ရိမ့ၤ 2:3 - Sgaw Karen Common Bible

³ မ့မ့ၢ်နဲ, ဖဲနစံၣ်ညီၣ်ပှၤဂၤလၢအမၤတၢ်ဒ်သိးအံၤအခါ, ဒီးနနီၢ်ကစၢ်ဒၣ်နဲနမၤတၢ်တမံၤဃီလၢအဝဲသ့ၣ်မၤဝဲန့ၣ်, မ့ၢ်နဆိကမိၣ်လၢနကပူၤဖျဲးဒီးကစၢ်ယွၤအတၢ်စံၣ်ညီၣ်န့ၣ်ဧါ.

ရိမ့ၤ 2:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 10:3

ပှၤဧၣ်မိၣ်ဖိအခိၣ်အနၢ်တဖၣ်စံးဘၣ်စီၤပၤ, “မ့ၢ်နဆိကမိၣ်လၢစီၤဒၤဝံးဆှၢလီၤပှၤတဖၣ်အံၤလၢကဒုးနဲၣ်ဖျါထီၣ် တၢ်သူၣ်အုးသးအုးဃုာ်ဒီးနၤန့ၣ်မ့ၢ်လၢတၢ်မၤလၤကပီၤနပၢ်အပူၤန့ၣ်ဧါ. တမ့ၢ်ဒ်န့ၣ်ဘၣ်. အဝဲဆှၢလီၤပှၤတဖၣ်န့ၣ်ဖဲအံၤဒ်ပှၤကွၢ်ဟုၣ်ကွၢ်စုးတၢ်တဖၣ်အသိး လၢကဃုသ့ၣ်ညါဝ့ၢ်အဂ့ၢ်ဒ်သိးအဝဲမၤနၢၤ ပှၤကသ့အဂီၢ်န့ၣ်လီၤ.”

စံးထီၣ်ပတြၢၤ 50:21

နမၤတ့ၢ်တၢ်သ့ၣ်တဖၣ်အံၤဒီးယအိၣ်ဃိကလာ်လီၤ. နဆိကမိၣ်လၢယဒ်သိးဒီးနကစၢ်ဒၣ်နဲလီၤ. ဘၣ်ဆၣ်ယသိၣ်ဃီၣ်နၤခဲအံၤ ဒီးပာ်လီၤတၢ်ကမၣ်လၢနမဲာ်ညါလီၤ.

စံးထီၣ်ပတြၢၤ 56:7

ကစၢ်ယွၤဧၢ, မ့ၢ်အဝဲသ့ၣ်ကပူၤဖျဲးလၢအတၢ်ကမၣ်အဃိန့ၣ်ဧါ, လၢနတၢ်သးထီၣ်အပူၤမၤလီၤဃံၤကွံာ် ပှၤဂီၢ်မုၢ်တဖၣ်န့ၣ်တက့ၢ်.

တၢ်ကတိၤဒိ. 11:21

နာ်သပှၢ်ကတၢၢ်လၢပှၤအၢပှၤသီကဘၣ်တၢ်စံၣ်ညီၣ်အီၤတက့ၢ်. မ့မ့ၢ်, ပှၤတီပှၤလိၤတဖၣ်န့ၣ်ကပူၤဖျဲးဝဲလီၤ.

တၢ်ကတိၤဒိ. 16:5

ယွၤသးဟ့ပှၤကိးဂၤဒဲးလၢအပာ်ထီၣ်ထီအသးဒီးတပျဲပူၤကွံာ် အဝဲသ့ၣ်လၢတၢ်စံၣ်ညီၣ်နီတစုဘၣ်.

လံာ်ယဃ့းစက့လး 17:15

ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.

လံာ်ယဃ့းစက့လး 17:18

အဝဲမၤဟးဂီၤကွံာ်အတၢ်အိၣ်ဒီးလံာ်ဃံၤဃာ်လၢအမၤတ့ၢ်ဝဲန့ၣ် လီၤ. အဝဲမၤတၢ်သ့ၣ်တဖၣ်အံၤခဲလၢာ်, အဃိ, ခဲကနံၣ်အံၤအဝဲတပူၤဖျဲးဝဲဘၣ်န့ၣ်လီၤ.”

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မးသဲ 26:53

မ့ၢ်နတသ့ၣ်ညါလၢယကိးထီၣ်တၢ်မၤစၢၤလၢယပၢ်အအိၣ်သ့ဝဲ, ဒီးတဘျီဃီ ကဆှၢလီၤန့ၢ်ယၤကလူးအသုးမုၢ်အါန့ၢ်ဒံးတဆံခံဖုန့ၣ်ဘၣ်ဧါ.

လံာ်လူၤကၣ် 12:14

ယ့ၣ်ၡူးစံးဆၢအီၤ, “စီၤဧၢ, မ့ၢ်မတၤဟ့ၣ်ယၤတၢ်စိတၢ်ကမီၤလၢယကစံၣ်ညီၣ်တၢ်, မ့တမ့ၢ်ဘၣ်ဒီးကနီၤဖးလီၤတၢ်စုလီၢ်ခီၣ်ခိၣ်လၢ သုခံဂၤအဘၢၣ်စၢၤန့ၣ်လဲၣ်.”

လံာ်လူၤကၣ် 22:58

တစိၢ်ဖိအလီၢ်ခံန့ၣ်ပှၤပိာ်ခွါတဂၤပာ်သူၣ်ပာ်သးလၢအီၤဒီးစံး, “နမ့ၢ်အဝဲသ့ၣ်အကျါတဂၤစ့ၢ်ကီးလီၤ.” ဘၣ်ဆၣ်ဒီးစီၤပ့းတရူးစံးဆၢဝဲ, “ပှၤတဂၤဧၢ, ယတမ့ၢ်ဘၣ်.”

လံာ်လူၤကၣ် 22:60

ဘၣ်ဆၣ်ဒီးစီၤပ့းတရူးစံးဆၢဝဲ, “ပှၤတဂၤဧၢ, နတဲတၢ်မနုၤလဲၣ်န့ၣ်ယတသ့ၣ်ညါဘၣ်.” တဘျီဃီဖဲအဝဲဒၣ်ကတိၤဒံးတၢ်အဖၢမုၢ်န့ၣ်, ဆီဖါကီၢ်တဘ့ၣ်အိၣ်အိထီၣ်ဝဲန့ၣ်လီၤ.

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

ရိမ့ၤ 2:1

နမ့ၢ်မတၤဂ့ၤမတၤဂ့ၤ, နမ့ၢ်စံၣ်ညီၣ်ပှၤဂၤတဖၣ်ဒီးမၤတၢ်လၢ အဝဲသ့ၣ်မၤဝဲန့ၣ်, နကတိၤပူၤဖျဲးနသးအလီၢ်တအိၣ်ဘၣ်. မ့ၢ်နစံၣ်ညီၣ်လီၤက့ၤနသးဒၣ်နဲန့ၣ်လီၤ.

ရိမ့ၤ 2:2

ပသ့ၣ်ညါလၢဖဲကစၢ်ယွၤစံၣ်ညီၣ်ပှၤလၢအမၤတၢ်ဒ်သိးအံၤ တဖၣ်န့ၣ်, အတၢ်စံၣ်ညီၣ်န့ၣ်တီဝဲလီၤ.

ရိမ့ၤ 9:20

ဘၣ်ဆၣ်ဒီးပှၤကညီနၤဧၢ, နမ့ၢ်မတၤတဂၤလၢအကကတိၤ ဆၢက့ၤကစၢ်ယွၤန့ၣ်လဲၣ်. သပၢၤဟီၣ်ခိၣ်တဖျၢၣ်တသံကွၢ် က့ၤပှၤလၢအတ့အီၤတဂၤ, “ဘၣ်မနုၤအဃိနတ့ယၤဒ်အံၤလဲၣ်” န့ၣ်ဘၣ်.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.

ဧ့ၤဘြံၤ 2:3

မ့မ့ၢ်ဒ်န့ၣ်ဒီးပမ့ၢ်တပာ်ဒိၣ်ပာ်ကဲတၢ်အုၣ်က့ၤခီၣ်က့ၤ လၢအဒိၣ်ထဲထဲအံၤန့ၣ်ပကပူၤဖျဲးပဝဲဒ်လဲၣ်. ကစၢ်အနီၢ်ကစၢ်ဒၣ်ဝဲဘိးဘၣ်သ့ၣ်ညါပှၤအဆိကတၢၢ် လၢတၢ်အုၣ်က့ၤခီၣ်က့ၤအံၤအဂ့ၢ်ဒီးပှၤလၢအနၢ်ဟူတ့ၢ် အဝဲအတၢ်ကတိၤတဖၣ်စံးဘၣ်တဲဘၣ်ပှၤဒီးအုၣ်အသး လၢအမ့ၢ်ဝဲတီဝဲလီၤ.