ရိမ့ၤ 2:20 - Sgaw Karen Common Bible

²⁰ နမ့ၢ်ပှၤတဂၤလၢအသိၣ်က့ၤသီက့ၤပှၤဟးဂီၤဖိတဖၣ်ဒီး သရၣ်သိၣ်လိတၢ်တဂၤလၢပှၤတသ့လံာ်သ့လဲာ်တဖၣ်အဂီၢ် န့ၣ်လီၤ. နသ့ၣ်ညါလီၤတံၢ်လၢယူဒၤအတၢ်သိၣ်တၢ်သီအပူၤန့ၣ်, နအိၣ်ဒီးတၢ်သ့ၣ်ညါဒီးတၢ်မ့ၢ်တၢ်တီအလၢအပှဲၤန့ၣ်လီၤ.

ရိမ့ၤ 2:20 Iomraidhean Croise

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

ရိမ့ၤ 2:19

နနာ်သပှၢ်ကတၢၢ်လၢနမ့ၢ်ပှၤတဂၤလၢအဆှၢပှၤမဲာ်ဘျီၣ်, ဒီးနမ့ၢ်တၢ်ကပီၤလၢပှၤလၢအအိၣ်လၢတၢ်ခံးကျါတဖၣ်အဂီၢ် န့ၣ်လီၤ.

ရိမ့ၤ 3:31

တၢ်အဝဲအံၤအခီပညီမ့ၢ်ပတၢၤကွံာ်တၢ်သိၣ်တၢ်သီလၢတၢ် စူၢ်တၢ်နာ်အံၤန့ၣ်ဧါ. တမ့ၢ်ဒ်န့ၣ်ဘၣ်. မ့မ့ၢ်ပပာ်ဂၢၢ်ပာ်ကျၢၤတၢ်သိၣ်တၢ်သီအံၤတခီန့ၣ်လီၤ.

ရိမ့ၤ 6:17

ဘၣ်ဆၣ်ဒီးပစံးဘျုးကစၢ်ယွၤဒိၣ်မးလီၤ. အဂ့ၢ်ဒ်လဲၣ်န့ၣ်, တဘျီသုမ့မ့ၢ်တ့ၢ်တၢ်ဒဲးဘးအကုၢ်တဖၣ်နာ်သက့, လၢသုသးဒီဖျၢၣ်ညါန့ၣ်သုဒိကနၣ်တ့ၢ်တၢ်မ့ၢ်တၢ်တီ တဖၣ်လၢအဘၣ်တၢ်ထံၣ်န့ၢ်အီၤလၢတၢ်သိၣ်လိလၢ သုဒိးန့ၢ်အီၤအပူၤန့ၣ်လံ.

1 ကရံၣ်သူး 3:1

မ့မ့ၢ်သုဝဲသ့ၣ်အံၤ, ယဒီပုၢ်ဝဲၢ်သ့ၣ်ဧၢ, ယကတိၤတၢ်ဒီးသုဒ်ယကတိၤတၢ်ဒီးပှၤတဖၣ်လၢအအိၣ်ဒီးသးစီဆှံ န့ၣ်တသ့ဘၣ်. ယဘၣ်ကတိၤတၢ်ဒီးသုဒ်သုဘၣ်ထွဲလၢဟီၣ်ခိၣ် တဘ့ၣ်အံၤ, ဒ်ပှၤဖိဒံဖိသၣ်လၢခရံာ်ဖိအတၢ်စူၢ်တၢ်နာ်အပူၤ အသိးန့ၣ်လီၤ.

၂ တံၤမသ့း 1:13

ဟံးဃာ်ဂၢၢ်ကျၢၤတၢ်ကတိၤအမ့ၢ်အတီတဖၣ်လၢယသိၣ် လိတ့ၢ်နၤ, ဒ်အမ့ၢ်တၢ်ဒိတၢ်တဲာ်လၢနကပိာ်ထွဲအီၤအဂီၢ်, ဒီးအိၣ်ဂၢၢ်ဆိးကျၢၤလၢတၢ်စူၢ်တၢ်နာ်ဒီးတၢ်အဲၣ်တၢ်ကွံ လၢအမ့ၢ်ပတၢ်လၢယ့ၣ်ၡူးခရံာ်အပူၤန့ၣ်တက့ၢ်.

၂ တံၤမသ့း 3:5

အဝဲသ့ၣ်ကဟံးဃာ်ပတၢ်ဘူၣ်တၢ်ဘါအလုၢ်အလၢ်လၢ အဖျါလၢခိ, ဘၣ်ဆၣ်ဒီးတတူၢ်လိာ်ဝဲအတၢ်စိကမီၤနီၢ်နီၢ် န့ၣ်ဘၣ်. ဟးဆှဲးပှၤဒ်န့ၣ်အသိးတဖၣ်တက့ၢ်.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

ဧ့ၤဘြံၤ 5:13

အဂ့ၢ်ဒ်အံၤ, ကယဲၢ်ပှၤလၢအဘၣ်အီဒံးဒၣ်တၢ်နုၢ်ထံတဖၣ် န့ၣ်မ့ၢ်ဒံးဒၣ်ပှၤဖိသၣ်တဂၤလၢတအိၣ်ဒံးဒီးတၢ်လဲၤခီဖျိလၢ ကနီၤဖးပဲာ်ဖးတၢ်ဂ့ၢ်အဘၣ်ဒီးအကမၣ်ဘၣ်န့ၣ်လီၤ.

ယၤကိာ် 3:1

ယဒီပုၢ်ဝဲၢ်သ့ၣ်ဧၢ, သုဝဲအါဂၤသုတကြၢးကဲထီၣ်သရၣ်တဖၣ် ဘၣ်. ဒ်သုသ့ၣ်ညါအသိး, ပဝဲသရၣ်တဖၣ်တၢ်ကစံၣ်ညီၣ်ပှၤဃံးဒိၣ်န့ၢ်ဒံးပှၤဂၤတဖၣ် တက့ၢ်လီၤ.

၁ ပ့းတရူး 2:2

မၤသုသးဒ်ဖိသၣ်လၢအအိၣ်ဖျဲၣ်ထီၣ်သီတဖၣ်အသိးလၢ အဆၢန့ၢ်ဘၣ်တၢ်နုၢ်ထံနီၢ်နီၢ်ဘၣ်ဃးဒီးသူၣ်ဒီးသး, ဒ်သိးခီဖျိသုအီအီၤန့ၣ်, သုကဒိၣ်ထီၣ်ဒီးဘၣ်တၢ်အုၣ်က့ၤခီၣ်က့ၤသုအဂီၢ်တက့ၢ်.