ရိမ့ၤ 16:5 - Sgaw Karen Common Bible

⁵ ယဆှၢစ့ၢ်ကီးယတၢ်ဆၢဂ့ၤဆၢဝါတဖၣ်ဆူတၢ်အိၣ်ဖှိၣ်လၢအဘူၣ် သကိးဘါသကိးတၢ်လၢအဝဲသ့ၣ်အဟံၣ်ပူၤအအိၣ်န့ၣ်လီၤ. ယဆှၢယတၢ်ဆၢဂ့ၤဆၢဝါဆူယတံၤသကိးလၢယအဲၣ်အီၤစီၤ အ့ပဲန့းတူး, လၢအမ့ၢ်ပှၤအဆိကတၢၢ်တဂၤလၢအစူၢ်က့ၤနာ်က့ၤခရံာ်လၢ ကီၢ်အၤစံအပူၤတဂၤအအိၣ်န့ၣ်လီၤ.

ရိမ့ၤ 16:5 Iomraidhean Croise

လံာ်မးသဲ 18:20

အဂ့ၢ်ဒ်အံၤ, ဖဲပှၤခံဂၤမ့ၢ်ဂ့ၤ, သၢဂၤမ့ၢ်ဂ့ၤပာ်ဖှိၣ်ထီၣ်အသးလၢ ယမံၤအပူၤန့ၣ်, ယအိၣ်လၢအဝဲသ့ၣ်အသိးအကျါလီၤ.”

မၤတၢ် 16:6

မ့ၢ်လၢသးစီဆှံတပျဲအဝဲသ့ၣ်စံၣ်တဲၤတဲလီၤတၢ်ကစီၣ်ဖဲ ကီၢ်အၤစံဘၣ်အဃိ, အဝဲသ့ၣ်လဲၤခီဂာ်ကီၢ်ဖြူၤကံဒီး ကီၢ်ကလၤတံန့ၣ်လီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 18:27

ဖဲစီၤအပီးလိၤပာ်လီၤအသးလၢအကလဲၤဆူကီၢ်အဃါယၤန့ၣ်, အပျဲၢ်အဘီၣ်ဖဲဝ့ၢ်အ့းဖ့းစူးတဖၣ်မၤစၢၤအီၤခီဖျိအကွဲး လံာ်ဆူအပျဲၢ်အဘီၣ်အိၣ်လၢကီၢ်အဃါယၤတဖၣ်အအိၣ်, ဒီးသဆၣ်ထီၣ်အဝဲသ့ၣ်အခံဒ်သိးအကတူၢ်လိာ်မုာ်အီၤဖဲန့ၣ်လီၤ. ဖဲအဝဲဒၣ်လဲၤတုၤန့ၣ်, ကဲထီၣ်တၢ်မၤစၢၤအဒိၣ်အမုၢ်လၢပှၤလၢအကဲထီၣ်တ့ၢ်ပှၤလၢ အစူၢ်က့ၤနာ်က့ၤတၢ်ခီဖျိကစၢ်ယွၤအဘျုးအဖှိၣ်တဖၣ်အဂီၢ်လီၤ.

မၤတၢ် 2:9

ပဝဲသ့ၣ်တဖၣ်ပမ့ၢ်ပှၤပၢ်သ့ၤဖိ, ပှၤမၤဒဲဖိ, ပှၤဧ့ၤလၣ်ဖိ, ပှၤမ့းစပတၤမံဖိ, ပှၤယူဒၤဖိ, ပှၤကပၤဒကံဖိ, ပှၤပီၣ်တူးဖိ, ပှၤအၤစံဖိ,

ရိမ့ၤ 11:16

ကိၣ်ကမူၣ်ကျဲအသးဒီးထံအဆိကတၢၢ်တစှီၤမ့ၢ်ဘၣ်တၢ်လုၢ် ထီၣ်အီၤဆူကစၢ်ယွၤအအိၣ်ဒီး, ကိၣ်ဒီလိၣ်မ့ၢ်အတၢ်စ့ၢ်ကီး လီၤ. ဒီးသ့ၣ်တထူၣ်အဂံၢ်တဖၣ်မ့ၢ်ဘၣ်တၢ်ဟ့ၣ်လီၤကစၢ်ယွၤဒီး, သ့ၣ်အဒ့တဖၣ်မ့ၢ်အတၢ်စ့ၢ်ကီးန့ၣ်လီၤ.

ရိမ့ၤ 15:26

အဂ့ၢ်ဒ်လဲၣ်န့ၣ်, တၢ်အိၣ်ဖှိၣ်လၢကီၢ်မၤက့းဒနံဒီးကီၢ်အဃါယၤတဖၣ် အသးအိၣ်ထီၣ်ဒၣ်ဝဲလၢအကဟ့ၣ်မၤဘူၣ်ဝ့ၢ်ယရူၤၡလ့ၣ်အပှၤစီဆှံ လၢအဖှီၣ်အယာ်တဖၣ်န့ၣ်လီၤ.

ရိမ့ၤ 16:12

ယဆှၢယတၢ်ဆၢဂ့ၤဆၢဝါတဖၣ်ဆူနီၢ်တြူဖဲၤနၤဒီးနီၢ်တြူဖိၤစၤ, လၢအမၤတၢ်လၢကစၢ်အတၢ်မၤအပူၤအအိၣ်ဒီးဆူယတံၤ သကိးလၢယအဲၣ်အီၤနီၢ်ပ့ၢ်စံလၢအမၤတ့ၢ်တၢ်အါမးလၢ ကစၢ်အဂီၢ်အအိၣ်န့ၣ်လီၤ.

ရိမ့ၤ 16:4

အဝဲသ့ၣ်ကွၢ်ဆၢၣ်မဲာ်ဒၣ်လဲာ်တၢ်သံခ့သံပှၤလၢယဂီၢ်န့ၣ်လီၤ. ယစံးဘျုးဘၣ်အဝဲသ့ၣ်ဒိၣ်မးဒီးတမ့ၢ်ထဲယၤတဂၤဧိၤဘၣ်, မ့မ့ၢ်ပှၤကလုာ်ဂၤအတၢ်အိၣ်ဖှိၣ်ခဲလၢာ်စံးဘျုးဘၣ်အဝဲသ့ၣ် စ့ၢ်ကီးန့ၣ်လီၤ.

ရိမ့ၤ 16:6

ယဆှၢတၢ်ဆၢဂ့ၤဆၢဝါတဖၣ်ဆူနီၢ်မၤရံ, လၢအမၤတၢ်ဆူၣ်ဒိၣ်မးလၢသုဂီၢ်တဂၤအအိၣ်လီၤ.

ရိမ့ၤ 16:8

ယဆှၢယတၢ်ဆၢဂ့ၤဆၢဝါတဖၣ်ဆူယတံၤသကိးလၢယအဲၣ် အီၤလၢကစၢ်အပူၤစီၤအၣ်ပျံအအိၣ်န့ၣ်လီၤ.

1 ကရံၣ်သူး 16:15

သုသ့ၣ်ညါဘၣ်ဃးစီၤစတ့းဖနၣ်ဒီးအဒူၣ်ဖိထၢဖိအဂ့ၢ်လီၤ. အဝဲသ့ၣ်မ့ၢ်ပှၤအဆိကတၢၢ်တဖုလၢအကဲထီၣ်ပှၤခရံာ်ဖိလၢကီၢ် အဃါယၤအပူၤ, ဒီးဟ့ၣ်လီၤတ့ၢ်အသးဆူယွၤအပှၤဂီၢ်မုၢ်တဖၣ် အတၢ်ဖံးတၢ်မၤအပူၤလီၤ. ယဃ့ကညးသု, ယဒီပုၢ်ဝဲၢ်သ့ၣ်ဧၢ,

1 ကရံၣ်သူး 16:19

တၢ်အိၣ်ဖှိၣ်တဖၣ်လၢကီၢ်အၤစံအပူၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤအကူလၤ, နီၢ်ပြံစကံးလၤ, ဒီးတၢ်အိၣ်ဖှိၣ်လၢအထံၣ်လိာ်အိၣ်ဖှိၣ်ဖဲအဟံၣ်ပူၤန့ၣ်, ဆှၢလီၤအတၢ်ဆၢဂ့ၤဒ်ပှၤခရံာ်ဖိတဖၣ်အသိးလၢအသးဒီဖျၢၣ်ညါလီၤ.

၂ ကရံၣ်သူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤခီဖျိ ကစၢ်ယွၤအတၢ်ဘၣ်အသး, ဒီးလၢပဒီပုၢ်ဝဲၢ်စီၤတံၤမသ့း, ဆူကစၢ်ယွၤအတၢ်အိၣ်ဖှိၣ်လၢဝ့ၢ်ကရံၣ်သူး, ဒီးဆူကစၢ်ယွၤအပှၤဂီၢ်မုၢ်ခဲလၢာ်လၢအအိၣ်ဝဲသကုၤဆးဒးကီၢ် အဃါယၤ,

၂ ကရံၣ်သူး 9:2

ယသ့ၣ်ညါလၢသုသးဆူၣ်မၤစၢၤသုဝဲ, ဒီးယကတိၤပာ်ကဖၢလၢလံယသးလၢသုဂ့ၢ်လၢ ပှၤမၤက့းဒနံဖိတဖၣ်အမဲာ်ညါန့ၣ်လီၤ. ယစံးယဲ, “ဒီပုၢ်ဝဲၢ်လၢကီၢ်အဃါယၤတဖၣ်အသးဆူၣ် ဟ့ၣ်တ့ၢ်လံတၢ်မၤစၢၤလၢအပူၤကွံာ်တနံၣ်လံၤလံၤလီၤ” သုတၢ်သးဆူၣ်န့ၣ်ထိၣ်ဟူးထိၣ်ဂဲၤလံအဝဲသ့ၣ်အါဒံ အါဂၤအသးလံန့ၣ်လီၤ.

ကလီးစဲ 4:15

ဟ့ၣ်ဘၣ်ပတၢ်ဆၢဂ့ၤဆၢဝါအဒိၣ်ကတၢၢ်ဆူဒီပုၢ်ဝဲၢ်လၢအအိၣ်လၢ ဝ့ၢ်လီၤဒံၤကံတဖၣ်အအိၣ်, ဆူစီၤနူၣ်ဖၤအအိၣ်ဒီးဆူတၢ်အိၣ်ဖှိၣ်လၢအဘူၣ်သကိးဘါ သကိးတၢ်လၢအဝဲဒၣ်အဟံၣ်ပူၤအအိၣ်တက့ၢ်.

ဖံၤလ့မိၣ် 1:2

ပဒီပုၢ်ဝဲၢ်မုၣ်နီၢ်အးဖံ, ပှၤသုးဖိသကိးဒီးပှၤစီၤအၢ်ဃံၤပူးဒီး တၢ်အိၣ်ဖှိၣ်လၢအပာ်ဖှိၣ်ထီၣ်အသးလၢစီၤဖံၤလ့မိၣ်အဟံၣ် အအိၣ်,

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

၃ ယိၤဟၣ် 1:1

လၢပှၤသးပှၢ်, ဆူစီၤကါယူးသးဘိ, ပှၤလၢယအဲၣ်ဘၣ်အီၤလၢတၢ်အဲၣ်နီၢ်နီၢ် တဂၤအအိၣ်,

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.