ရိမ့ၤ 16:15 - Sgaw Karen Common Bible

¹⁵ ယဆၢဂ့ၤဆၢဝါဘၣ်စီၤဖံၤလလီးကူး, နီၢ်ယူၤလံ, စီၤနၤရ့းဒီး အဒီပုၢ်ဝဲၢ်မုၣ်တဂၤ, စီၤအီးလူၣ်ပၤ, ဒီးပှၤစီဆှံခဲလၢာ်လၢအအိၣ်ဒီး အဝဲသ့ၣ်န့ၣ်လီၤ.

ရိမ့ၤ 16:15 Iomraidhean Croise

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်မးသဲ 5:47

သုမ့ၢ်ကတိၤတၢ်ဒီးဆၢဂ့ၤဆၢဝါထဲသုဒီပုၢ်ဝဲၢ်ဒီးသုတၢ်မၤ တဖၣ်န့ၣ်တလီၤဆီဒီးပှၤဂၤဘၣ်. ပှၤတသ့ၣ်ညါယွၤတဖၣ်ဒၣ်လဲာ်မၤဝဲဒ်န့ၣ်လီၤ.

မၤတၢ် 9:13

စီၤအနၤနံစံးဆၢက့ၤဝဲ, “ကစၢ်ဧၢ, ယနၢ်ဟူဘၣ်တ့ၢ်လံပှၤအါဂၤတဲဘၣ်ယၤဘၣ်ဃးပှၤတဂၤအံၤအဂ့ၢ်, ဒီးလၢအမၤအၢမၤနးတ့ၢ်နပှၤစီဆှံလၢဝ့ၢ်ယရူၤၡလ့ၣ် အပူၤတဖၣ်အဂ့ၢ်ခဲလၢာ်န့ၣ်လီၤ.

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

ရိမ့ၤ 16:14

ယဆှၢယတၢ်ဆၢဂ့ၤဆၢဝါတဖၣ်ဆူစီၤအစူၣ်ကြံတူး, စီၤဖျ့ကီၣ်, စီၤဟ့ၣ်မၤ, စီၤပၤတြီးဘၤ, စီၤဟ့ၣ်မ့ၣ်, ဒီးဒီပုၢ်ဝဲၢ်ခရံာ်ဖိအဂၤတဖၣ်လၢအအိၣ်ဒီးအဝဲသ့ၣ်ခဲလၢာ် အအိၣ်န့ၣ်လီၤ.

ရိမ့ၤ 16:2

တူၢ်လိာ်အီၤလၢကစၢ်အမံၤအပူၤ, ဒ်ပှၤစီဆှံတဖၣ်ကြၢးမၤ ဝဲအသိး, ဒီးဟ့ၣ်အီၤတၢ်မၤစၢၤတမံၤဂ့ၤတမံၤဂ့ၤလၢအဝဲလိၣ် ဘၣ်ဝဲလၢသုအိၣ်န့ၣ်တက့ၢ်. အဂ့ၢ်ဒ်လဲၣ်န့ၣ်, အဝဲမ့ၢ်တ့ၢ်တံၤသကိးအဂ့ၤလၢပှၤအါဂၤအဂီၢ် ဒီးလၢယဂီၢ်စ့ၢ်ကီးလီၤ.

အ့းဖ့းစူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ်ယွၤအတၢ်ဘၣ် အသးတဂၤ, ဆူပှၤစီဆှံလၢခရံာ်အပူၤလၢအကလုၢ်တီဒီးအီၤ တဖၣ်အအိၣ်,

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.