ရိမ့ၤ 2:15 - Sgaw Karen Common Bible

¹⁵ အဝဲသ့ၣ်အတၢ်အိၣ်မူအိၣ်ဂဲၤဒုးနဲၣ်ဝဲလၢတၢ်လၢတၢ်သိၣ် တၢ်သီလိၣ်ဘၣ်ဝဲန့ၣ်, အိၣ်ကွဲးလီၤအသးလၢအဝဲသ့ၣ်အသး အလိၤန့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ်န့ၣ် ဒုးနဲၣ်စ့ၢ်ကီးဝဲလၢတၢ်အံၤမ့ၢ်တၢ်မ့ၢ်တၢ်တီ, မ့ၢ်လၢအတၢ်ဆိကမိၣ်တဖၣ်တဘျီဘျီသိၣ်ဃီၣ်အီၤဒီးတဘျီဘျီ တဒီဃာ်အီၤအဃိန့ၣ်လီၤ.

ရိမ့ၤ 2:15 Iomraidhean Croise

လံာ်တၢ်ကဲထီၣ်အခီၣ်ထံး 20:5

ဒီးစီၤအၤဘြၤဟၣ်အနီၢ်ကစၢ်ဒၣ်ဝဲစံးလၢနီၢ်စၤရါမ့ၢ်အဒီ ပုၢ်ဝဲၢ်မုၣ်ဒီးပိာ်မုၣ်စ့ၢ်ကီးစံးဝဲဒ်န့ၣ်အသိးလီၤ. ယမၤတၢ်အံၤလၢတၢ်သးကဆှီအပူၤဒီးယတမၤကမၣ်တၢ်နီ တမံၤဘၣ်.”

လံာ်စီၤပၤအခီၣ်ထံးတဘ့ၣ် 2:44

ကယဲၢ်တၢ်လၢနမၤကမၣ်ဘၣ်တ့ၢ်ယပၢ်စီၤဒၤဝံးန့ၣ်နသ့ၣ်ညါဂ့ၤဂ့ၤ လီၤ. ယွၤကစံၣ်ညီၣ်နၤလၢတၢ်န့ၣ်အဂီၢ်လီၤ.

လံာ်စီၤယိၤဘး 27:6

ယဟံးဃးယတၢ်တီတၢ်လိၤဒီးယတပျၢ်ဘၣ်အီၤဘၣ်. ယသးတသိၣ်ဃီၣ်ဘၣ်ယၤတစိၤဒၣ်ယၤလီၤ.

လံာ်ပှၤစံၣ်တဲၤတဲလီၤတၢ် 7:22

ဒီးနသ့ၣ်ညါလီၤနသးစ့ၢ်ကီးလၢနကတိၤဒုၣ်ဒွဲၣ်စံးအၢတ့ၢ်ဘၣ် ပှၤအဂၤတဖၣ်အါစုအါဘျီလီၤ.

လံာ်ယိၤဟၣ် 8:9

ဖဲအဝဲသ့ၣ်နၢ်ဟူတၢ်အံၤဝံၤဒီးဟးထီၣ်ကွံာ်ဝဲတဂၤဘၣ်တဂၤ, ပှၤလၢအသးပှၢ်တဖၣ်ဟးထီၣ်လၢညါန့ၣ်လီၤ. ယ့ၣ်ၡူးအိၣ်တီၢ်ထဲတဂၤဧိၤဒီးပိာ်မုၣ်န့ၣ်အိၣ်ဆၢထၢၣ်ဒံးဒၣ် ဖဲန့ၣ်လီၤ.

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

ရိမ့ၤ 2:14

ပှၤကလုာ်ဂၤတဖၣ်တအိၣ်ဒီးတၢ်သိၣ်တၢ်သီဘၣ်. ဘၣ်ဆၣ်တဘျီလၢ်လၢ်ဖဲအဝဲသ့ၣ်လၢအသးဒၣ်ဝဲအတၢ်ဒုးသ့ၣ်ညါအီၤ န့ၣ်, မ့ၢ်မၤထွဲတၢ်သိၣ်တၢ်သီအခံဒီး, အဝဲသ့ၣ်မ့ၢ်တအိၣ်ဒီးတၢ်သိၣ် တၢ်သီနာ်သက့အဝဲသ့ၣ်မ့ၢ်တၢ်သိၣ်တၢ်သီလၢအကစၢ်ဒၣ်ဝဲအဂီၢ် န့ၣ်လီၤ.

ရိမ့ၤ 2:27

လၢတၢ်န့ၣ်အဃိ, သုဝဲပှၤယူဒၤဖိတဖၣ်ကဘၣ်တၢ်စံၣ်ညီၣ်အီၤလၢပှၤကလုာ်ဂၤ တဖၣ်, မ့ၢ်လၢသုလုၣ်သ့ၣ်ခါပတာ်တၢ်သိၣ်တၢ်သီဖဲလၢသုကွဲး လီၤအီၤလၢလံာ်ပူၤဒီးသုဒိးတ့ၢ်လံတၢ်ကူးတရံးဒၣ်လဲာ်န့ၣ်လီၤ. အဂ့ၢ်ဒ်အံၤ, အဝဲသ့ၣ်စူၢ်တၢ်သိၣ်တၢ်သီဖဲလၢအဝဲသ့ၣ်တဒိး ဘၣ်တၢ်ကူးတရံးအီၤလၢနီၢ်ခိဒၣ်လဲာ်န့ၣ်လီၤ.

ရိမ့ၤ 9:1

ယကတိၤတၢ်မ့ၢ်တၢ်တီလၢခရံာ်အပူၤဒီးယတကတိၤကဘျံး ကဘျၣ်တၢ်ဘၣ်. ယသးလၢအသ့ၣ်ညါဒၣ်တၢ်အုၣ်အသး လၢယဂီၢ်လၢသးစီဆှံအတၢ်ပၢအီၤအပူၤ, လၢယတကတိၤ ကဘျံးကဘျၣ်တၢ်ဘၣ်.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.

၁ တံၤမသ့း 4:2

တၢ်သိၣ်လိသီလိတဖၣ်အံၤကဘၣ်တၢ်ရၤလီၤအီၤလၢ ပှၤလီတၢ်ဝ့ၤတၢ်, ပှၤပာ်မၤအသးတဖၣ်လၢအသးလၢအသ့ၣ်ညါဒၣ်တၢ်ဘၣ် တၢ်မၤသံကွံာ်အီၤဒ်ထးလူအီၣ်သံကွံာ်အီၤအသိးန့ၣ်လီၤ.

တံတူး 1:15

တၢ်ခဲလၢာ်န့ၣ်ကဆှီဝဲလၢပှၤလၢအကစၢ်ဒၣ်ဝဲကဆှီတဖၣ် အဂီၢ်, ဘၣ်ဆၣ်ဒီးပှၤလၢအတကဆှီဒီးတစူၢ်တၢ်နာ်တၢ်အဂီၢ်န့ၣ်, တၢ်အကဆှီတအိၣ်နီတမံၤဘၣ်. မ့ၢ်လၢအတၢ်ဆိကမိၣ်ဒီးအသးလၢအသ့ၣ်ညါဒၣ်တၢ်ဒၣ် လဲာ်ဘၣ်တၢ်မၤတကဆှီအီၤအဃိန့ၣ်လီၤ.