ရိမ့ၤ 2:13 - Sgaw Karen Common Bible

¹³ အဂ့ၢ်ဒ်လဲၣ်န့ၣ်, ပှၤကညီဘၣ်တၢ်ပာ်တီပာ်လိၤအီၤလၢကစၢ် ယွၤအမဲာ်ညါ, တမ့ၢ်လၢအနၢ်ဟူဘၣ်တၢ်သိၣ်တၢ်သီအဃိဘၣ်. မ့မ့ၢ်, မ့ၢ်လၢအမၤထွဲတၢ်သိၣ်တၢ်သီအဃိန့ၣ်လီၤ.

ရိမ့ၤ 2:13 Iomraidhean Croise

စံးထီၣ်ပတြၢၤ 143:2

ပျဲယၤ, နခ့နပှၤ ဘၣ်တၢ်လိာ်ကွီၢ်တဂ့ၤ. လၢနမဲာ်ညါပှၤလၢအတၢ်ကမၣ်တအိၣ်ဘၣ်န့ၣ် တအိၣ်နီတဂၤဘၣ်.

လံာ်ယံးရမံယၤ 11:6

အန့ၣ်ဒီးယွၤစံးဘၣ်ယၤ, “လဲၤဆူကီၢ်ယူဒၤအဝ့ၢ်တဖၣ်ဒီးဝ့ၢ်ယရူၤၡလ့ၣ်အကျဲဘိ တဖၣ်အပူၤတက့ၢ်. တဲဖျါထီၣ်ယတၢ်ကစီၣ်ဖဲန့ၣ်, ဒီးတဲဘၣ်ပှၤဂီၢ်မုၢ်လၢကဒိကနၣ်တၢ်အဂ့ၢ်တဖၣ် လၢတၢ်ပာ်လီၤအီၤလၢတၢ်အၢၣ်လီၤအီလီၤအဂီၢ်, ဒီးစူၢ်အီၤန့ၣ်တက့ၢ်.

လံာ်ယဃ့းစက့လး 20:11

ယဟ့ၣ်လီၤအဝဲသ့ၣ်လၢယတၢ်မၤလိာ်တဖၣ်ဒီးယသိၣ်လိ အဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢ အဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ.

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 8:21

ယ့ၣ်ၡူးစံးဘၣ်အဝဲသ့ၣ်ကိးဂၤဒဲး, “ယမိၢ်ဒီးယဒီပုၢ်ဝဲၢ်ခွါတဖၣ်မ့ၢ်ဝဲပှၤသ့ၣ်တဖၣ်လၢ အနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်ယိၤဟၣ် 13:17

ခဲအံၤမ့ၢ်လၢသုသ့ၣ်ညါတၢ်မ့ၢ်တၢ်တီအံၤလံဒီး, သုမ့ၢ်မၤအီၤန့ၣ်, သုကဘၣ်ဆိၣ်ဂ့ၤနီၢ်နီၢ်လီၤ.

မၤတၢ် 13:39

ဒီးလၢပှၤစူၢ်က့ၤနာ်က့ၤအီၤကိးဂၤဒဲးန့ၣ်, ဘၣ်တၢ်ဒုးထူၣ်ဖျဲးထီၣ်ကွံာ်အီၤလၢတၢ်ဒဲးဘးခဲလၢာ်လၢစီၤ မိၤၡ့အတၢ်သိၣ်တၢ်သီဒုးထူၣ်ဖျဲးထီၣ်ကွံာ်အီၤတသ့ဘၣ်အဂ့ၢ် န့ၣ်လီၤ.

ရိမ့ၤ 10:5

စီၤမိၤၡ့ကွဲးတ့ၢ်တၢ်ဘၣ်ဃးတၢ်ပာ်တီပာ်လိၤပှၤခီဖျိ တၢ်တိၢ်န့ၢ်တၢ်သိၣ်တၢ်သီဒီးစံးဝဲ, “ပှၤတဂၤလၢ်လၢ်လၢအတိၢ်န့ၢ်တၢ်သိၣ်တၢ်သီအတၢ်မၤလိာ် တဖၣ်န့ၣ်, ကမူဝဲလၢတၢ်န့ၣ်အဃိလီၤ” (ဘူၣ်ဘါ ၁၈:၅).

ရိမ့ၤ 2:25

နမ့ၢ်တိၢ်န့ၢ်ယူဒၤအတၢ်သိၣ်တၢ်သီဒီးနတၢ်ကူးတရံးနသးန့ၣ်, အလုၢ်အပှ့ၤအိၣ်ဝဲလီၤ. ဘၣ်ဆၣ်နမ့ၢ်လုၣ်သ့ၣ်ခါပတာ် တၢ်သိၣ်တၢ်သီဒီး, နမ့ၢ်တဒိးကူးတရံးတ့ၢ်နသးတခီကဂ့ၤဒိၣ်ဒၣ်တၢ် တက့ၢ်န့ၣ်လီၤ.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ရိမ့ၤ 3:23

ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

ရိမ့ၤ 3:30

ကစၢ်ယွၤမ့ၢ်တဂၤဃီ, ဒီးအဝဲကမၤလိၤမၤဘၣ်ပှၤဒိးတၢ်ကူးတရံးဖိ တဖၣ်ဒီးအီၤခီဖျိအဝဲသ့ၣ်အတၢ်စူၢ်တၢ်နာ်, ဒီးပှၤတဒိးတၢ်ကူးတရံးတဖၣ်စ့ၢ်ကီးခီဖျိအဝဲသ့ၣ်အတၢ်စူၢ် တၢ်နာ်န့ၣ်လီၤ.

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.

ကလၤတံ 2:16

သနာ်က့ပသ့ၣ်ညါလၢပှၤကညီတဂၤဘၣ်တၢ်မၤလိၤမၤဘၣ်အီၤဒီး ကစၢ်ယွၤခီဖျိဒၣ်ထဲလၢတၢ်စူၢ်တၢ်နာ်လၢယ့ၣ်ၡူးခရံာ်အပူၤ, ဒီးတမ့ၢ်ဝဲဒၣ်ခီဖျိတၢ်မၤထွဲတၢ်သိၣ်တၢ်သီအခံန့ၣ်ဘၣ်. ပဝဲစ့ၢ်ကီးပစူၢ်က့ၤနာ်က့ၤယ့ၣ်ၡူးခရံာ်ဒ်သိးပကဘၣ်တၢ်မၤ လိၤမၤဘၣ်ပှၤဒီးကစၢ်ယွၤခီဖျိပတၢ်စူၢ်တၢ်နာ်လၢခရံာ် အပူၤ, ဒီးတမ့ၢ်ဝဲတၢ်မၤထွဲတၢ်သိၣ်တၢ်သီန့ၣ်ဘၣ်. အဂ့ၢ်ဒ်အံၤ, တၢ်တမၤလိၤမၤဘၣ်ပှၤဒီးကစၢ်ယွၤလၢတၢ်မၤထွဲတၢ်သိၣ် တၢ်သီအခံအဃိနီတဂၤဘၣ်.

ကလၤတံ 5:4

သုဝဲသ့ၣ်တဖၣ်လၢအဂုာ်ကျဲးစၢးမၤလိၤမၤဘၣ်သုသးဒီး ကစၢ်ယွၤခီဖျိတၢ်စူၢ်တၢ်သိၣ်တၢ်သီန့ၣ်, သုထုးဖးကွံာ်သုသးလၢာ်လၢာ်ဆ့ဆ့ဒီးခရံာ်လီၤ. သုလီၤတဲာ်ကွံာ်လၢကစၢ်ယွၤအဘျုးအဖှိၣ်အပူၤ,

လံာ်သိၣ်လီၤသီလီၤတၢ် 4:1

အန့ၣ်ဝံၤဒီးစီၤမိၤၡ့စံးဘၣ်ပှၤဂီၢ်မုၢ်, “စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယသိၣ်လိတ့ၢ် သုန့ၣ်တက့ၢ်. ဒီးသုကမူဒီးမၤန့ၢ်ကီၢ်လၢယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤသုန့ၣ်လီၤ.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 6:3

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်တဖၣ်န့ၣ်, ဒီးစူၢ်အီၤတက့ၢ်. အန့ၣ်တစု, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢသုဂီၢ်, ဒီးသုကကဲထီၣ်ပှၤတကလုာ်ဖးဒိၣ်ဒီးအိၣ်ဆိးလၢကီၢ်တဘ့ၣ်အပူၤ လၢအထူးအတီၤဒီးပှဲၤဝဲဒီးဟီၣ်ခိၣ်ညၣ်ထ့ၣ်အဂ့ၤ, ဒ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအၢၣ်လီၤတ့ၢ်ဝဲ အသိးန့ၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

၁ ယိၤဟၣ် 2:29

သုသ့ၣ်ညါလၢခရံာ်န့ၣ်တီဝဲလိၤဝဲလီၤ. မ့မ့ၢ်ဒ်န့ၣ်ဒီး, သုကြၢးသ့ၣ်ညါလၢပှၤကိးဂၤဒဲးလၢအမၤတၢ်လၢအဘၣ် န့ၣ်, မ့ၢ်ကစၢ်ယွၤအဖိန့ၣ်လီၤ.

၁ ယိၤဟၣ် 3:7

ဖိသ့ၣ်လံၤသ့ၣ်ဧၢ, မ်ပှၤသုတလီန့ၢ်သုနီတဂၤတဂ့ၤ. မတၤတဂၤဂ့ၤတဂၤဂ့ၤလၢအမၤတၢ်မ့ၢ်တၢ်တီန့ၣ်, မ့ၢ်ပှၤအတီအလိၤဒ်ခရံာ်တီဝဲလိၤဝဲအသိးန့ၣ်လီၤ.