ရိမ့ၤ 2:23 - Sgaw Karen Common Bible

²³ နပာ်ကဖၢလၢနသးလၢနအိၣ်ဒီးကစၢ်ယွၤအတၢ်သိၣ်တၢ်သီလီၤ. ဘၣ်ဆၣ်ဒီး, မ့ၢ်နမၤမဲာ်ဆှးကစၢ်ယွၤခီဖျိနလုၣ်သ့ၣ်ခါပတာ် အတၢ်သိၣ်တၢ်သီန့ၣ်ဧါ.

ရိမ့ၤ 2:23 Iomraidhean Croise

လံာ်တၢ်ဘူၣ်ထီၣ်ဘါထီၣ် 13:32

ဒီးလၢနွံသီတသီန့ၣ်ပှၤလုၢ်တၢ်အခိၣ်ကကွၢ်ကဒီးအီၤတဘျီ ဒီးမ့ၢ်တလဲၢ်ထီၣ်ဒီးအဆူၣ်မ့ၢ်တထီၣ်ဘီအသး လၢအပူၤဒီးတယိာ်န့ၣ်အဖံးလၢအခိၣ်အဃၢၤဘၣ်န့ၣ်,

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်လူၤကၣ် 18:11

ပှၤဖၤရံၤၡဲအိၣ်ဆၢထၢၣ်ဝဲတပူၤဒၣ်ဒီးဃ့ဘါထုကဖၣ်တၢ်ဒီးစံး, ‘ယစံးဘျုးနၤလီၤကစၢ်ယွၤဧၢ, လၢယတမ့ၢ်ပှၤဂုာ်ဆူၣ်ပျိဆူၣ်တၢ်, ပှၤမၤတၢ်အၢတၢ်သီ, ပှၤအဲၣ်ဘၢတၢ်ဒ်ပှၤဂၤအသိးဘၣ်အဃိန့ၣ်လီၤ. ယစံးဘျုးနၤလၢယတလီၤဂာ်ဒီးပှၤဃ့သွဲတဂၤန့ၣ်အဃိလီၤ.

လံာ်ယိၤဟၣ် 5:45

သုတဆိကမိၣ်လၢယကမ့ၢ်ပှၤပာ်တၢ်ကမၣ်လၢသုလိၤ လၢပၢ်အမဲာ်ညါန့ၣ်တဂ့ၤ. စီၤမိၤၡ့လၢသုပာ်တၢ်မုၢ်လၢ်လၢ အပူၤတဂၤန့ၣ်, ကမ့ၢ်ပှၤတဂၤလၢအပာ်တၢ်ကမၣ်လၢသုလိၤ တခီန့ၣ်လီၤ.

ရိမ့ၤ 2:17

နဲဒၣ်တခီလဲၣ်, နကိးလီၤနသးလၢပှၤယူဒၤဖိတဂၤလီၤ. နသန့ၤနသးလၢတၢ်သိၣ်တၢ်သီဒီးနပာ်ကဖၢလၢနသးလၢခီဖျိ ယ့ၣ်ၡူးခရံာ်, ယွၤအဃိလီၤ.

ရိမ့ၤ 3:2

အိၣ်အါဝဲနီၢ်နီၢ်လၢကျဲကိးဘိဒဲးန့ၣ်လီၤ. အခီၣ်ထံးကတၢၢ်တမံၤန့ၣ်, ကစၢ်ယွၤဟ့ၣ်လီၤအးလီၤအတၢ်ကစီၣ်လၢပှၤယူဒၤဖိတဖၣ်န့ၣ်လီၤ.

ရိမ့ၤ 3:27

မ့မ့ၢ်ဒ်န့ၣ်ဒီး, ပကပာ်ကဖၢလၢပသးလၢ မနုၤတမံၤအဃိလဲၣ်. တၢ်တအိၣ်နီတမံၤဘၣ်. ဒီးတၢ်အံၤမ့ၢ်လၢမနုၤအဃိန့ၣ်လဲၣ်. မ့ၢ်လၢပဒိကနၣ်တၢ်သိၣ်တၢ်သီအဃိဧါ. တမ့ၢ်ဘၣ်, မ့ၢ်လၢပစူၢ်က့ၤနာ်က့ၤတၢ်အဃိလီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.