ရိမ့ၤ 16:12 - Sgaw Karen Common Bible

¹² ယဆှၢယတၢ်ဆၢဂ့ၤဆၢဝါတဖၣ်ဆူနီၢ်တြူဖဲၤနၤဒီးနီၢ်တြူဖိၤစၤ, လၢအမၤတၢ်လၢကစၢ်အတၢ်မၤအပူၤအအိၣ်ဒီးဆူယတံၤ သကိးလၢယအဲၣ်အီၤနီၢ်ပ့ၢ်စံလၢအမၤတ့ၢ်တၢ်အါမးလၢ ကစၢ်အဂီၢ်အအိၣ်န့ၣ်လီၤ.

ရိမ့ၤ 16:12 Iomraidhean Croise

လံာ်မးသဲ 5:47

သုမ့ၢ်ကတိၤတၢ်ဒီးဆၢဂ့ၤဆၢဝါထဲသုဒီပုၢ်ဝဲၢ်ဒီးသုတၢ်မၤ တဖၣ်န့ၣ်တလီၤဆီဒီးပှၤဂၤဘၣ်. ပှၤတသ့ၣ်ညါယွၤတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်မးသဲ 9:38

ဘါထုကဖၣ်ဆူစံာ်အကစၢ်ဒ်သိးအကဆှၢလီၤပှၤမၤတၢ်ဖိတဖၣ် လၢကထၢဖှိၣ်က့ၤအဘုအဂီၢ်တက့ၢ်.”

ရိမ့ၤ 16:11

ယဆၢဂ့ၤဆၢဝါဘၣ်စီၤဟ့ၤရဒံ, ပှၤယူဒၤဖိသကိးသကိးဒီးယၤ တဂၤ, ဒီးဒီပုၢ်ဝဲၢ်ခရံာ်ဖိတဖၣ်လၢအအိၣ်လၢစီၤနၢ်ကံစူးအဒူၣ်ဖိ ထၢဖိအပူၤန့ၣ်လီၤ.

ရိမ့ၤ 16:13

ယဆှၢယတၢ်ဆၢဂ့ၤဆၢဝါတဖၣ်ဆူစီၤရူဖူး, ပှၤလၢအမၤတၢ်ဖျိးဂ့ၤမးလၢကစၢ်အတၢ်မၤအပူၤတဂၤအအိၣ်, ဆူအဝဲဒၣ်အမိၢ်လၢထီဘိပာ်ယၤဒ်အဖိခွါတဂၤအသိးအအိၣ်န့ၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

1 ကရံၣ်သူး 16:16

လၢသုကပိာ်ထွဲခိၣ်နၢ်ဒ်အံၤအသိးတဖၣ်အတၢ်ပၢတၢ်ဆှၢဒီးပှၤ တဂၤလၢ်လၢ်လၢအဖံးတၢ်မၤတၢ်ဒီးမၤယွၤအတၢ်မၤတပူၤဃီဒီး အဝဲသ့ၣ်တဖၣ်န့ၣ်အတၢ်ပၢတၢ်ဆှၢလီၤ.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

၁ တံၤမသ့း 4:10

ပဂဲၤပျုၢ်ဒီးမၤတၢ်ဆူၣ်ဆူၣ်, မ့ၢ်လၢပပာ်ပတၢ်မုၢ်လၢ်လၢ ကစၢ်ယွၤလၢအမူဝဲတဂၤအပူၤ, လၢအမ့ၢ်ပှၤအုၣ်က့ၤခီၣ်က့ၤ ပှၤခဲလၢာ်, ဒီးလီၤဆီဒၣ်တၢ်ပှၤလၢအစူၢ်က့ၤနာ်က့ၤတၢ်တဖၣ် အဃိန့ၣ်လီၤ.