ရိမ့ၤ 16:25 - Sgaw Karen Common Bible

²⁵ မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

ရိမ့ၤ 16:25 Iomraidhean Croise

စံးထီၣ်ပတြၢၤ 78:2

ယကအဲးထီၣ်ယထးခိၣ်လၢတၢ်ကူၣ်သ့အတၢ်ကတိၤ, ဒီးယကစံၣ်တဲၤတဲလီၤတၢ်ကတိၤခူသူၣ်လၢပျၢၤတဖၣ်,

လံာ်ဒၤနံးယ့လး 2:22

အဝဲမၤဖျါထီၣ်တၢ်အယိာ်ဒီးတၢ်ခူသူၣ်အဒိၣ်အယိာ်တဖၣ်လီၤ. သ့ၣ်ညါဝဲတၢ်မနုၤအိၣ်လၢတၢ်ခံးတၢ်နၤအပူၤ, ဒီးအဝဲအနီၢ်ကစၢ်ဒၣ်ဝဲန့ၣ်ဘၣ်တၢ်ကဝီၤဃာ်အီၤလၢတၢ်ကပီၤလီၤ.

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

လံာ်မးသဲ 13:17

ယစံးဘၣ်သုတၢ်မ့ၢ်တၢ်တီ, ဝံအါဂၤဒီးပှၤအဲၣ်ထူအဲၣ်ယွၤအါဒံအါဂၤ ဆၢထံၣ်ဘၣ်တၢ်လၢသုထံၣ်, ဘၣ်ဆၣ်ဒီးတထံၣ်ဘၣ်ဝဲဘၣ်. ဒီးဆၢနၢ်ဟူတၢ်လၢသုနၢ်ဟူဘၣ်ဆၣ်တနၢ်ဟူဘၣ်ဝဲဘၣ်.”

လံာ်မးသဲ 13:35

အဝဲမၤတၢ်အံၤမ့ၢ်ဒ်သိးဒီး တၢ်လၢဝံတဂၤစံးတ့ၢ်ဝဲ ကလၢထီၣ်ပှဲၤထီၣ်အဂီၢ်လီၤ. “ယကကတိၤတၢ်လၢတၢ်ကတိၤဒိ, တၢ်လၢအအိၣ်လီၤဘၢလၢဟီၣ်ခိၣ် အိၣ်ထီၣ်လံၤလံၤတဖၣ်န့ၣ်, ယကတဲဖျါထီၣ်န့ၢ်အဝဲသ့ၣ်လီၤ” (စံး. ၇၈:၂).

လံာ်မးသဲ 20:7

အဝဲသ့ၣ်စံးဆၢအီၤ, ‘မ့ၢ်လၢပှၤတမၢလဲပှၤနီတဂၤအဃိလီၤ.’ ဒီးစံးဘၣ်အဝဲသ့ၣ်, ‘လဲၤစ့ၢ်ကီးသုဝဲဆူစပံးလီၢ်အပူၤ, ဒီးမၤတၢ်ဖဲန့ၣ်တက့ၢ်.’

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 14:4

နမ့ၢ်မတၤတဂၤလၢအကစံၣ်ညီၣ်ပှၤအဂၤတဂၤအခ့အပှၤန့ၣ်လဲၣ်. အတၢ်မၤကဲထီၣ်မ့ၢ်ဂ့ၤ, တကဲထီၣ်မ့ၢ်ဂ့ၤန့ၣ် အကစၢ်လၢအမ့ၢ်ယွၤကစံၣ်ညီၣ်ဒၣ်ဝဲလီၤ. ဒီးအတၢ်မၤကကဲထီၣ်လိၣ်ထီၣ်ဝဲ, မ့ၢ်လၢယွၤဒုးကဲထီၣ်လိၣ်ထီၣ်အီၤသ့ဝဲဒၣ်အဃိန့ၣ်လီၤ.

ရိမ့ၤ 16:24

(မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုခဲလၢာ်တက့ၢ်. အၤမ့ၣ်.)

ရိမ့ၤ 2:16

လၢတၢ်န့ၣ်အဃိ, ဒ်တၢ်သးခုကစီၣ်လၢယစံၣ်တဲၤတဲလီၤ ဟဲဝဲအသိး, လၢမုၢ်နံၤတနံၤန့ၣ်ကစၢ်ယွၤ, ကစံၣ်ညီၣ်ပှၤကညီအတၢ်ဆိကမိၣ်ခူသူၣ်ခဲလၢာ်ခီဖျိယ့ၣ်ၡူး ခရံာ်, န့ၣ်လီၤ.

1 ကရံၣ်သူး 1:23

မ့မ့ၢ်ပဝဲသ့ၣ်တဖၣ်အံၤ, ပစံၣ်တဲၤတဲလီၤခရံာ်လၢအဘၣ်တၢ်ပျၤထီအီၤလၢထူၣ်စုညါ အလိၤ, တၢ်ကစီၣ်လၢအမၤဆါပှၤယူဒၤဖိတဖၣ်အသး, ဒီးမ့ၢ်တၢ်ကလီကလီလၢပှၤကလုာ်ဂၤသ့ၣ်တဖၣ်အဂီၢ်န့ၣ်လီၤ.

1 ကရံၣ်သူး 2:7

တၢ်ကူၣ်ဘၣ်ကူၣ်သ့လၢယစံၣ်တဲၤတဲလီၤအဝဲအံၤန့ၣ် မ့ၢ်ကစၢ်ယွၤအတၢ်ကူၣ်ဘၣ်ကူၣ်သ့ခူသူၣ်, လၢအအိၣ်တဒၢလၢပှၤကညီအမဲာ်ညါ, ဘၣ်ဆၣ်ဒီးမ့ၢ်တၢ်လၢအဝဲဒၣ်ဃုထၢတ့ၢ်ဝဲလၢပလၤကပီၤ အဂီၢ်, တချုးဒၣ်လဲာ်လၢဟီၣ်ခိၣ်တဘ့ၣ်အံၤဘၣ်တၢ်တ့လီၤ ပာ်လီၤအီၤဒံးဘၣ်န့ၣ်လီၤ.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

၂ ကရံၣ်သူး 4:3

အဂ့ၢ်ဒ်အံၤ, တၢ်သးခုကစီၣ်လၢပစံၣ်တဲၤတဲလီၤအီၤမ့ၢ်အိၣ်ခူ သူၣ်အိၣ်တဒၢန့ၣ်, ကအိၣ်ခူသူၣ်အိၣ်တဒၢဒၣ်လၢပှၤလီၤမၢ်သ့ၣ်တဖၣ်အမဲာ်ညါ န့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

ကလၤတံ 2:2

ယလဲၤဖဲန့ၣ်န့ၣ်, မ့ၢ်လၢကစၢ်ယွၤလီၣ်ဖျါထီၣ်န့ၢ်ယၤလၢယကြၢးလဲၤယဲ အဃိလီၤ. ပထံၣ်လိာ်ပသးကစုဒုဒီးပှၤခိၣ်ပှၤနၢ်တဖၣ်ဒီးယတဲဖျါ ဘၣ်ဃးတၢ်သးခုကစီၣ်လၢယစံၣ်တဲၤတဲလီၤယဲလၢပှၤ ကလုာ်ဂၤတဖၣ်အသိးအကျါလီၤ. ယတသးအိၣ်လၢယတၢ်ဖံးတၢ်မၤလၢအပူၤကွံာ်မ့ၢ်ဂ့ၤ, အခဲအံၤမ့ၢ်ဂ့ၤကကဲထီၣ်တၢ်ကလီကလီန့ၣ်ဘၣ်.

အ့းဖ့းစူး 1:9

လၢအတၢ်ကူၣ်ဘၣ်ကူၣ်သ့ဒီးအတၢ်ထံၣ်တုာ်ကွၢ်ဖျါတၢ်ခဲလၢာ် အပူၤ, ယွၤမၤတ့ၢ်တၢ်ဒ်အတိာ်ပာ်တ့ၢ်ဝဲအသိးဒီးလီၣ်ဖျါထီၣ်န့ၢ်ပှၤ လၢအတၢ်ရဲၣ်တၢ်ကျဲၤခူသူၣ်လၢအတိာ်ပာ်တ့ၢ်လံဝဲလၢ အကမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

အ့းဖ့းစူး 3:11

ကစၢ်ယွၤမၤတၢ်အံၤဒ်အတၢ်တိာ်ပာ်အထူအယိာ်အိၣ်ဝဲ အသိး, လၢအမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

အ့းဖ့းစူး 3:9

ဒီးလၢယကဒုးထံၣ်ပှၤခဲလၢာ်လၢကစၢ်ယွၤအတၢ်ရဲၣ်တၢ်ကျဲၤ ဘၣ်ဃးတၢ်လၢအအိၣ်ခူသူၣ်တ့ၢ်လၢနံၣ်လၢအပူၤကွံာ်တဖၣ် စးထီၣ်လၢတၢ်ဘၣ်တ့အခီၣ်ထံးလံၤလံၤ,

အ့းဖ့းစူး 6:19

ဃ့ထုကဖၣ်စ့ၢ်ကီးလၢယဂီၢ်, ဒ်သိးယွၤကဟ့ၣ်ယၤတၢ်ကစီၣ်ဖဲယအိၣ်ကတဲာ်ကတီၤ ယသးလၢယကကတိၤထီၣ်တၢ်အဆၢကတီၢ်ဒီးဒ်သိး ယကကတိၤဘၣ်တၢ်အိၣ်ဒီးတၢ်သးခူတလ့ၢ်သတးဒီး လီၣ်ဖျါထီၣ်တၢ်သးခုကစီၣ်အတၢ်ခူသူၣ်အဂီၢ်န့ၣ်တက့ၢ်.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၂ သ့းစၤလနံ 2:14

လၢတၢ်တမံၤအံၤအဂီၢ်ကစၢ်ယွၤကိးဃီၤသုခီဖျိတၢ်သးခု ကစီၣ်လၢပစံၣ်တဲၤတဲလီၤန့ၢ်သုန့ၣ်လီၤ. အဝဲဒၣ်ကိးဃီၤသုဒ်သိးသုကဒိးန့ၢ်ဃုာ်ပကစၢ်ယ့ၣ်ၡူးခရံာ် အလၤကပီၤအဂီၢ်န့ၣ်လီၤ.

၂ သ့းစၤလနံ 3:3

ဘၣ်ဆၣ်ဒီးကစၢ်အကလုၢ်တီဝဲဒီးအဝဲဒၣ်ကမၤဆူၣ်ထီၣ်သုသး အဂံၢ်အဘါဒီးခိးတြီဃာ်တၢ်အၢတၢ်သီတဂၤလၢသု န့ၣ်လီၤ.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

၂ တံၤမသ့း 2:8

သ့ၣ်နီၣ်ထီၣ်ယ့ၣ်ၡူးခရံာ်လၢအဘၣ်တၢ်ဒုးဂဲၤဆၢထၢၣ်က့ၤ အီၤလၢတၢ်သံ, လၢအမ့ၢ်တ့ၢ်စီၤဒၤဝံးအစၢၤအသွဲၣ်, ဒ်အဘၣ်တၢ်သိၣ်လိအီၤတၢ်သးခုကစီၣ်လၢယစံၣ်တဲၤ တဲလီၤန့ၢ်သုအပူၤအသိးန့ၣ်တက့ၢ်.

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

၁ ပ့းတရူး 1:20

အဝဲဒၣ်ဘၣ်တၢ်ဃုထၢအီၤလၢကစၢ်ယွၤတချုးဒံးဘၣ်လၢဟီၣ် ခိၣ်ဘၣ်တၢ်တ့လီၤအီၤ, ဒီးဘၣ်တၢ်လီၣ်ဖျါထီၣ်အီၤလၢသုဂီၢ်လၢမုၢ်နံၤလၢခံကတၢၢ် တဖၣ်အံၤအပူၤန့ၣ်လီၤ.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

လံာ်လီၣ်ဖျါ 10:7

မ့မ့ၢ်ဖဲကလူးနွံဂၤတဂၤအူထီၣ်ကွဲၤန့ၣ်, ကစၢ်ယွၤကမၤလၢထီၣ်ပှဲၤထီၣ်အတၢ်ကူၣ်ထီၣ်ဖးလီၤခူသူၣ်, ဒ်အဝဲဒၣ်ဘိးဘၣ်သ့ၣ်ညါတ့ၢ်ဝဲအခ့အပှၤဝံတဖၣ် အသိး န့ၣ်လီၤ.”