ရိမ့ၤ 16:14 - Sgaw Karen Common Bible

¹⁴ ယဆှၢယတၢ်ဆၢဂ့ၤဆၢဝါတဖၣ်ဆူစီၤအစူၣ်ကြံတူး, စီၤဖျ့ကီၣ်, စီၤဟ့ၣ်မၤ, စီၤပၤတြီးဘၤ, စီၤဟ့ၣ်မ့ၣ်, ဒီးဒီပုၢ်ဝဲၢ်ခရံာ်ဖိအဂၤတဖၣ်လၢအအိၣ်ဒီးအဝဲသ့ၣ်ခဲလၢာ် အအိၣ်န့ၣ်လီၤ.

ရိမ့ၤ 16:14 Iomraidhean Croise

လံာ်မးသဲ 5:47

သုမ့ၢ်ကတိၤတၢ်ဒီးဆၢဂ့ၤဆၢဝါထဲသုဒီပုၢ်ဝဲၢ်ဒီးသုတၢ်မၤ တဖၣ်န့ၣ်တလီၤဆီဒီးပှၤဂၤဘၣ်. ပှၤတသ့ၣ်ညါယွၤတဖၣ်ဒၣ်လဲာ်မၤဝဲဒ်န့ၣ်လီၤ.

ရိမ့ၤ 16:13

ယဆှၢယတၢ်ဆၢဂ့ၤဆၢဝါတဖၣ်ဆူစီၤရူဖူး, ပှၤလၢအမၤတၢ်ဖျိးဂ့ၤမးလၢကစၢ်အတၢ်မၤအပူၤတဂၤအအိၣ်, ဆူအဝဲဒၣ်အမိၢ်လၢထီဘိပာ်ယၤဒ်အဖိခွါတဂၤအသိးအအိၣ်န့ၣ်လီၤ.

ရိမ့ၤ 16:15

ယဆၢဂ့ၤဆၢဝါဘၣ်စီၤဖံၤလလီးကူး, နီၢ်ယူၤလံ, စီၤနၤရ့းဒီး အဒီပုၢ်ဝဲၢ်မုၣ်တဂၤ, စီၤအီးလူၣ်ပၤ, ဒီးပှၤစီဆှံခဲလၢာ်လၢအအိၣ်ဒီး အဝဲသ့ၣ်န့ၣ်လီၤ.

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

ကလီးစဲ 1:2

ဆူ, ပှၤစီဆှံလၢဝ့ၢ်ကလီးစဲ, ဒီပုၢ်ဝဲၢ်လၢခရံာ်အပူၤလၢ အကလုၢ်တီဝဲတဖၣ်အအိၣ်, တၢ်ဘျုးတၢ်ဖှိၣ် ဒီးတၢ်ဃူတၢ်ဖိးလၢအဟဲလၢပပၢ်ကစၢ်ယွၤ အအိၣ်န့ၣ်မ်အဘၣ်လၢ်သုတက့ၢ်.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.