ရိမ့ၤ 16:2 - Sgaw Karen Common Bible

² တူၢ်လိာ်အီၤလၢကစၢ်အမံၤအပူၤ, ဒ်ပှၤစီဆှံတဖၣ်ကြၢးမၤ ဝဲအသိး, ဒီးဟ့ၣ်အီၤတၢ်မၤစၢၤတမံၤဂ့ၤတမံၤဂ့ၤလၢအဝဲလိၣ် ဘၣ်ဝဲလၢသုအိၣ်န့ၣ်တက့ၢ်. အဂ့ၢ်ဒ်လဲၣ်န့ၣ်, အဝဲမ့ၢ်တ့ၢ်တံၤသကိးအဂ့ၤလၢပှၤအါဂၤအဂီၢ် ဒီးလၢယဂီၢ်စ့ၢ်ကီးလီၤ.

ရိမ့ၤ 16:2 Iomraidhean Croise

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

မၤတၢ် 9:13

စီၤအနၤနံစံးဆၢက့ၤဝဲ, “ကစၢ်ဧၢ, ယနၢ်ဟူဘၣ်တ့ၢ်လံပှၤအါဂၤတဲဘၣ်ယၤဘၣ်ဃးပှၤတဂၤအံၤအဂ့ၢ်, ဒီးလၢအမၤအၢမၤနးတ့ၢ်နပှၤစီဆှံလၢဝ့ၢ်ယရူၤၡလ့ၣ် အပူၤတဖၣ်အဂ့ၢ်ခဲလၢာ်န့ၣ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

မၤတၢ် 9:39

အန့ၣ်သတးဒီး, စီၤပ့းတရူးကတဲာ်ကတီၤထီၣ်အသးဒီးလဲၤ သကိးဝဲဒီးအဝဲသ့ၣ်လီၤ. တုၤအလဲၤတုၤဝဲဒီး, အဝဲသ့ၣ်ကိးထီၣ်အီၤဆူဒၢးအိၣ်လၢဟံၣ်ထးခီတဆီန့ၣ်လီၤ. ကယဲၢ်ပှၤမုၣ်ကမဲအိၣ်ဖဲန့ၣ်တဖၣ်ဆၢထၢၣ်ဝးတရံးစီၤပ့းတရူး, အိၣ်ဒီးမဲာ်ထံမဲာ်နိ, ဒီးဒုးနဲၣ်အီၤလၢဆ့ကၤဖီလာ်ဒီးဆ့ကၤဖီခိၣ် တဖၣ်လၢနီၢ်ဒီၢ်ကါဆးန့ၢ်အဝဲသ့ၣ်ဖဲအအိၣ်မူဒံးလၢ အဝဲသ့ၣ်အသိးအကျါအကတီၢ်န့ၣ်လီၤ.

မၤတၢ် 9:41

စီၤပ့းတရူးယူာ်ဃီၤအစုဒီးဝံၢ်ဆၢထၢၣ်စၢၤအီၤလီၤ. အန့ၣ်ဝံၤကိးနုာ်က့ၤပှၤစီဆှံဒီးမုၣ်ကမဲတဖၣ်, ဒီးဒုးနဲၣ်အဝဲသ့ၣ်လၢပိာ်မုၣ်န့ၣ်မူဝဲန့ၣ်လီၤ.

ရိမ့ၤ 15:7

မၤသးဒ်န့ၣ်ဒီး, တူၢ်လိာ်လိာ်သုသးတဂၤဒီးတဂၤလၢကစၢ်ယွၤ အလၤကပီၤအဂီၢ်, ဒ်ခရံာ်တူၢ်လိာ်သုအသိးန့ၣ်တက့ၢ်.

ရိမ့ၤ 16:15

ယဆၢဂ့ၤဆၢဝါဘၣ်စီၤဖံၤလလီးကူး, နီၢ်ယူၤလံ, စီၤနၤရ့းဒီး အဒီပုၢ်ဝဲၢ်မုၣ်တဂၤ, စီၤအီးလူၣ်ပၤ, ဒီးပှၤစီဆှံခဲလၢာ်လၢအအိၣ်ဒီး အဝဲသ့ၣ်န့ၣ်လီၤ.

ရိမ့ၤ 16:23

ယဟံၣ်ကစၢ်စီၤကါယူး, လၢတၢ်အိၣ်ဖှိၣ်ဘူၣ်သကိးဘါသကိးတၢ်လၢအဟံၣ်ပူၤ တဂၤ, ဆှၢလီၤန့ၢ်သုအတၢ်ဆၢဂ့ၤဆၢဝါတဖၣ်လီၤ. စီၤအ့ရၤစတူး, လၢအမ့ၢ်ဝ့ၢ်အံၤအပှၤပၢၤစ့တဂၤ, ဒီးယဒီပုၢ်ဝဲၢ်စီၤကူအၢ်တူးဆှၢလီၤန့ၢ်သုအဝဲသ့ၣ်အတၢ်ဆၢ ဂ့ၤဆၢဝါတဖၣ်န့ၣ်လီၤ.

ရိမ့ၤ 16:6

ယဆှၢတၢ်ဆၢဂ့ၤဆၢဝါတဖၣ်ဆူနီၢ်မၤရံ, လၢအမၤတၢ်ဆူၣ်ဒိၣ်မးလၢသုဂီၢ်တဂၤအအိၣ်လီၤ.

ရိမ့ၤ 16:9

ယဆၢဂ့ၤဆၢဝါဘၣ်စီၤအူၢ်ဘါနူး, ပပှၤမၤသကိးတၢ်လၢ ခရံာ်အတၢ်မၤအပူၤ, ဒီးပှၤလၢယအဲၣ်အီၤစီၤစတါဃူၣ်န့ၣ်လီၤ.

အ့းဖ့းစူး 5:3

ဒ်သုမ့ၢ်ကစၢ်ယွၤအပှၤတကလုာ်အသိးန့ၣ်, တၢ်မၤကမၣ်မုၣ် ကမၣ်ခွါမ့ၢ်ဂ့ၤ, တၢ်ကလုာ်ကလိၤမ့ၢ်ဂ့ၤ, တၢ်သူၣ်လီသးကွံမ့ၢ်ဂ့ၤ, တကြၢးဘၣ်တၢ်ယၢၤထီၣ်ဒၣ်လဲာ်အီၤလၢသုသိးသုကျါဘၣ်.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 2:29

မ်ဒ်န့ၣ်ဒီး, တူၢ်လိာ်အီၤလၢတၢ်သးခုအပူၤ, ဒ်ဒီပုၢ်ဝဲၢ်လၢကစၢ်အပူၤတဂၤအသိးတက့ၢ်. ဒုးနဲၣ်သုတၢ်ယူးယီၣ်ပာ်ကဲပှၤကိးဂၤဒဲးလၢအဒ်သိးဒီးအီၤ န့ၣ်တက့ၢ်.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

၁ တံၤမသ့း 2:10

မ့မ့ၢ်, လၢအဝဲသ့ၣ်ကမၤတၢ်မၤအဂ့ၤတဖၣ်လၢအကြၢးဒီး ပိာ်မုၣ်လၢအစံးလီၤအသးလၢအအဲၣ်ထူအဲၣ်ယွၤန့ၣ်လီၤ.

၂ တံၤမသ့း 1:18

မ်ကစၢ်ပျဲအဒိးန့ၢ်ဘၣ်အတၢ်သူၣ်ကညီၤသးကညီၤ လၢမုၢ်နံၤခံကတၢၢ်န့ၣ်တက့ၢ်. အဝဲမၤတ့ၢ်တၢ်လၢယဂီၢ်ဖဲဝ့ၢ်အ့းဖ့းစူးအပူၤထဲလဲၣ်န့ၣ်, နသ့ၣ်ညါဂ့ၤဂ့ၤကစီဒီန့ၣ်လီၤ.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,

ဖံၤလ့မိၣ် 1:12

အခဲအံၤယဆှၢက့ၤအီၤဆူနအိၣ်, ဒီးယသးလဲၤဃုာ်တၢ်ဒီးအီၤလီၤ.

ဖံၤလ့မိၣ် 1:17

လၢတၢ်န့ၣ်အဃိ, နမ့ၢ်ပာ်ယၤဒ်နပှၤမၤသကိးတၢ်တဂၤအသိး ဒီးတူၢ်လိာ်က့ၤအီၤဒ်နကတူၢ်လိာ်ဘၣ်ယၤအသိးန့ၣ်တက့ၢ်.

၂ ယိၤဟၣ် 1:10

လၢတၢ်န့ၣ်အဃိ, ပှၤတဂၤဂၤမ့ၢ်ဟဲဆူသုအိၣ်ဒီး တဟဲစိာ်ဘၣ်တၢ်သိၣ်လိသီလိအံၤန့ၣ်, တဘၣ်တူၢ်လိာ် အီၤလၢသုဟံၣ်ပူၤတဂ့ၤ. တဘၣ်စံးဒၣ်လဲာ် “မ်တၢ်ဃူတၢ်ဖိးအိၣ်ဒီးနၤ” တဂ့ၤ.