးဒီးတၢ်ထီဒုၣ်ထီဒါလိာ်သးလၢတၢ်သိၣ် တၢ်သီအဃိတဖၣ်န့ၣ်တက့ၢ်. တၢ်သ့ၣ်တဖၣ်အံၤအဘျုးဒီးအလုၢ်အပှ့ၤတအိၣ်ဘၣ်.

ဧ့ၤဘြံၤ 10:27

မ့မ့ၢ်အိၣ်တ့ၢ်ဒၣ်ထဲတၢ်အိၣ်ခိးကွၢ်လၢ်, လၢတၢ်ပျံၤတၢ်ဖုးအပူၤ, တၢ်စံၣ်ညီၣ်လၢအကဟဲဝဲဒီးမ့ၣ်အူဖးဒိၣ်လၢအကအီၣ်ကွံာ် ကစၢ်ယွၤအဒုၣ်အဒါတဖၣ်န့ၣ်လီၤ.

ဧ့ၤဘြံၤ 11:8

တၢ်စူၢ်တၢ်နာ်န့ၣ် ဒုးစူၢ်စီၤအၤဘြၤဟၣ်အတၢ်ဖဲကစၢ်ယွၤကိးထီၣ် အီၤဒ်သိးအကလဲၤဆူကီၢ်လၢကစၢ်ယွၤအၢၣ်လီၤတ့ၢ်အီၤလၢ ကဟ့ၣ်အီၤန့ၣ်လီၤ. အဝဲဟးထီၣ်လၢ အထံအကီၢ်ဒၣ်ဝဲအပူၤဒီးကလဲၤဖဲလဲၣ်ဖဲလဲၣ်န့ၣ် တသ့ၣ်ညါဝဲဘၣ်.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

ယၤကိာ် 3:14

ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.

ယၤကိာ် 3:16

ဖဲတၢ်သူၣ်က့ၣ်သးကါဒီးတၢ်အဲၣ်လီၤသးအိၣ်ဝဲန့ၣ်, တၢ်ဖုၣ်ထံၣ်ဖုၣ်ထီ, ဒီးတၢ်အၢတၢ်သီအကလုာ်ကလုာ် အိၣ်ဝဲဖဲန့ၣ်လီၤ.

၁ ပ့းတရူး 3:1

ဒ်န့ၣ်အသိးသုဝဲမါတဖၣ်သုကဘၣ်ဒိးပၢဒိးဆှၢသုသးလၢ သုဝၤတဖၣ်, ဒ်သိးအဝဲသ့ၣ်တဂၤဂၤမ့ၢ်တနာ်ယွၤအကလုၢ် ကထါဒီး, သုသကဲာ်ပဝးကထုးန့ၢ်က့ၤအဝဲသ့ၣ်လၢကစူၢ် က့ၤနာ်က့ၤတၢ်အဂီၢ်လီၤ. တလိၣ်သုကတိၤတၢ်နီတဘီဒၣ်လဲာ်ဘၣ်.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.

လံာ်လီၣ်ဖျါ 14:10

အဝဲအနီၢ်ကစၢ်ဒၣ်ဝဲကအီကစၢ်ယွၤအစပံးထံလၢ အတဃါဃုာ်အသးလၢတၢ်နီတမံၤ, စပံးထံဘၣ်ဃးကစၢ်ယွၤအတၢ်သးထီၣ်လၢကစၢ်ယွၤ လူလီၤဝဲဆူလီခီဘၣ်ဃးဒီးအတၢ်သးထီၣ်န့ၣ်လီၤ. ကယဲၢ်ပှၤလၢအမၤတၢ်တမံၤအံၤန့ၣ်, ကဘၣ်တၢ်မၤဆါအီၤနးနးကလဲာ်လၢမ့ၣ်အူဒီးကးအပူၤလၢ ကလူးစီဆှံတဖၣ်ဒီးသိဖိအမဲာ်ညါန့ၣ်လီၤ.

လံာ်လီၣ်ဖျါ 16:19

ဝ့ၢ်ဖးဒိၣ်ဘၣ်တၢ်မၤဖးအီၤသၢပူဒီးထံကီၢ်ကိးဘ့ၣ်ဒဲး အဝ့ၢ်တဖၣ်ဘၣ်တၢ်မၤဟးဂီၤကွံာ်အီၤလီၤ. ကစၢ်ယွၤသ့ၣ်နီၣ်ထီၣ်က့ၤဘၤဘူၤလိၣ်ဖးဒိၣ်, ဒီးဒုးအီအီၤစပံးထံလၢအဝဲဒၣ်အလီခီပူၤ, အဝဲအတၢ်သးထီၣ်နးနးကလဲာ်အစပံးထံ န့ၣ်လီၤ.