ရိမ့ၤ 2:10 - Sgaw Karen Common Bible

¹⁰ ဘၣ်ဆၣ်ဒီးကစၢ်ယွၤကဟ့ၣ်တၢ်လၤတၢ်ကပီၤ, တၢ်ယူးယီၣ်, ဒီးတၢ်ဃူတၢ်ဖိးလၢပှၤမၤတၢ်ဂ့ၤတၢ်ဝါခဲလၢာ်အဂီၢ်, ပှၤယူဒၤဖိတဖၣ်လၢအဆိဒီးပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 2:10 Iomraidhean Croise

လံာ်စီၤယိၤဘး 22:21

ရ့လိာ်နသးဒီးယွၤတက့ၢ်. ဒီးနကအိၣ်မုာ်လီၤ. အန့ၣ်သတး ဒီးတၢ်ဂ့ၤကဘၣ်နၤလီၤ.

စံးထီၣ်ပတြၢၤ 15:2

ပှၤတဖၣ်လၢအစူၢ်ကစၢ်ယွၤလၢတၢ်ခဲလၢာ်အပူၤ, မၤတၢ်တီတၢ်လိၤထီဘိ, ဒီးကတိၤတၢ်မ့ၢ်တၢ်တီလၢတၢ်သးတီအပူၤ,

စံးထီၣ်ပတြၢၤ 29:11

ယွၤဟ့ၣ်ဂံၢ်ဟ့ၣ်ဘါအပှၤဂီၢ်မုၢ်, ယွၤဆိၣ်ဂ့ၤအပှၤဂီၢ်မုၢ်လၢ တၢ်ဃူတၢ်ဖိးန့ၣ်လီၤ.

စံးထီၣ်ပတြၢၤ 37:37

ကွၢ်, ပှၤလၢအတၢ်ကမၣ်တအိၣ်, ဒီးကွၢ်ပှၤလၢအသူၣ်တီသးလိၤန့ၣ်တက့ၢ်. အဂ့ၢ်ဒ်အံၤ, ပှၤလၢအမၤဃူမၤဖိးတၢ်န့ၣ်, အိၣ်ဒီးအတၢ်လီၤစၢၤလီၤသွဲၣ်န့ၣ်လီၤ.

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

တၢ်ကတိၤဒိ. 8:18

ယအိၣ်ဒီးတၢ်ထူးတၢ်တီၤတဖၣ်ဒီးတၢ်လၤကပီၤလၢယဟ့ၣ်အီၤ, တၢ်ဘီၣ်ထီၣ်ညီထီၣ်ဒီးတၢ်မၤန့ၢ်မၤနၢၤန့ၣ်လီၤ.

လံာ်ယၡါယၤ 26:12

ယွၤဧၢ, နကဟ့ၣ်ပှၤတၢ်ဘီၣ်ထီၣ်ညီထီၣ်လီၤ. တၢ်ခဲလၢာ်လၢပမၤန့ၢ်န့ၣ်မ့ၢ်ဒၣ် တၢ်လၢနမၤဘၣ်ပှၤဒ်ပမၤတၢ်အသိးလီၤ.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 48:18

သုမ့ၢ်ဒိကနၣ်တ့ၢ်ယတၢ်မၤလိာ်တဖၣ်ဒီး, တၢ်ဆိၣ်ဂ့ၤတဖၣ်ကယွၤလီၤဝဲလၢသုဂီၢ်, ဒ်ထံကျိဖိတဘိလၢအတလီၤသံးနီတစုအသိးန့ၣ်လီၤ. တၢ်မၤနၢၤကဟဲတုၤအိၣ်သု ဒ်လပီတဖၣ်တလ့ၣ်ထီၣ်အသးလၢပီၣ်လဲၣ်ကၢၢ်နံၤအသိးန့ၣ်လီၤ.

လံာ်ယၡါယၤ 48:22

“လၢပှၤတတီတလိၤတဖၣ်အဂီၢ်န့ၣ်တၢ်ဃူတၢ်ဖိးတအိၣ်ဘၣ်.” ယွၤစံးဝဲဒၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယံးရမံယၤ 33:6

ဘၣ်ဆၣ်ဒီး, ယကမၤဘျါက့ၤဝ့ၢ်အံၤဒီး အပှၤဂီၢ် မုၢ်ဒီး ဟ့ၣ်က့ၤအဝဲသ့ၣ်တၢ်အိၣ်ဆူၣ်အိၣ်ချ့န့ၣ်လီၤ. ယကဒုးနဲၣ်အဝဲသ့ၣ်လၢ တၢ်ဃူတၢ်ဖိးဒီး တၢ်ဘံၣ် တၢ်ဘၢအါအါကလဲာ်လီၤ.

လံာ်တၢ်ဂံၢ် 6:26

မ်ယွၤကွၢ်ဃီၤနၤလၢတၢ်ဘၣ်သူၣ်ဘၣ်သးဒီးဟ့ၣ်နၤ တၢ်ဃူတၢ်ဖိးတက့ၢ်.

လံာ်မးသဲ 10:13

ပှၤမ့ၢ်တူၢ်လိာ်သုဒီးပျဲသုတၢ်ဃူတၢ်မုာ်တုၤအိၣ်အီၤတက့ၢ်. ဘၣ်ဆၣ်ဒီးမ့ၢ်တတူၢ်လိာ်သုဘၣ်ဒီး ပျဲသုတၢ်ဃူတၢ်မုာ်ဟဲက့ၤကဒါက့ၤဆူ သုအိၣ်တက့ၢ်.

လံာ်လူၤကၣ် 1:79

ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

လံာ်လူၤကၣ် 19:42

စံးဝဲ, “နမ့ၢ်သ့ၣ်ညါနဲမုၢ်မဆါတနံၤအံၤလၢ, တၢ်လိၣ်ဘၣ်မနုၤတဖၣ်လိၣ်ဝဲလၢတၢ်ဃူတၢ်ဖိးအဂီၢ်လဲၣ်န့ၣ်ဒီး, ကဂ့ၤမးလီၤ. မ့မ့ၢ်ခဲကနံၣ်အံၤ, နထံၣ်နဲတသ့ဘၣ်.

လံာ်လူၤကၣ် 22:14

ဖဲဆၢကတီၢ်နၣ်ရံၣ်တုၤဃီၤန့ၣ်, ယ့ၣ်ၡူးဟံးန့ၢ်အလီၢ်ဖဲစီၢ်နီၤခိၣ်, ဃုာ်ဒီးတၢ်မၢဖိတဖၣ်န့ၣ်လီၤ.

လံာ်လူၤကၣ် 9:48

ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 10:35

ပှၤတဂၤလၢ်လၢ်, ကမ့ၢ်ဒၣ်ဝဲပှၤတကလုာ်ဂ့ၤတကလုာ်ဂ့ၤဘၣ်ဆၣ်, မ့ၢ်ပျံၤယွၤဒီးမၤတၢ်လၢအကြၢးဝဲဘၣ်ဝဲန့ၣ်, ဘၣ်တၢ်တူၢ်လိာ်အီၤလီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

ရိမ့ၤ 2:9

တၢ်နးတၢ်ဖှီၣ်ဒီးတၢ်ဆူးတၢ်ဆါကအိၣ်ထီၣ်လၢပှၤလၢအမၤ တၢ်အၢတၢ်သီခဲလၢာ်အဂီၢ်, ပှၤယူဒၤဖိတဖၣ်လၢအဆိဒီးပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

ရိမ့ၤ 8:6

အဂ့ၢ်ဒ်အံၤ, တၢ်ဒိးပၢပသးလၢဟီၣ်ခိၣ်ဖိအန့ဆၢၣ် န့ၣ်အကတၢၢ်မ့ၢ်တၢ်သံန့ၣ်လီၤ. မ့မ့ၢ်, တၢ်ပျဲကစၢ်ယွၤအသးပၢပှၤန့ၣ်အကတၢၢ်မ့ၢ်တၢ်မူဒီး တၢ်ဃူတၢ်ဖိးန့ၣ်လီၤ.

ရိမ့ၤ 9:21

ပှၤတ့သပၢၤတဂၤန့ၣ်အိၣ်ဒီးအခွဲးအယာ်လၢကသူဟီၣ်ခိၣ် ကပံာ်ဒ်အသးအိၣ်ဝဲအသိးဒီးလၢဟီၣ်ခိၣ်ကပံာ်တလိၣ်ဃီန့ၣ် တ့ဝဲသပၢၤခံဖျၢၣ်, တဖျၢၣ်လၢကတီၢ်လီၤဆီအဂီၢ်ဒီးတဖျၢၣ် လၢတၢ်ကသူအီၤလၢမုၢ်ဆ့ၣ်မုၢ်ဂီၤအဂီၢ်န့ၣ်လီၤ.

ရိမ့ၤ 9:23

အါန့ၢ်အန့ၣ်, အဝဲသးအိၣ်လီၣ်ဖျါထီၣ်စ့ၢ်ကီး အလၤကပီၤ ထူးတီၤလၢအဘၣ်တၢ်ဂၢ်လီၤအီၤလၢပဝဲလၢအသးကညီၤ ဘၣ်ဝဲ, ဒီးကတဲာ်ကတီၤပာ်စၢၤဝဲလၢအကဒိးန့ၢ်ဘၣ်အလၤ ကပီၤအဂီၢ်တဖၣ်အလိၤန့ၣ်လီၤ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

ဖံလံးပံၤ 4:7

ဒီးကစၢ်ယွၤအတၢ်ဃူတၢ်ဖိး, လၢပှၤဟီၣ်ခိၣ်ဖိနၢ်ပၢၢ်လၢအဂ့ၢ်တသ့ဘၣ်အံၤန့ၣ်, ကပၢၤဃာ်သုသူၣ်သုသးဒီးသုတၢ်ဆိကမိၣ်တဖၣ်လၢယ့ၣ်ၡူးခရံာ် အပူၤန့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 2:7

လၢတစိၢ်တလီၢ်အတီၢ်ပူၤန့ၣ် နပာ်န့ၢ်အလီၢ်ဖုၣ်န့ၢ်ကလူးတဖၣ်, နကုာ်ထီၣ်အီၤလၢတၢ်လၤကပီၤ ဒီးတၢ်ကဟုကညီၢ်,

ယၤကိာ် 2:22

မ့ၢ်သုတထံၣ်ဘၣ်ဧါ. အဝဲအတၢ်စူၢ်တၢ်နာ်ဒီးအတၢ်မၤ, မၤသကိးတၢ်န့ၣ်လီၤ. အတၢ်စူၢ်တၢ်နာ်ဘၣ်တၢ်မၤလၢမၤပှဲၤအီၤခီဖျိအတၢ်မၤန့ၣ်လီၤ.

ယၤကိာ် 3:13

ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.