ရိမ့ၤ 15:7 - Sgaw Karen Common Bible

⁷ မၤသးဒ်န့ၣ်ဒီး, တူၢ်လိာ်လိာ်သုသးတဂၤဒီးတဂၤလၢကစၢ်ယွၤ အလၤကပီၤအဂီၢ်, ဒ်ခရံာ်တူၢ်လိာ်သုအသိးန့ၣ်တက့ၢ်.

ရိမ့ၤ 15:7 Iomraidhean Croise

လံာ်မးသဲ 10:40

ပှၤတဂၤလၢ်လၢ်လၢအတူၢ်လိာ်သုန့ၣ်တူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်တူၢ်လိာ်ပှၤလၢ အမၢလီၤယၤတဂၤန့ၣ်လီၤ.

လံာ်မၢ်ကူး 9:37

“ပှၤတဂၤလၢ်လၢ်လၢအတူၢ်လိာ်ဖိသၣ်ဒ်သိးအံၤတဂၤလၢယမံၤ အပူၤန့ၣ်, မ့ၢ်အတူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်, တမ့ၢ်ထဲအတူၢ်လိာ်ယၤဘၣ်. မ့မ့ၢ်တူၢ်လိာ်စ့ၢ်ကီးပှၤလၢအမၢလီၤယၤတဂၤန့ၣ်လီၤ.”

လံာ်လူၤကၣ် 15:2

ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်စးထီၣ် ကဒူးကဒ့ၣ်တၢ်ဒီးစံးဝဲ, “ပှၤတဂၤအံၤတူၢ်လိာ်ပှၤတၢ်ဒဲးဘးဖိတဖၣ်, ဒီးအီၣ်သကိးအီသကိးဃုာ်တၢ်ဒီးအဝဲသ့ၣ်ဒၣ်လဲာ်န့ၣ်လီၤ.”

လံာ်လူၤကၣ် 9:48

ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”

လံာ်ယိၤဟၣ် 13:34

ဒီးခဲကနံၣ်အံၤယဟ့ၣ်သုတၢ်မၤလိာ်အသီတထံၣ်, အဲၣ်လိာ်ကွံလိာ်သုသးတဂၤဒီးတဂၤတက့ၢ်. ဒ်ယအဲၣ်တ့ၢ်သု အသိးန့ၣ်, သုကဘၣ်အဲၣ်လိာ်ကွံလိာ်သုသးတဂၤဒီး တဂၤဒ်န့ၣ်အသိးလီၤ.

လံာ်ယိၤဟၣ် 6:37

ကယဲၢ်ပှၤလၢယပၢ်ဟ့ၣ်လီၤယၤတဖၣ်န့ၣ်ကဟဲဆူယအိၣ် လီၤ. ဒီးပှၤလၢအဟဲဆူယအိၣ်တဖၣ်န့ၣ်ယတဟီထီၣ်ကွံာ် အီၤနီတဂၤဘၣ်.

ရိမ့ၤ 15:9

ဒီးလၢကမၤစၢၤစ့ၢ်ကီးပှၤကလုာ်ဂၤတဖၣ်ဒ်သိးကစံးထီၣ်ပတြၢၤ ကစၢ်ယွၤလၢအတၢ်သးကညီၤအဃိန့ၣ်လီၤ. ဒ်တၢ်ကွဲးအသးစံးဝဲအသိး, လၢတၢ်အံၤအဃိယကစံးထီၣ်ပတြၢၤနၤလၢပှၤ ကလုာ်ဂၤတဖၣ်အကျါ, ယကသးဝံၣ်စံးထီၣ်ပတြၢၤနမံၤလီၤ.

ရိမ့ၤ 5:2

အဝဲဆှၢပှၤ, ခီဖျိတၢ်နာ်, ဆူတၢ်လဲၤခီဖျိကလၢၢ်ဘၣ်ကစၢ် ယွၤအဘျုးအဖှိၣ်လၢပအိၣ်မူလၢအပူၤခဲအံၤန့ၣ်လီၤ. သတးဒီး ပသးခုဒီးပာ်ကဖၢလၢပသးလၢပအိၣ်ဒီးတၢ်မုၢ်လၢ်လၢ ပကဒိးန့ၢ်ဃုာ်ကစၢ်ယွၤအလၤကပီၤအဃိန့ၣ်လီၤ.

အ့းဖ့းစူး 1:12

လၢတၢ်န့ၣ်အဃိ, ပဝဲလၢအမ့ၢ်ပှၤအဆိကတၢၢ်လၢ အမုၢ်လၢ်တၢ်လၢခရံာ်အပူၤတဖၣ်န့ၣ်, မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

ကလီးစဲ 3:13

ဝံသးစူၤလိာ်သုသးဒီးတၢ်ပာ်ဒ့ၣ်ပာ်ကမၣ်လိာ်သုသးအလီၢ်မ့ၢ် အိၣ်ဒီးပျၢ်လိာ်သုတၢ်ကမၣ်သကိးသကိးတက့ၢ်. ပျၢ်လိာ်သုတၢ် ကမၣ်တဂၤဒီးတဂၤဒ်ကစၢ်ပျၢ်တ့ၢ်လံသုတၢ်ကမၣ်အသိးန့ၣ်တက့ၢ်.