ရိမ့ၤ 16:27 - Sgaw Karen Common Bible

²⁷ ကစၢ်ယွၤထဲတဂၤဧိၤလၢအအိၣ်ဒီးတၢ်ကူၣ်သ့ခဲလၢာ်န့ၣ်, မ်အဘၣ်တၢ်လၤကပီၤခီဖျိယ့ၣ်ၡူးခရံာ်အစိၤစိၤအဃၣ်ဃၣ်န့ၣ် တက့ၢ်. အၤမ့ၣ်.

ရိမ့ၤ 16:27 Iomraidhean Croise

စံးထီၣ်ပတြၢၤ 147:5

ပယွၤန့ၣ်ဒိၣ်ဝဲ, ဒီးအစိအကမီၤအိၣ်အါမးလီၤ. အတၢ်ကူၣ်သ့ကူၣ်ဘၣ်န့ၣ်တၢ်ထိၣ်အီၤတဲာ်အီၤ တသ့ဘၣ်.

လံာ်ယၡါယၤ 31:2

အဝဲသ့ၣ်ညါတၢ်လၢအမၤဝဲန့ၣ်လီၤ. အဝဲမၢလီၤတၢ်ဟးဂူာ်ဟးဂီၤလီၤ. အဝဲမၤထွဲအတၢ်မၤပျံၤမၤဖုးလၢကစံၣ်ညီၣ်ပှၤ အၢပှၤသီတဖၣ်ဒီးပှၤလၢအဒီဒၣ်အိၣ်ပှိၤအဝဲသ့ၣ်န့ၣ်လီၤ.

ရိမ့ၤ 11:36

အဂ့ၢ်ဒ်လဲၣ်န့ၣ်, တၢ်ခဲလၢာ်ဘၣ်တၢ်တ့လီၤလၢအီၤ, ဒီးတၢ်ခဲလၢာ်အိၣ်ထီၣ်ခီဖျိအီၤဒီးလၢအဂီၢ်န့ၣ်လီၤ. မ်တၢ်လၤကပီၤဘၣ်ကစၢ်ယွၤလီၤစိၤလီၤထီတက့ၢ်. အၤမ့ၣ်.

အ့းဖ့းစူး 3:10

ဒ်သိးဒီးလၢမုၢ်မဆါတနံၤအံၤ, ခီဖျိတၢ်အိၣ်ဖှိၣ်န့ၣ်ယွၤအတၢ်ကူၣ်သ့ကူၣ်ဘၣ်အကလုာ် ကလုာ်ကဘၣ်တၢ်သ့ၣ်ညါမၤလိန့ၢ်အီၤလၢကလူးလၢအပၢတၢ် တဖၣ်ဒီးတၢ်စိတၢ်ကမီၤဘၣ်ဃးမူခိၣ်န့ၣ်လီၤ.

ဖံလံးပံၤ 4:20

မ်တၢ်လၤကပီၤအိၣ်ဒီးပပၢ်ယွၤအစိၤစိၤအဃၣ်ဃၣ်တက့ၢ်. အၤမ့ၣ်.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

ယူဒၤ 1:25

ကစၢ်ယွၤတဂၤဃီ, ပပှၤအုၣ်က့ၤခီၣ်က့ၤတၢ်ခီဖျိပကစၢ် ယ့ၣ်ၡူးခရံာ်အံၤ, မ်တၢ်လၤကပီၤ, တၢ်ကဟုကညီၢ်, တၢ်ဂံၢ်ဆူၣ်ဘါဆူၣ်, ဒီးတၢ်စိတၢ်ကမီၤအိၣ်ဒီးအီၤ, လၢစိၤလၢအပူၤကွံာ်ခဲလၢာ်, ဒီးစိၤခဲအံၤ, ဒီးဆူညါအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.