ရိမ့ၤ 16:10 - Sgaw Karen Common Bible

¹⁰ ယဆၢဂ့ၤဆၢဝါဘၣ်စီၤအၤပ့းလ့ၣ်လၢအပာ်ဖျါထီၣ်တ့ၢ်လံ ဝဲအတၢ်သးတီဒီးခရံာ်န့ၣ်လီၤ. ယဆၢဂ့ၤဆၢဝါဘၣ်ပှၤတဖၣ်လၢအဘၣ်ဃးဒီးစီၤအရံးစတီးဘူလူး အဒူၣ်ဖိထၢဖိန့ၣ်လီၤ.

ရိမ့ၤ 16:10 Iomraidhean Croise

ရိမ့ၤ 14:18

ဒီးပှၤလၢအမၤခရံာ်အတၢ်မၤလၢကျဲဒ်အံၤတဂၤန့ၣ်, ကဒုးသးခုယွၤဒီးကဒိးန့ၢ်ဘၣ်ပှၤကညီအတၢ်ဘၣ်သူၣ်ဘၣ်သးန့ၣ်လီၤ.

ရိမ့ၤ 16:3

ယဆှၢယတၢ်ဆၢဂ့ၤဆၢဝါတဖၣ်ဆူနီၢ်ပြံစကံးလၤဒီးစီၤအကူလၤ, လၢအမ့ၢ်ယပှၤမၤသကိးတၢ်တဖၣ်လၢယ့ၣ်ၡူးခရံာ်အတၢ်မၤအပူၤ အအိၣ်လီၤ.

ရိမ့ၤ 16:7

ယဆှၢတၢ်ဆၢဂ့ၤဆၢဝါတဖၣ်ဆူစီၤအၤဒြနံကူးဒီးစီၤယူၤနံ, လၢအမ့ၢ်ပှၤယူဒၤဖိသကိးသကိးဒီးယၤ, လၢအလီၤဃိာ်ပူၤဒီး ယၤအအိၣ်န့ၣ်လီၤ. အဝဲသ့ၣ်ဘၣ်တၢ်သ့ၣ်ညါအီၤအါမးလၢပှၤတၢ်မၢဖိတဖၣ် အကျါ, ဒီးအဝဲသ့ၣ်ကဲထီၣ်ခရံာ်ဖိလၢယမဲာ်ညါန့ၣ်လီၤ.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

1 ကရံၣ်သူး 11:19

သပှၢ်ကတၢၢ်တၢ်လီၤမုၢ်လီၤဖးကအိၣ်ဝဲဒၣ်လၢသုသိးသုကျါ, ဒ်သိးပှၤလၢအဂ့ၤအဝါတဖၣ်ကဘၣ်တၢ်ထံၣ်သ့ၣ်ညါအီၤဖျါဖျါ အဂီၢ်န့ၣ်လီၤ.

၂ ကရံၣ်သူး 12:2

ယသ့ၣ်ညါပှၤခရံာ်ဖိတဂၤလၢအပူၤကွံာ်တဆံလွံၢ်နံၣ်န့ၣ်, ဘၣ်တၢ်စိာ်ထီၣ်အီၤဆူမူခိၣ်အထီကတၢၢ်လီၤ. (တၢ်တမံၤအံၤမၤစဲဃဲၤအသးနီၢ်နီၢ်ဧါ, မ့တမ့ၢ်, မ့ၢ်အဝဲထံၣ်တၢ်လၢညါခီလဲၣ်န့ၣ်ယတသ့ၣ်ညါဘၣ်. ထဲကစၢ်ယွၤတဂၤဧိၤသ့ၣ်ညါဝဲလီၤ.)

၂ ကရံၣ်သူး 2:9

ယကွဲးန့ၢ်သုလံာ်ပရၢတဘ့ၣ်န့ၣ်, အဂ့ၢ်မ့ၢ်လၢယသးအိၣ်သ့ၣ်ညါ ဘၣ်လၢသုကွၢ်ဆၢၣ်မဲာ်တၢ်မၤကွၢ်ဂ့ၤဆံးအါ, ဒီးမ့ၢ်သုအိၣ်ကတဲာ်ကတီၤသုသးထီဘိလၢသုကစူၢ် ယတၢ်သိၣ်လိနဲၣ်ယုၤတဖၣ်ကစီဒီဧါန့ၣ်လီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

၂ ကရံၣ်သူး 8:22

လၢတၢ်န့ၣ်အဃိ, လၢအဝဲသ့ၣ်တဖၣ်အသိးအကျါန့ၣ်ပဆှၢ လီၤစ့ၢ်ကီးပဒီပုၢ်ဝဲၢ်န့ၣ်လီၤ. ပမၤကွၢ်အီၤအါစုအါဘျီဒီးထံၣ်ဘၣ်လၢထီဘိအဝဲအသး ဆူၣ်မၤစၢၤတၢ်ဒိၣ်မးန့ၣ်လီၤ. ဒီးခဲကနံၣ်အံၤဒ်အဝဲအိၣ်လံဒီးတၢ်စူၢ်တၢ်နာ်အဒိၣ်အမုၢ် လၢသုပူၤအသိးန့ၣ်, အဝဲအသးဆူၣ်ဒိၣ်န့ၢ်အလီၢ်လၢအကမၤ စၢၤတၢ်န့ၣ်လီၤ.

ကလၤတံ 1:22

ဖဲအဆၢကတီၢ်အဝဲန့ၣ်တၢ်အိၣ်ဖှိၣ်ဖိတဖၣ်ဖဲကီၢ်ယူဒၤအတၢ်အိၣ် ဖှိၣ်တဖၣ်အပူၤ, တသ့ၣ်ညါယၤလၢအနီၢ်ကစၢ်ဒၣ်ဝဲဒံးဘၣ်.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

ဖံလံးပံၤ 2:22

ဒီးသုနီၢ်ကစၢ်ဒၣ်သုဝဲသုသ့ၣ်ညါလၢအဝဲမ့ၢ်ပှၤလုၢ်ဒိၣ် ပှ့ၤဒိၣ်ဒ်လဲၣ်တဂၤဒီးအဝဲဒီးယၤဒ်ဖိဒီးပၢ်အသိး, ပမၤသကိးတၢ်တပူၤဃီလၢတၢ်သးခုကစီၣ်အတၢ်ဒိၣ်ထီၣ်လဲၢ်ထီၣ် အဂီၢ်ဒ်လဲၣ်အဂ့ၢ်န့ၣ်လီၤ.

၁ တံၤမသ့း 3:10

အဝဲသ့ၣ်ကြၢးဘၣ်တၢ်မၤကွၢ်ဆိအီၤလၢညါ, ဝံၤဒီးအဝဲသ့ၣ်မ့ၢ်ဖျိထီၣ်တၢ်မၤကွၢ်အံၤန့ၣ်, အဝဲသ့ၣ်ကဘၣ်တၢ်ပျဲမၤအီၤလၢတၢ်အိၣ်ဖှိၣ်အတၢ်မၤ န့ၣ်လီၤ.

၂ တံၤမသ့း 4:19

ယဆှၢတၢ်ဆၢဂ့ၤဆၢဝါတဖၣ်ဆူနီၢ်ပြံစကံးလၤဒီးစီၤအကူလၤ ဒီးစီၤအီးနံၤစံဖရူးအဒူၣ်ဖိထၢဖိအအိၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.