ရိမ့ၤ 2:27 - Sgaw Karen Common Bible

²⁷ လၢတၢ်န့ၣ်အဃိ, သုဝဲပှၤယူဒၤဖိတဖၣ်ကဘၣ်တၢ်စံၣ်ညီၣ်အီၤလၢပှၤကလုာ်ဂၤ တဖၣ်, မ့ၢ်လၢသုလုၣ်သ့ၣ်ခါပတာ်တၢ်သိၣ်တၢ်သီဖဲလၢသုကွဲး လီၤအီၤလၢလံာ်ပူၤဒီးသုဒိးတ့ၢ်လံတၢ်ကူးတရံးဒၣ်လဲာ်န့ၣ်လီၤ. အဂ့ၢ်ဒ်အံၤ, အဝဲသ့ၣ်စူၢ်တၢ်သိၣ်တၢ်သီဖဲလၢအဝဲသ့ၣ်တဒိး ဘၣ်တၢ်ကူးတရံးအီၤလၢနီၢ်ခိဒၣ်လဲာ်န့ၣ်လီၤ.

ရိမ့ၤ 2:27 Iomraidhean Croise

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

မၤတၢ် 13:22

ဒီးကစၢ်ယွၤထုးထီၣ်ကွံာ်အီၤလၢစီၤပၤအလီၢ်ဝံၤအလီၢ်ခံ, ဒုးကဲထီၣ်စီၤဒၤဝံးလၢအဝဲသ့ၣ်အစီၤပၤလီၤ. လၢစီၤဒၤဝံးအဂ့ၢ်န့ၣ်, ကစၢ်ယွၤစံးတ့ၢ်ဝဲဒ်အံၤ, ‘ယထံၣ်ဘၣ်တ့ၢ်ယဲလၢစီၤယံးၡဲအဖိခွါစီၤဒၤဝံးမ့ၢ်ပှၤလၢ အဘၣ်သူၣ်ဘၣ်သးယၤတကလုာ်, ပှၤတဂၤလၢအကမၤတၢ်လၢအဘၣ်ယသးခဲလၢာ်န့ၣ်လီၤ.’

ရိမ့ၤ 13:10

သုမ့ၢ်အဲၣ်ပှၤတဂၤဂၤဒီးသုတမၤကမၣ်အီၤနီတဘျီဘၣ်. မ့မ့ၢ်ဒ်န့ၣ်ဒီး, တၢ်အဲၣ်တၢ်ကွံန့ၣ်မ့ၢ်တၢ်မၤလၢထီၣ်ပှဲၤထီၣ် စီၤမိၤၡ့အတၢ်သိၣ်တၢ်သီခဲလၢာ်လီၤ.

ရိမ့ၤ 2:15

အဝဲသ့ၣ်အတၢ်အိၣ်မူအိၣ်ဂဲၤဒုးနဲၣ်ဝဲလၢတၢ်လၢတၢ်သိၣ် တၢ်သီလိၣ်ဘၣ်ဝဲန့ၣ်, အိၣ်ကွဲးလီၤအသးလၢအဝဲသ့ၣ်အသး အလိၤန့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ်န့ၣ် ဒုးနဲၣ်စ့ၢ်ကီးဝဲလၢတၢ်အံၤမ့ၢ်တၢ်မ့ၢ်တၢ်တီ, မ့ၢ်လၢအတၢ်ဆိကမိၣ်တဖၣ်တဘျီဘျီသိၣ်ဃီၣ်အီၤဒီးတဘျီဘျီ တဒီဃာ်အီၤအဃိန့ၣ်လီၤ.

ရိမ့ၤ 2:20

နမ့ၢ်ပှၤတဂၤလၢအသိၣ်က့ၤသီက့ၤပှၤဟးဂီၤဖိတဖၣ်ဒီး သရၣ်သိၣ်လိတၢ်တဂၤလၢပှၤတသ့လံာ်သ့လဲာ်တဖၣ်အဂီၢ် န့ၣ်လီၤ. နသ့ၣ်ညါလီၤတံၢ်လၢယူဒၤအတၢ်သိၣ်တၢ်သီအပူၤန့ၣ်, နအိၣ်ဒီးတၢ်သ့ၣ်ညါဒီးတၢ်မ့ၢ်တၢ်တီအလၢအပှဲၤန့ၣ်လီၤ.

ရိမ့ၤ 2:25

နမ့ၢ်တိၢ်န့ၢ်ယူဒၤအတၢ်သိၣ်တၢ်သီဒီးနတၢ်ကူးတရံးနသးန့ၣ်, အလုၢ်အပှ့ၤအိၣ်ဝဲလီၤ. ဘၣ်ဆၣ်နမ့ၢ်လုၣ်သ့ၣ်ခါပတာ် တၢ်သိၣ်တၢ်သီဒီး, နမ့ၢ်တဒိးကူးတရံးတ့ၢ်နသးတခီကဂ့ၤဒိၣ်ဒၣ်တၢ် တက့ၢ်န့ၣ်လီၤ.

ရိမ့ၤ 2:26

ပှၤကလုာ်ဂၤလၢအတဒိးဘၣ်တၢ်ကူးတရံးအီၤန့ၣ်, မ့ၢ်စူၢ်တၢ်သိၣ်တၢ်သီအတၢ်မၤလိာ်တဖၣ်ဒီး, မ့ၢ်ကစၢ်ယွၤတပာ်ကဲအီၤဒ်ပှၤလၢအဒိးဘၣ်တၢ်ကူးတရံးအီၤ အသိးန့ၣ်ဘၣ်ဧါ.

ရိမ့ၤ 2:29

မ့မ့ၢ်, ပှၤယူဒၤဖိနီၢ်နီၢ်မ့ၢ်ပှၤတဂၤလၢအမ့ၢ်ပှၤယူဒၤဖိလၢသူၣ်ကံၢ်သးလဲ, အခီပညီ, မ့ၢ်ပှၤတဂၤလၢအဒိးတၢ်ကူးတရံးအီၤလၢသူၣ်လၢသးဒီးအအံၤ မ့ၢ်ကစၢ်ယွၤအသးစီဆှံအတၢ်မၤဒီး, တမ့ၢ်ဘၣ်တၢ်သိၣ်တၢ်သီလၢအဘၣ်တၢ်ကွဲးအီၤအတၢ်မၤန့ၣ်ဘၣ်. ပှၤဒ်သိးအံၤတဂၤဒိးန့ၢ်ဘၣ်တၢ်စံးထီၣ်ပတြၢၤအီၤလၢကစၢ်ယွၤ ဒီးတမ့ၢ်လၢပှၤကညီန့ၣ်ဘၣ်.

ရိမ့ၤ 3:30

ကစၢ်ယွၤမ့ၢ်တဂၤဃီ, ဒီးအဝဲကမၤလိၤမၤဘၣ်ပှၤဒိးတၢ်ကူးတရံးဖိ တဖၣ်ဒီးအီၤခီဖျိအဝဲသ့ၣ်အတၢ်စူၢ်တၢ်နာ်, ဒီးပှၤတဒိးတၢ်ကူးတရံးတဖၣ်စ့ၢ်ကီးခီဖျိအဝဲသ့ၣ်အတၢ်စူၢ် တၢ်နာ်န့ၣ်လီၤ.

ရိမ့ၤ 8:4

ကစၢ်ယွၤမၤတၢ်အံၤ မ့ၢ်ဒ်သိးဒီးတၢ်သိၣ်တၢ်သီအတၢ်မၤ လိာ်အတီအလိၤကလၢထီၣ်ပှဲၤထီၣ်ဝဲဒၣ်လၢပဝဲလၢအအိၣ် မူဒ်ယွၤအသးအသိး, ဒီးတမ့ၢ်ဘၣ်ဒ်ဟီၣ်ခိၣ်ဖိအန့ဆၢၣ် အသိးတဖၣ်အပူၤဘၣ်န့ၣ်လီၤ.

1 ကရံၣ်သူး 7:19

အဂ့ၢ်ဒ်အံၤ, ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးတၢ်ကူးတရံး မ့ၢ်ဂ့ၤ, အခီပညီတအိၣ်တၢ်နီတမံၤဘၣ်. တၢ်လၢအကါဒိၣ်န့ၣ်, မ့ၢ်တၢ်ကစူၢ်ကစၢ်ယွၤအတၢ်မၤလိာ်တဖၣ်လီၤ.

၂ ကရံၣ်သူး 3:6

အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ် တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ, တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.

ကလၤတံ 5:14

အဂ့ၢ်ဒ်အံၤ, တၢ်သိၣ်တၢ်သီခဲလၢာ်ဘၣ်တၢ်ပာ်ဖှိၣ်အီၤလၢ တၢ်မၤလိာ်တထံၣ်အပူၤ “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးတက့ၢ်” န့ၣ်လီၤ.

အ့းဖ့းစူး 2:11

ပှၤလၢအအိၣ်ဖျဲၣ်ထီၣ်ဒ်ပှၤကလုာ်ဂၤတဖၣ်အသိး, ပှၤလၢပှၤယူဒၤဖိလၢအကိးလီၤအသးလၢပှၤဒိးတၢ်ကူးတရံး လၢနီၢ်ခိနီၢ်ခီတဖၣ်, ကိးဝဲလၢပှၤတဒိးဘၣ်တၢ်ကူးတရံးဖိတဖၣ် သ့ၣ်ဧၢ, သ့ၣ်နီၣ်ထီၣ်တၢ်လၢသုမ့ၢ်တ့ၢ်လၢအပူၤကွံာ်အဆၢ ကတီၢ်န့ၣ်တက့ၢ်.

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

ဧ့ၤဘြံၤ 11:3

လၢတၢ်စူၢ်တၢ်နာ်န့ၣ်, ပသ့ၣ်ညါနၢ်ပၢၢ်ပဝဲလၢဟီၣ်ခိၣ်အံၤ ဘၣ်တၢ်တ့လီၤအီၤလၢကစၢ်ယွၤအကလုၢ်န့ၣ်လီၤ. မၤသးဒ်န့ၣ်ဒီးတၢ်လၢပထံၣ်အီၤအံၤဘၣ်တၢ်မၤကဲထီၣ်အီၤလၢတၢ် လၢပထံၣ်အီၤတသ့ဘၣ်တဖၣ်န့ၣ်လီၤ.