ရိမ့ၤ 2:4 - Sgaw Karen Common Bible

⁴ မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

ရိမ့ၤ 2:4 Iomraidhean Croise

စံးထီၣ်ပတြၢၤ 10:11

အဝဲသ့ၣ်စံးဝဲလၢအသးကံၢ်ပူၤ, “ကစၢ်ယွၤသးပ့ၤနီၣ်လံတၢ်လံ. ပာ်တဒၢလံအမဲာ်လံ. တထံၣ်ယၤနီတစုဘၣ်.”

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

စံးထီၣ်ပတြၢၤ 78:38

ဘၣ်ဆၣ်ကစၢ်ယွၤသူၣ်ကညီၤသးကညီၤအပှၤဂီၢ်မုၢ်လီၤ. အဝဲပျၢ်ကွံာ်အဝဲသ့ၣ်အတၢ်ဒဲးဘး ဒီးအဝဲဘိးဃၣ်ကွံာ်အတၢ်သးထီၣ်အါစုအါဘျီ ဒီးဘိးဃၣ်ကွံာ်အတၢ်သးဒိၣ်လီၤ. ဒီးတထိၣ်ဂဲၤထီၣ်အတၢ်သးကဲၤထီၣ်ဘၣ်.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

လံာ်တၢ်ဟးထီၣ်ကွံာ် 34:6

အန့ၣ်ဒီးယွၤလဲၤခီဂာ်လၢအမဲာ်ညါဒီးကိးထီၣ်ဝဲ, “ယၤ, ယွၤ, မ့ၢ်ကစၢ်ယွၤလၢအပှဲၤဒီးတၢ်သူၣ်အိၣ်သးအိၣ်ဒီးတၢ်သးကညီၤ, တသးဒိၣ်ထီၣ်တၢ်ညီကဒၣ်ဘၣ်, ဒီးဒုၣ်နဲၣ်တၢ်အဲၣ်တၢ်ကွံ ဒီးသူၣ်တီသးတီလၢအဒိၣ်ဝဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 8:11

ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယံးရမံယၤ 7:10

သုမၤတ့ၢ်တၢ်တဖၣ်အံၤလၢယသးဟ့အီၤ, ဝံၤဒီးသုဟဲဒီးဆၢထၢၣ်လၢယမဲာ်ညါ, လၢယတၢ်လုၢ်ဟံၣ်ဒၣ်ယဲ အပူၤဒီးစံး, ‘ပပူၤဖျဲးပဝဲလံ,’ န့ၣ်လီၤ.

လံာ်ယဃ့းစက့လး 11:19

ယကဟ့ၣ်လီၤအဝဲသ့ၣ်လၢသးအကံၢ်အလဲအသီဒီးသးလၢ အသ့ၣ်ညါဒၣ်တၢ်အသီလီၤ. ယကဟံးထီၣ်ကွံာ်အဝဲသ့ၣ်အသးလၢအကိၤဒ်လၢၢ်အသိးဒီးဟ့ၣ်လီၤ အဝဲသ့ၣ်လၢသးလၢအစူၢ်တၢ်တဖျၢၣ်န့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်တၢ်ဂံၢ် 14:18

‘ယၤ, ယွၤအံၤသးဒိၣ်ထီၣ်ကီ, ဒီးယဒုးနဲၣ်တၢ်အဲၣ်တၢ်ကွံ အဒိၣ်အမုၢ်ဒီးတၢ်သူၣ်တီသးလိၤဒီးပျၢ်တၢ်ဒဲးဘးဒီးတၢ်ပူ ထီၣ်န့ၣ်လီၤ. အန့ၣ်ဒၣ်လဲာ်, ယတလီၤတူာ်လီၤကာ်ဘၣ်ဒ်သိးယကစံၣ်ညီၣ်ဖိတဖၣ်ဒီး လံၤတဖၣ်တုၤပှၤသၢစိၤတစိၤဒီးလွံၢ်စိၤတစိၤလၢအမိၢ်အပၢ် တဖၣ်အတၢ်ဒဲးဘးတဖၣ်အဃိန့ၣ်ဘၣ်.

ရိမ့ၤ 10:12

တၢ်အံၤဘၣ်ဃးဒီးပှၤကိးဂၤဒဲး, မ့ၢ်လၢတၢ်လီၤဆီတအိၣ် လၢပှၤယူဒၤဖိဒီးပှၤကလုာ်ဂၤတဖၣ်အဘၢၣ်စၢၤဘၣ်အဃိလီၤ. ကစၢ်ယွၤမ့ၢ်ကစၢ်တဂၤဃီလၢပှၤခဲလၢာ်အဂီၢ်ဒီးပှၤလၢအကိး ထီၣ်အီၤန့ၣ် ဆိၣ်ဂ့ၤဝဲထူးထူးတီၤတီၤခဲလၢာ်လီၤ.

ရိမ့ၤ 11:22

ဖဲအံၤပထံၣ်ဘၣ်ကစၢ်ယွၤသးကညီၤတၢ်ထဲလဲၣ်ဒီးစံၣ်ညီၣ် တၢ်ဆါဆါထဲလဲၣ်န့ၣ်လီၤ. အဝဲဒၣ်စံၣ်ညီၣ်ပှၤလၢအမၤတၢ် ဒဲးဘးတဖၣ်ဆါဆါ, ဘၣ်ဆၣ်ဒီးနမ့ၢ်အိၣ်လၢအတၢ်သးကညီၤ အပူၤဒီး, ကသးကညီၤနၤလီၤ. နမ့ၢ်တအိၣ်လၢအတၢ်သးကညီၤအပူၤဒီးနကဘၣ်တၢ်မၤကၢ်ကွံာ် နၤစ့ၢ်ကီးလီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

ရိမ့ၤ 3:25

ကစၢ်ယွၤဟ့ၣ်လီၤယ့ၣ်ၡူးခရံာ်ဒ်သိးခီဖျိအတၢ်သံန့ၣ်, အဝဲကကဲထီၣ်ကျဲလၢပှၤဟီၣ်ခိၣ်ဖိတဖၣ်အတၢ်ဒဲးဘး ကဘၣ်တၢ်ပျၢ်အီၤအဂီၢ်လၢအဝဲသ့ၣ်အတၢ်နာ်အီၤအဃိန့ၣ်လီၤ. ကစၢ်ယွၤမၤတ့ၢ်တၢ်အံၤဒ်သိးအကဒုးနဲၣ်အတၢ်တီတၢ်လိၤ အဂီၢ်န့ၣ်လီၤ. လၢအပူၤကွံာ်န့ၣ်, ကစၢ်ယွၤဝံသးစူၤတၢ်ဒီးကွၢ်ကပာ်ကွံာ်ပှၤဟီၣ်ခိၣ်ဖိ တဖၣ်အတၢ်ဒဲးဘးန့ၣ်လီၤ.

ရိမ့ၤ 6:1

မ့မ့ၢ်ဒ်န့ၣ်ဒီး, ပကစံးဒ်လဲၣ်. မ့ၢ်ပကအိၣ်မူဒံးလၢတၢ်ဒဲးဘး အပူၤဒ်သိးကစၢ်ယွၤအဘျုးအဖှိၣ်ကအါထီၣ်ဝဲအဂီၢ်န့ၣ်ဧါ.

ရိမ့ၤ 6:15

မ့မ့ၢ်ဒ်န့ၣ်ဒီး, မ့ၢ်လၢပအိၣ်လၢတၢ်ဘျုးတၢ်ဖှိၣ်အဖီလာ်ဒီး တမ့ၢ်ဘၣ်လၢတၢ်သိၣ်တၢ်သီအဖီလာ်အဃိ, မ့ၢ်ပကမၤ တၢ်ဒဲးဘးဧါ. တမ့ၢ်ဒ်န့ၣ်လ့ၤတက့ၤဘၣ်.

၂ ကရံၣ်သူး 8:2

အဝဲသ့ၣ်ဒိးဘၣ်တၢ်မၤကွၢ်အီၤဆူၣ်ဆူၣ်ကိၤကိၤခီဖျိတၢ် ကီတၢ်ခဲလၢအဘၣ်လဲၤခီဖျိဝဲသ့ၣ်တဖၣ်လီၤ. ဘၣ်ဆၣ်ဒီးအဝဲသ့ၣ်အတၢ်သးခုဒိၣ်ဝဲအါဝဲတုၤဒၣ်လဲာ် ဖှီၣ်ဝဲယာ်ဝဲဒိၣ်မးသနာ်က့ဟ့ၣ်မးတၢ်အါအါဂီၢ်ဂီၢ်လၢတၢ် သူၣ်အိၣ်သးအိၣ်အပူၤလီၤ.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

အ့းဖ့းစူး 2:4

ဘၣ်ဆၣ်ဒီးယွၤလၢအထူးဝဲတီၤဝဲဒီးတၢ်သးကညီၤန့ၣ်, လၢတၢ်အဲၣ်ဘၣ်ပှၤအဒိၣ်အအါအပူၤ,

အ့းဖ့းစူး 2:7

ယွၤမၤတၢ်အံၤမ့ၢ်ဒ်သိးအကလီၣ်ဖျါထီၣ်န့ၢ်စိၤလၢ အကဟဲခဲလၢာ်လၢအဝဲအတၢ်အဲၣ်ပှၤလၢအလီၣ်ဖျါထီၣ်ဝဲလၢ ယ့ၣ်ၡူးခရံာ်အပူၤန့ၣ်, အဘျုးအဖှိၣ်ဒိၣ်ဝဲအါဝဲလီၤတိၢ်လီၤဆီ အဂ့ၢ်လီၤ.

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

ဖံလံးပံၤ 4:19

လၢအတၢ်ထူးတၢ်တီၤအါအါကလဲာ်ခီဖျိယ့ၣ်ၡူးခရံာ်န့ၣ်, ယကစၢ်ယွၤကဟ့ၣ်သုတၢ်အလိၣ်ခဲလၢာ်လီၤ.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

၁ တံၤမသ့း 1:16

ဘၣ်ဆၣ်ဒီးကစၢ်ယွၤသးကညီၤယၤ, မ့ၢ်ဒ်သိးယ့ၣ်ၡူးခရံာ်ကဒုးနဲၣ်အတၢ်ဝံသးစူၤအလၢ အပှဲၤလၢယၤ, ပှၤတၢ်ဒဲးဘးဖိအအၢကတၢၢ်တဂၤ, ဒ်သိးကကဲထီၣ်တၢ်အဒိအတဲာ်လၢပှၤလၢအကနာ် က့ၤအီၤလၢခံဒီးဒိးန့ၢ်ဘၣ်တၢ်မူအထူအယိာ်တဖၣ် အဂီၢ်န့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၁ ပ့းတရူး 3:20

သးတဖၣ်အံၤမ့ၢ်တ့ၢ်ပှၤတဖၣ်လၢအတစူၢ်ကစၢ်ယွၤဖဲကစၢ်ယွၤ အိၣ်ခိးအဝဲသ့ၣ်လၢတၢ်သးစူၤအပူၤဖဲစီၤနိအၤဘှီထီၣ်အကဘီ အခါန့ၣ်လီၤ. ပှၤစှၤဂၤလၢကဘီပူၤ, ခဲလၢာ်ဃိးဂၤ ဘၣ်တၢ်အုၣ်က့ၤခီၣ်က့ၤအီၤလၢထံ,

၂ ပ့းတရူး 1:11

လၢကျဲဒ်အံၤန့ၣ်, တၢ်ကဟ့ၣ်သုတၢ်အခွဲးအယာ်အလၢ အပှဲၤလၢသုကလဲၤနုာ်ဘၣ်ဆူပကစၢ်ဒီးပှၤအုၣ်က့ၤခီၣ်က့ၤ ပှၤယ့ၣ်ၡူးခရံာ်အဘီအမုၢ်အထူအယိာ်အပူၤန့ၣ်လီၤ.

၂ ပ့းတရူး 3:15

ပာ်ပကစၢ်အတၢ်ဝံသးစူၤဒ်အမ့ၢ်တၢ်ခွဲးတၢ်ယာ်လၢအဟ့ၣ် သုလၢသုကတုၤလၢတၢ်အုၣ်က့ၤခီၣ်က့ၤအဂီၢ်, ဒ်ပဒီပုၢ်ဝဲၢ်သးဘိစီၤပီလူးကွဲးန့ၢ်သုအိၣ်ဒီးတၢ်သူတၢ် ကူၣ်သ့ကူၣ်ဘၣ်လၢကစၢ်ယွၤဟ့ၣ်အီၤအသိးန့ၣ်တက့ၢ်.

၂ ပ့းတရူး 3:3

အဆိကတၢၢ်န့ၣ်, သုကဘၣ်နၢ်ပၢၢ်လၢမုၢ်နံၤလၢခံကတၢၢ် တဖၣ်အပူၤပှၤကဟဲပၢၢ်ထီၣ်ဝဲတနီၤလၢအတၢ်အိၣ်မူတဖၣ်ဘၣ် တၢ်ပၢအီၤလၢအတၢ်သူၣ်လီသးကွံဒၣ်ဝဲန့ၣ်လီၤ. အဝဲသ့ၣ် ကကတိၤဒုၣ်ဒွဲၣ်သု,

၂ ပ့းတရူး 3:9

ကစၢ်တမၤယံာ်မၤနီၢ်အသးလၢတၢ်လၢအစံးပာ်တ့ၢ်ဝဲ, ဒ်ပှၤတနီၤဆိကမိၣ်ဝဲအသိးန့ၣ်ဘၣ်. မ့မ့ၢ်တခီ, အဝဲဝံသးစူၤသုမ့ၢ်လၢအတသးအိၣ်လၢပှၤကတုၤ တၢ်ဟးဂီၤနီတဂၤဘၣ်, ဒီးသးအိၣ်ဝဲပှၤခဲလၢာ်ကဃၣ်ကွံာ်အသးလၢ အတၢ်ဒဲးဘးတဖၣ်အဃိန့ၣ်လီၤ.

လံာ်လီၣ်ဖျါ 2:21

ယဟ့ၣ်တ့ၢ်လံအီၤတၢ်ဆၢကတီၢ်လၢအကပီၢ်ယၢ်လီၤအသးလၢ အတၢ်ဒဲးဘးတဖၣ်အဂီၢ်, ဘၣ်ဆၣ်ဒီးအဝဲအသးတအိၣ်ဃၣ်ကွံာ် အသးလၢအတၢ်အိၣ်မူအအၢအသီန့ၣ်ဘၣ်.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.