ရိမ့ၤ 16:7 - Sgaw Karen Common Bible

⁷ ယဆှၢတၢ်ဆၢဂ့ၤဆၢဝါတဖၣ်ဆူစီၤအၤဒြနံကူးဒီးစီၤယူၤနံ, လၢအမ့ၢ်ပှၤယူဒၤဖိသကိးသကိးဒီးယၤ, လၢအလီၤဃိာ်ပူၤဒီး ယၤအအိၣ်န့ၣ်လီၤ. အဝဲသ့ၣ်ဘၣ်တၢ်သ့ၣ်ညါအီၤအါမးလၢပှၤတၢ်မၢဖိတဖၣ် အကျါ, ဒီးအဝဲသ့ၣ်ကဲထီၣ်ခရံာ်ဖိလၢယမဲာ်ညါန့ၣ်လီၤ.

ရိမ့ၤ 16:7 Iomraidhean Croise

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယိၤဟၣ် 14:20

တုၤမုၢ်နံၤအဝဲန့ၣ်ဟဲတုၤဃီၤဒီး, သုကသ့ၣ်ညါလၢယအိၣ် လၢယပၢ်အပူၤ, ဒီးသုအိၣ်လၢယပူၤ, ဒ်ယအိၣ်လၢသုပူၤ အသိးန့ၣ်လီၤ.

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

လံာ်ယိၤဟၣ် 6:56

ပှၤတဂၤလၢ်လၢ်လၢအအီၣ်ယညၣ်ဒီးအီယသွံၣ်န့ၣ်မူလၢယပူၤ, ဒီးယမူလၢအပူၤလီၤ.

ရိမ့ၤ 16:10

ယဆၢဂ့ၤဆၢဝါဘၣ်စီၤအၤပ့းလ့ၣ်လၢအပာ်ဖျါထီၣ်တ့ၢ်လံ ဝဲအတၢ်သးတီဒီးခရံာ်န့ၣ်လီၤ. ယဆၢဂ့ၤဆၢဝါဘၣ်ပှၤတဖၣ်လၢအဘၣ်ဃးဒီးစီၤအရံးစတီးဘူလူး အဒူၣ်ဖိထၢဖိန့ၣ်လီၤ.

ရိမ့ၤ 16:11

ယဆၢဂ့ၤဆၢဝါဘၣ်စီၤဟ့ၤရဒံ, ပှၤယူဒၤဖိသကိးသကိးဒီးယၤ တဂၤ, ဒီးဒီပုၢ်ဝဲၢ်ခရံာ်ဖိတဖၣ်လၢအအိၣ်လၢစီၤနၢ်ကံစူးအဒူၣ်ဖိ ထၢဖိအပူၤန့ၣ်လီၤ.

ရိမ့ၤ 16:21

ပှၤမၤသကိးတၢ်ဒီးယၤစီၤတံၤမသ့းဆှၢလီၤန့ၢ်သုအတၢ် ဆၢဂ့ၤဆၢဝါတဖၣ်, ဒီးဒ်န့ၣ်အသိးပပှၤယူဒၤဖိသကိးဒီးယၤစီၤ လူကံၤ, စီၤယါစီၣ်ဒီးစီၤစီးပၤတြူးသ့ၣ်တဖၣ်ဆှၢလီၤစ့ၢ်ကီးအတၢ် ဆၢဂ့ၤဆၢဝါတဖၣ်လီၤ.

ရိမ့ၤ 16:3

ယဆှၢယတၢ်ဆၢဂ့ၤဆၢဝါတဖၣ်ဆူနီၢ်ပြံစကံးလၤဒီးစီၤအကူလၤ, လၢအမ့ၢ်ယပှၤမၤသကိးတၢ်တဖၣ်လၢယ့ၣ်ၡူးခရံာ်အတၢ်မၤအပူၤ အအိၣ်လီၤ.

ရိမ့ၤ 16:6

ယဆှၢတၢ်ဆၢဂ့ၤဆၢဝါတဖၣ်ဆူနီၢ်မၤရံ, လၢအမၤတၢ်ဆူၣ်ဒိၣ်မးလၢသုဂီၢ်တဂၤအအိၣ်လီၤ.

ရိမ့ၤ 16:8

ယဆှၢယတၢ်ဆၢဂ့ၤဆၢဝါတဖၣ်ဆူယတံၤသကိးလၢယအဲၣ် အီၤလၢကစၢ်အပူၤစီၤအၣ်ပျံအအိၣ်န့ၣ်လီၤ.

ရိမ့ၤ 16:9

ယဆၢဂ့ၤဆၢဝါဘၣ်စီၤအူၢ်ဘါနူး, ပပှၤမၤသကိးတၢ်လၢ ခရံာ်အတၢ်မၤအပူၤ, ဒီးပှၤလၢယအဲၣ်အီၤစီၤစတါဃူၣ်န့ၣ်လီၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

ရိမ့ၤ 9:3

လၢအဝဲသ့ၣ်အဃိ, ယဆၢယဲဒၣ်လၢယကအိၣ်လၢကစၢ်ယွၤ အတၢ်ဆိၣ်အၢအဖီလာ်ဒီးအိၣ်လီၤဖးဒီးခရံာ်န့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 12:2

ယသ့ၣ်ညါပှၤခရံာ်ဖိတဂၤလၢအပူၤကွံာ်တဆံလွံၢ်နံၣ်န့ၣ်, ဘၣ်တၢ်စိာ်ထီၣ်အီၤဆူမူခိၣ်အထီကတၢၢ်လီၤ. (တၢ်တမံၤအံၤမၤစဲဃဲၤအသးနီၢ်နီၢ်ဧါ, မ့တမ့ၢ်, မ့ၢ်အဝဲထံၣ်တၢ်လၢညါခီလဲၣ်န့ၣ်ယတသ့ၣ်ညါဘၣ်. ထဲကစၢ်ယွၤတဂၤဧိၤသ့ၣ်ညါဝဲလီၤ.)

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ကလၤတံ 1:22

ဖဲအဆၢကတီၢ်အဝဲန့ၣ်တၢ်အိၣ်ဖှိၣ်ဖိတဖၣ်ဖဲကီၢ်ယူဒၤအတၢ်အိၣ် ဖှိၣ်တဖၣ်အပူၤ, တသ့ၣ်ညါယၤလၢအနီၢ်ကစၢ်ဒၣ်ဝဲဒံးဘၣ်.

ကလၤတံ 2:2

ယလဲၤဖဲန့ၣ်န့ၣ်, မ့ၢ်လၢကစၢ်ယွၤလီၣ်ဖျါထီၣ်န့ၢ်ယၤလၢယကြၢးလဲၤယဲ အဃိလီၤ. ပထံၣ်လိာ်ပသးကစုဒုဒီးပှၤခိၣ်ပှၤနၢ်တဖၣ်ဒီးယတဲဖျါ ဘၣ်ဃးတၢ်သးခုကစီၣ်လၢယစံၣ်တဲၤတဲလီၤယဲလၢပှၤ ကလုာ်ဂၤတဖၣ်အသိးအကျါလီၤ. ယတသးအိၣ်လၢယတၢ်ဖံးတၢ်မၤလၢအပူၤကွံာ်မ့ၢ်ဂ့ၤ, အခဲအံၤမ့ၢ်ဂ့ၤကကဲထီၣ်တၢ်ကလီကလီန့ၣ်ဘၣ်.

ကလၤတံ 2:6

မ့မ့ၢ်ပှၤသ့ၣ်တဖၣ်လၢအဖျါဒ်ပှၤခိၣ်ပှၤနၢ်တဖၣ်အသိးန့ၣ်, ပစံးတၢ်အံၤမ့ၢ်လၢအဝဲသ့ၣ်မ့ၢ်တ့ၢ်တၢ်မနုၤလဲၣ်န့ၣ်တမ့ၢ် တၢ်လီၤဆီလၢယဂီၢ်ဘၣ်န့ၣ်လီၤ. ကစၢ်ယွၤတစံၣ်ညီၣ်တၢ်ဒ်တၢ်အိၣ်ဖျါလၢခိအသိးဘၣ်. ပှၤခိၣ်ပှၤနၢ်သ့ၣ်တဖၣ်န့ၣ်, ယစံးယဲတအိၣ်ဒီးတၢ်ဟ့ၣ်ကူၣ်ဟ့ၣ်ဖးအသီလၢယဂီၢ်နီတမံၤဘၣ်.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

ကလၤတံ 6:15

ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးဝဲမ့ၢ်ဂ့ၤတမ့ၢ်တၢ်လၢ အကါဒိၣ်ဘၣ်. တၢ်လၢအကါဒိၣ်တခီမ့ၢ်ဝဲတၢ်ကဲထီၣ် တၢ်ဘၣ်တ့အသီန့ၣ်လီၤ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

ဖံၤလ့မိၣ် 1:23

ပှၤလၢအလီၤဘၣ်ဃိာ်လၢယ့ၣ်ၡူးခရံာ်အဃိဒီးယၤ, စီၤအ့းပၤဖြါဆှၢလီၤအတၢ်ဆၢဂ့ၤဆၢဝါဆူသုအိၣ်လီၤ.

၁ ယိၤဟၣ် 4:13

ပသ့ၣ်ညါလီၤတံၢ်လၢပအိၣ်မူလၢကစၢ်ယွၤအပူၤဒီး အဝဲဒၣ်အိၣ်မူလၢပပူၤ, မ့ၢ်လၢအဝဲဒၣ်ဟ့ၣ်လီၤလံပှၤလၢအသးဒၣ်ဝဲအဃိ န့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.