ရိမ့ၤ 2:5 - Sgaw Karen Common Bible

⁵ ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 2:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 36:13

စီၤပၤစံးဒကံယၤပူထီၣ်ထီဒါစီၤပၤနဘူၤကးန့စၢ်, လၢအမၢဆူၣ်အီၤဒ်သိးအကဆိၣ်လီၤအသးလၢကစၢ်ယွၤအမံၤအပူၤ, လၢအဝဲကဘၣ်အိၣ်ဒီးတၢ်သူၣ်တီသးရၤန့ၣ်လီၤ. အဝဲဂ့ၢ်လိာ်ဝဲဆူၣ်ဆူၣ်ကလဲာ်လၢကပီၢ်ယၢ်လီၤက့ၤအသးဒီးဃၣ် က့ၤအသးဆူယွၤ, အံၣ်စရ့လးအကစၢ်ယွၤအအိၣ်န့ၣ်လီၤ.

လံာ်စီၤယိၤဘး 21:30

လၢမုၢ်တနံၤလၢကစၢ်ယွၤအသးဒိၣ်ထီၣ်ဒီးစံၣ်ညီၣ်တၢ်န့ၣ်ပှၤ တတီတလိၤတပူၤဖျဲးဝဲထီဘိန့ၣ်ဘၣ်ဧါ.

စံးထီၣ်ပတြၢၤ 110:5

ယွၤအိၣ်လၢနစုထွဲတခီလီၤ. လၢအသးထီၣ်အမုၢ်နံၤန့ၣ်အဝဲကမၤဟးဂီၤကွံာ် စီၤပၤတဖၣ်န့ၣ်လီၤ.

စံးထီၣ်ပတြၢၤ 95:8

“မၤကိၤထီၣ်သုသးတဖၣ်ဒ်သိး သုမိၢ်ပၢ်ဖံဖုလၢပျၢၤဖဲမရံၤဘါ, ဒ်မုၢ်တနံၤဖဲအဝဲသ့ၣ်အိၣ်လၢ ပှၢ်မုၢ်ကနၢမၤစၤအခါအသိးန့ၣ်တဂ့ၤ.

လံာ်တၢ်ဟးထီၣ်ကွံာ် 14:17

ယကမၤကိၤထီၣ်ပှၤအဲၤကူပတူးဖိတဖၣ်အသးတုၤအဝဲသ့ၣ်ကလူၤပိာ် ထွဲသုခံ, ဒီးယကဒိးန့ၢ်ဘၣ်တၢ်လၤကပီၤခီဖျိယတၢ်မၤနၢၤလၢစီၤပၤ, အဝဲအသုးမုၢ်, အဝဲအလ့ၣ်ကဟၣ်ဒုးသုးဒီးအပှၤနီၣ်တၢ်တဖၣ်အဖိခိၣ်န့ၣ်လီၤ.

လံာ်တၢ်ဟးထီၣ်ကွံာ် 32:34

ခဲအံၤလဲၤဒီးဆှၢပှၤဂီၢ်မုၢ်ဆူတၢ်လီၢ်လၢယတဲတ့ၢ်နၤလၢ အဂ့ၢ်န့ၣ်တက့ၢ်. သ့ၣ်နီၣ်ထီၣ်လၢယကလူးကနဲၣ်နၤကျဲ, ဘၣ်ဆၣ်ဒီးတၢ်ဆၢကတီၢ်လၢယကစံၣ်ညီၣ်ပှၤဂီၢ်မုၢ်အံၤလၢအတၢ်ဒဲး ဘးအဃိန့ၣ်ဟဲဝဲလံ.”

လံာ်တၢ်ဟးထီၣ်ကွံာ် 8:15

ဖဲစီၤပၤထံၣ်ဝဲဒၣ်လၢဒ့ၣ်တဖၣ်သံဝဲန့ၣ်, အသးကိၤထီၣ်ကဒီးဝဲ ဒ်ယွၤစံးတ့ၢ်ဝဲအသိး, ဒီးစီၤပၤတဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

တၢ်ကတိၤဒိ. 1:18

ဘၣ်ဆၣ်ဒီးပှၤဒ်အံၤတဖၣ်ပာ်လီၤထုလၢအဂီၢ်ဒၣ်ဝဲ, ထုလၢအဝဲသ့ၣ်ကသံလၢအပူၤန့ၣ်လီၤ.

တၢ်ကတိၤဒိ. 11:4

မုၢ်တနံၤဖဲနကွၢ်ဆၢၣ်မဲာ်တၢ်သံန့ၣ်, တၢ်ထူးတၢ်တီၤတဖၣ်တမၤ ဂ့ၤနၤဘၣ်. မ့မ့ၢ်, တၢ်တီတၢ်လိၤမၤပူၤဖျဲးနသးသမူသ့ဝဲလီၤ.

တၢ်ကတိၤဒိ. 28:14

စူၢ်ယွၤထီဘိတက့ၢ်. ဒီးနကသူၣ်ဖှံသးညီလီၤ. နခိၣ်မ့ၢ်ကိၤဒီး, နကဘၣ်တၢ်မၤဟးဂီၤနၤလီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ပှၤစံၣ်တဲၤတဲလီၤတၢ် 12:14

ကစၢ်ယွၤကစံၣ်ညီၣ်တၢ်ခဲလၢာ်လၢပမၤအီၤ, ဂ့ၤမ့ၢ်ဂ့ၤ, အၢမ့ၢ်ဂ့ၤ, တုၤဒၣ်လဲာ်လၢတၢ်တဖၣ်လၢပမၤအီၤလၢတၢ်ခူသူၣ်အပူၤန့ၣ်လီၤ.

လံာ်ယၡါယၤ 48:4

ယသ့ၣ်ညါတ့ၢ်လၢသုကမၤသုသးသုခိၣ်ကိၤကနံ ထဲသိးသိးဒီးထး, ဒီးတဆုးလီၤပိာ်လီၤဘၣ်အသး ဒ်တိၢ်ဘီအသိးဘၣ်န့ၣ်လီၤ.

လံာ်ယံးရမံယၤ 40:3

ဒီးအခဲအံၤ, အဝဲမၤတ့ၢ်လံတၢ်လၢအစံးဘၣ်တ့ၢ်ဝဲလၢအကမၤဝဲ န့ၣ်လီၤ. တၢ်ခဲလၢာ်အံၤမၤအသးမ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါယွၤဒီးတစူၢ်တ့ၢ်အီၤဘၣ်အဃိန့ၣ်လီၤ.

လံာ်ယဃ့းစက့လး 11:19

ယကဟ့ၣ်လီၤအဝဲသ့ၣ်လၢသးအကံၢ်အလဲအသီဒီးသးလၢ အသ့ၣ်ညါဒၣ်တၢ်အသီလီၤ. ယကဟံးထီၣ်ကွံာ်အဝဲသ့ၣ်အသးလၢအကိၤဒ်လၢၢ်အသိးဒီးဟ့ၣ်လီၤ အဝဲသ့ၣ်လၢသးလၢအစူၢ်တၢ်တဖျၢၣ်န့ၣ်လီၤ.

လံာ်ယဃ့းစက့လး 3:7

ဘၣ်ဆၣ်ဒီး, ကီၢ်အံၣ်စရ့လး အပှၤဂီၢ်မုၢ်တမ့ၢ်ကသးအိၣ်ဒိကနၣ်နၤ နီတဂၤဘၣ်, အဝဲသ့ၣ် တမ့ၢ်ကဒိကနၣ်ယၤဒၣ်လဲာ်န့ၣ်ဘၣ်. အဝဲသ့ၣ်ခဲလၢာ်မ့ၢ် ပှၤအခိၣ်အကိၤဒီး ခီၣ်ဆၢတၢ်န့ၣ်လီၤ.

လံာ်ဒၤနံးယ့လး 5:20

ဘၣ်ဆၣ်ဒီးအဝဲပာ်ထီၣ်ထီအသး, ပာ်ဆူၣ်အကိာ်ဒီးအၢသီဝဲဒၣ်အဃိ, အဝဲဘၣ်တၢ်သုးကွံာ်အီၤလၢအစီၤလိၣ်စီၤပၤအလီၢ်ပစိာ်ဒီးအလၤ ကပီၤအလီၢ်လီၤမၢ်ကွံာ်ဝဲန့ၣ်လီၤ.

လံာ်ဟိၤၡ့ 13:12

ကီၢ်အံၣ်စရ့လးအတၢ်ဒဲးဘးဒီးအတၢ်ကမၣ်တဖၣ်ဘၣ်တၢ်ကွဲးနီၣ် ကွဲးဃါအီၤဒီးတၢ်ကွဲးနီၣ်တဖၣ်န့ၣ်ဘၣ်တၢ်ပာ်ကီၤဃးအီၤပူၤ ပူၤဖျဲးဖျဲးလီၤ.

လံာ်ဧၤမိၣ် 3:10

ပှၤသ့ၣ်တဖၣ်အံၤမၤပှဲၤအဟံၣ်အဃီဒီးတၢ်တဖၣ်လၢအမၤန့ၢ်ဝဲတၢ်မၤ ဆူၣ်မၤနၢၤဒီးတၢ်ဂုာ်ဆူၣ်ပျီဆူၣ်န့ၣ်လီၤ. ကဘၣ်အိၣ်မူတီတီလိၤလိၤဒ်လဲၣ်ဒၣ်လဲာ်န့ၣ်တသ့ၣ်ညါဝဲဘၣ်.

ရိမ့ၤ 1:18

ကစၢ်ယွၤအတၢ်သးဒိၣ်ဘၣ်တၢ်လီၣ်ဖျါထီၣ်အီၤလၢအဟဲလၢ မူခိၣ်ထီဒါပှၤဟီၣ်ခိၣ်ဖိအတၢ်ဒဲးဘးဒီးအတၢ်အၢတၢ်သီခဲလၢာ် န့ၣ်လီၤ. ပှၤဟီၣ်ခိၣ်ဖိအကျဲအအၢအသီတဖၣ်တြီဃာ်အတၢ် သ့ၣ်ညါနၢ်ပၢၢ်တၢ်မ့ၢ်တၢ်တီန့ၣ်လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 9:22

ဒီးတၢ်လၢကစၢ်ယွၤမၤတ့ၢ်လံန့ၣ်မ့ၢ်တၢ်ဒ်န့ၣ်အသိးလီၤ. အဝဲသးအိၣ်ဒုးနဲၣ်အတၢ်သးထီၣ်ဒီးလီၣ်ဖျါထီၣ်အစိကမီၤ သနာ်က့, ပှၤလၢအမၤသးထီၣ်အီၤဒီးကြၢးဝဲဒီးတၢ်မၤဟးဂီၤ အီၤတဖၣ်န့ၣ်, အဝဲဝံသးစူၤဝဲသပှၢ်ပှၢ်န့ၣ်လီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

လံာ်သိၣ်လီၤသီလီၤတၢ် 2:30

ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.

လံာ်သိၣ်လီၤသီလီၤတၢ် 32:34

ယွၤသ့ၣ်နီၣ်ထီၣ်တၢ်လၢအဝဲသ့ၣ်အဒုၣ်အဒါတဖၣ် မၤတ့ၢ်ဝဲ, အဝဲအိၣ်ခိးတၢ်ဆၢဂ့ၤကတီၢ်ဘၣ်လၢကစံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်န့ၣ်လီၤ.

၂ သ့းစၤလနံ 1:5

တၢ်သ့ၣ်တဖၣ်အံၤခဲလၢာ်အုၣ်အသးလၢကစၢ်ယွၤ အတၢ်စံၣ်ညီၣ်တီဝဲလိၤဝဲ, ဒီးလၢတၢ်န့ၣ်အဃိသုကကြၢးကဘၣ်ဒီးကစၢ်ယွၤအဘီ အမုၢ်လၢသုတူၢ်ဘၣ်တၢ်လၢအဃိန့ၣ်လီၤ.

ဧ့ၤဘြံၤ 3:13

မ့မ့ၢ်, ဖဲ “မုၢ်တနံၤအံၤ” ဘၣ်ထွဲဒီးပှၤအဖၢမုၢ်န့ၣ်, ဒ်သိးသုသုတဘၣ်တၢ်လီန့ၢ်သုလၢတၢ်ဒဲးဘးဒီးကဲထီၣ်ပှၤလၢ အခိၣ်ကိၤနီတဂၤတဂ့ၤအဂီၢ်န့ၣ်, သုဘၣ်မၤစၢၤဟ့ၣ်ဂံၢ်ဟ့ၣ်ဘါလိာ်သုသးသကိးသကိး, ကိးနံၤဒဲးလီၤ.

ဧ့ၤဘြံၤ 3:15

အအံၤမ့ၢ်လၢတၢ်ကွဲးအသးစံးဝဲ, “သုမ့ၢ်နၢ်ဟူကစၢ်ယွၤအကလုၢ်တနံၤအံၤဒီး, တဘၣ်မၤကိၤသုခိၣ်ဒ်သုမိၢ်ပၢ် ဖံဖုလၢပျၢၤတဖၣ် မၤဝဲအသိး, ဖဲအဝဲသ့ၣ်ထီဒါကစၢ်ယွၤအခါန့ၣ်တဂ့ၤ.”

ဧ့ၤဘြံၤ 4:7

တၢ်အံၤအိၣ်ဖျါထီၣ်ခီဖျိကစၢ်ယွၤဃုထၢပာ်လီၤမုၢ်နံၤလီၤ ဆီလၢအဘၣ်တၢ်ကိးအီၤလၢ “မုၢ်တနံၤအံၤ” န့ၣ်လီၤ. အါနံၣ်အါလါဝံၤအလီၢ်ခံတၢ်ကတိၤလၢအဘၣ်တၢ်ယၢၤထီၣ် တ့ၢ်လံအံၤဘၣ်တၢ်စံးကတိၤအီၤခီဖျိစီၤဒၤဝံး, “တၢ်တနံၤအံၤဖဲသုနၢ်ဟူအကလုၢ်ဒီး မၤကိၤသုခိၣ်တဂ့ၤ.”

ယၤကိာ် 5:3

သုထူဒီးစ့တဖၣ်ထီၣ်အ့ၣ်လံ, ဒီးတၢ်ထီၣ်အ့ၣ်အံၤကမ့ၢ်တၢ်အုၣ်သးထီဒါသုဒီးကအီၣ်ဂီၤကွံာ် သုညၣ်ဒ်မ့ၣ်အူအသိးလီၤ. သုပာ်ဖှိၣ်သုတၢ်ထူးတၢ်တီၤတဖၣ်လၢမုၢ်နံၤလၢခံကတၢၢ်တဖၣ် အံၤအဂီၢ်န့ၣ်လံ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.

ယူဒၤ 1:6

သ့ၣ်နီၣ်ထီၣ်က့ၤကလူးတဖၣ်လၢအတအိၣ်လၢအတၢ်စိကမီၤ အဘၢၣ်ကဝီၤအပူၤ, မ့မ့ၢ်ဟးထီၣ်ကွံာ်လၢအတၢ်အိၣ်တၢ်ဆိးအလီၢ်ဒၣ်ဝဲန့ၣ် တက့ၢ်. အဝဲသ့ၣ်ဘၣ်တၢ်စၢဃာ်အီၤလၢပျံၤထးအထူအယိာ် လၢတၢ်ခံးတၢ်နၤအပူၤလၢလာ်, ဖဲကစၢ်ယွၤပာ်ဃာ်အဝဲသ့ၣ်လၢတၢ်ကစံၣ်ညီၣ်ဃၣ် အီၤဖဲမုၢ်နံၤဖးဒိၣ်န့ၣ်အဂီၢ်လီၤ.

လံာ်လီၣ်ဖျါ 2:21

ယဟ့ၣ်တ့ၢ်လံအီၤတၢ်ဆၢကတီၢ်လၢအကပီၢ်ယၢ်လီၤအသးလၢ အတၢ်ဒဲးဘးတဖၣ်အဂီၢ်, ဘၣ်ဆၣ်ဒီးအဝဲအသးတအိၣ်ဃၣ်ကွံာ် အသးလၢအတၢ်အိၣ်မူအအၢအသီန့ၣ်ဘၣ်.

လံာ်လီၣ်ဖျါ 6:17

အဝဲသ့ၣ်အတၢ်သးထီၣ်အမုၢ်နံၤလီၤပျံၤလီၤဖုးတနံၤန့ၣ် တုၤအိၣ်ဝဲခဲကနံၣ်အံၤလံ. ဒီးမတၤကွၢ်ဆၢၣ်မဲာ်အီၤကသ့ တဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 6:6

သုဘၣ်မၤကိၤသုခိၣ်ဒ်ကီၢ်အဲၤကူပတူးအစီၤပၤဒီးပှၤအဲၤကူပတူးဖိတဖၣ်အသိးန့ၣ် ဘၣ်မနုၤလဲၣ်. ကစၢ်ယွၤမၤပျုၢ်တ့ၢ်အဝဲ သ့ၣ်တုၤဒၣ်လဲာ်အဝဲသ့ၣ်ပျဲပှၤအံၣ်စရ့လးဖိတဖၣ်ဟးထီၣ်ကွံာ် လၢကီၢ်အဲၤကူပတူးဒ်လဲၣ်န့ၣ်သးပ့ၤနီၣ်တဂ့ၤ.