ရိမ့ၤ 2:12 - Sgaw Karen Common Bible

¹² ပှၤလၢတအိၣ်ဘၣ်ဒီးတၢ်သိၣ်တၢ်သီဒီးမၤတၢ်ဒဲးဘးတဖၣ်န့ၣ်, ကတုၤလၢတၢ်ဟးဂီၤလၢအတၢ်တအိၣ်ဘၣ်ဒီးတၢ်သိၣ်တၢ်သီ အဃိ, ဒီးပှၤလၢအမၤတၢ်ဒဲးဘးလၢတၢ်သိၣ်တၢ်သီအဖီလာ် တဖၣ်န့ၣ်, ကဘၣ်တၢ်စံၣ်ညီၣ်အီၤလၢတၢ်သိၣ်တၢ်သီန့ၣ်လီၤ.

ရိမ့ၤ 2:12 Iomraidhean Croise

လံာ်မးသဲ 11:22

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ် ကစၢ်ယွၤကပာ်ဖျါထီၣ်အတၢ်သးကညီၤလၢ ပှၤဝ့ၢ်ထါယၢၣ်ဖိဒီးပှၤဝ့ၢ်စံဒိၣ်ဖိတဖၣ် အဖီခိၣ်အါန့ၢ်ဒံးအကပာ်ဖျါထီၣ်ဝဲလၢ သုဖီခိၣ်တက့ၢ်လီၤ.

လံာ်မးသဲ 11:24

နာ်ယၤတက့ၢ်. လၢမုၢ်စံၣ်ညီၣ်အနံၤန့ၣ်ကစၢ် ယွၤကပာ်ဖျါထီၣ်အတၢ်သးကညီၤလၢဝ့ၢ်စဒိၣ် အဖီခိၣ်အါန့ၢ်အကပာ်ဖျါထီၣ်ဝဲလၢနဖီခိၣ်တက့ၢ်လီၤ.”

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

ရိမ့ၤ 4:15

တၢ်သိၣ်တၢ်သီဒုးအိၣ်ထီၣ်ကစၢ်ယွၤအတၢ်သးထီၣ်ဒီးဖဲ တၢ်သိၣ်တၢ်သီတအိၣ်ဘၣ်န့ၣ်, တၢ်လုၣ်သ့ၣ်ခါပတာ် တၢ်သိၣ်တၢ်သီတအိၣ်ဘၣ်လီၤ.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

1 ကရံၣ်သူး 9:21

ဒ်န့ၣ်အသိး, ဖဲယမၤတၢ်လၢပှၤကလုာ်တဖၣ်အသိးအကျါ န့ၣ်, ယအိၣ်မူယဲဒ်ပှၤကလုာ်ဂၤတဂၤအသိး, လၢယူဒၤ တၢ်သိၣ်တၢ်သီအချၢ, ဒ်သိးယကမၤန့ၢ်က့ၤပှၤကလုာ်ဂၤတဖၣ်ဆူခရံာ်အအိၣ်န့ၣ်လီၤ. အဝဲအံၤန့ၣ်, အခီပညီတမ့ၢ်လၢယတဒိကနၣ်ယွၤအတၢ်သိၣ်တၢ် သီဘၣ်. ယအိၣ်ယဲနီၢ်နီၢ်လၢခရံာ်အတၢ်သိၣ်တၢ်သီအဖီလာ်လီၤ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

ကလၤတံ 3:22

ဘၣ်ဆၣ်ဒီး, တၢ်ကွဲးအသးစီဆှံစံးဝဲဒၣ်လၢဟီၣ်ခိၣ်ဒီဘ့ၣ် အိၣ်လၢတၢ်ဒဲးဘးအစိကမီၤအဖီလာ်လီၤ. လၢတၢ်န့ၣ်အဃိ တၢ်ဟ့ၣ်လၢအဘၣ်တၢ်အၢၣ်လီၤအီလီၤအီၤလၢတၢ်စူၢ်တၢ်နာ် ယ့ၣ်ၡူးခရံာ်အပူၤန့ၣ်, ဘၣ်တၢ်ဟ့ၣ်လီၤအီၤလၢပှၤတဖၣ်လၢ အနာ်တၢ်န့ၣ်လီၤ.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

ယၤကိာ် 2:10

ပှၤတဂၤဂ့ၤတဂၤဂ့ၤလၢအလုၣ်သ့ၣ်ခါပတာ်တၢ်မၤလိာ်တဘီ န့ၣ်, အတၢ်ကမၣ်အိၣ်ဝဲလၢအလုၣ်သ့ၣ်ခါပတာ်တၢ်မၤလိာ် ခဲလၢာ်န့ၣ်လီၤ.