ရိမ့ၤ 2:25 - Sgaw Karen Common Bible

²⁵ နမ့ၢ်တိၢ်န့ၢ်ယူဒၤအတၢ်သိၣ်တၢ်သီဒီးနတၢ်ကူးတရံးနသးန့ၣ်, အလုၢ်အပှ့ၤအိၣ်ဝဲလီၤ. ဘၣ်ဆၣ်နမ့ၢ်လုၣ်သ့ၣ်ခါပတာ် တၢ်သိၣ်တၢ်သီဒီး, နမ့ၢ်တဒိးကူးတရံးတ့ၢ်နသးတခီကဂ့ၤဒိၣ်ဒၣ်တၢ် တက့ၢ်န့ၣ်လီၤ.

ရိမ့ၤ 2:25 Iomraidhean Croise

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

ရိမ့ၤ 2:13

အဂ့ၢ်ဒ်လဲၣ်န့ၣ်, ပှၤကညီဘၣ်တၢ်ပာ်တီပာ်လိၤအီၤလၢကစၢ် ယွၤအမဲာ်ညါ, တမ့ၢ်လၢအနၢ်ဟူဘၣ်တၢ်သိၣ်တၢ်သီအဃိဘၣ်. မ့မ့ၢ်, မ့ၢ်လၢအမၤထွဲတၢ်သိၣ်တၢ်သီအဃိန့ၣ်လီၤ.

ရိမ့ၤ 2:23

နပာ်ကဖၢလၢနသးလၢနအိၣ်ဒီးကစၢ်ယွၤအတၢ်သိၣ်တၢ်သီလီၤ. ဘၣ်ဆၣ်ဒီး, မ့ၢ်နမၤမဲာ်ဆှးကစၢ်ယွၤခီဖျိနလုၣ်သ့ၣ်ခါပတာ် အတၢ်သိၣ်တၢ်သီန့ၣ်ဧါ.

ရိမ့ၤ 2:26

ပှၤကလုာ်ဂၤလၢအတဒိးဘၣ်တၢ်ကူးတရံးအီၤန့ၣ်, မ့ၢ်စူၢ်တၢ်သိၣ်တၢ်သီအတၢ်မၤလိာ်တဖၣ်ဒီး, မ့ၢ်ကစၢ်ယွၤတပာ်ကဲအီၤဒ်ပှၤလၢအဒိးဘၣ်တၢ်ကူးတရံးအီၤ အသိးန့ၣ်ဘၣ်ဧါ.

ရိမ့ၤ 2:27

လၢတၢ်န့ၣ်အဃိ, သုဝဲပှၤယူဒၤဖိတဖၣ်ကဘၣ်တၢ်စံၣ်ညီၣ်အီၤလၢပှၤကလုာ်ဂၤ တဖၣ်, မ့ၢ်လၢသုလုၣ်သ့ၣ်ခါပတာ်တၢ်သိၣ်တၢ်သီဖဲလၢသုကွဲး လီၤအီၤလၢလံာ်ပူၤဒီးသုဒိးတ့ၢ်လံတၢ်ကူးတရံးဒၣ်လဲာ်န့ၣ်လီၤ. အဂ့ၢ်ဒ်အံၤ, အဝဲသ့ၣ်စူၢ်တၢ်သိၣ်တၢ်သီဖဲလၢအဝဲသ့ၣ်တဒိး ဘၣ်တၢ်ကူးတရံးအီၤလၢနီၢ်ခိဒၣ်လဲာ်န့ၣ်လီၤ.

ရိမ့ၤ 2:28

မ့မ့ၢ်ဒ်န့ၣ်ဒီး, ပှၤယူဒၤဖိနီၢ်နီၢ်တဂၤလၢအဒိးဘၣ်တၢ်ကူးတရံး အီၤန့ၣ်, မ့ၢ်မတၤတဂၤလဲၣ်. တမ့ၢ်ပှၤတဂၤလၢအမ့ၢ်ပှၤယူဒၤ ဖိထဲလၢအဖျါလၢခိလၢအဒိးတၢ်ကူးတရံးထဲလၢနီၢ်ခိဧိၤန့ၣ်ဘၣ်.

1 ကရံၣ်သူး 7:19

အဂ့ၢ်ဒ်အံၤ, ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးတၢ်ကူးတရံး မ့ၢ်ဂ့ၤ, အခီပညီတအိၣ်တၢ်နီတမံၤဘၣ်. တၢ်လၢအကါဒိၣ်န့ၣ်, မ့ၢ်တၢ်ကစူၢ်ကစၢ်ယွၤအတၢ်မၤလိာ်တဖၣ်လီၤ.

ကလၤတံ 6:13

ပှၤသ့ၣ်တဖၣ်လၢအဒိးတၢ်ကူးတရံးဒၣ်လဲာ်န့ၣ်, တမ့ၢ်အစူၢ် တၢ်သိၣ်တၢ်သီဘၣ်. အဝဲသ့ၣ်အဲၣ်ဒိးလၢသုကဒိးတၢ်ကူးတရံးဒ်သိးအကပာ် ကဖၢလၢအသးလၢသုပျဲအဝဲသ့ၣ်ကူးတရံးသုအဃိန့ၣ်လီၤ.

ကလၤတံ 6:15

ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးဝဲမ့ၢ်ဂ့ၤတမ့ၢ်တၢ်လၢ အကါဒိၣ်ဘၣ်. တၢ်လၢအကါဒိၣ်တခီမ့ၢ်ဝဲတၢ်ကဲထီၣ် တၢ်ဘၣ်တ့အသီန့ၣ်လီၤ.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.