ရိမ့ၤ 15:5 - Sgaw Karen Common Bible

⁵ ဒီးမ်ကစၢ်ယွၤ, လၢအမ့ၢ်တၢ်သူၣ်စူၤသးစူၤဒီးတၢ်ဟ့ၣ် ဂံၢ်ဟ့ၣ်ဘါအဂံၢ်ထံး, မၤစၢၤသုဒ်သိးသုကအိၣ်မူသကိးလၢတၢ်ဃူတၢ်ဖိး အပူၤခီဖျိတၢ်ကွၢ်လိမၤဒိးယ့ၣ်ၡူးခရံာ်,

ရိမ့ၤ 15:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

လံာ်တၢ်ဟးထီၣ်ကွံာ် 34:6

အန့ၣ်ဒီးယွၤလဲၤခီဂာ်လၢအမဲာ်ညါဒီးကိးထီၣ်ဝဲ, “ယၤ, ယွၤ, မ့ၢ်ကစၢ်ယွၤလၢအပှဲၤဒီးတၢ်သူၣ်အိၣ်သးအိၣ်ဒီးတၢ်သးကညီၤ, တသးဒိၣ်ထီၣ်တၢ်ညီကဒၣ်ဘၣ်, ဒီးဒုၣ်နဲၣ်တၢ်အဲၣ်တၢ်ကွံ ဒီးသူၣ်တီသးတီလၢအဒိၣ်ဝဲန့ၣ်လီၤ.

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်ယဃ့းစက့လး 11:19

ယကဟ့ၣ်လီၤအဝဲသ့ၣ်လၢသးအကံၢ်အလဲအသီဒီးသးလၢ အသ့ၣ်ညါဒၣ်တၢ်အသီလီၤ. ယကဟံးထီၣ်ကွံာ်အဝဲသ့ၣ်အသးလၢအကိၤဒ်လၢၢ်အသိးဒီးဟ့ၣ်လီၤ အဝဲသ့ၣ်လၢသးလၢအစူၢ်တၢ်တဖျၢၣ်န့ၣ်လီၤ.

မၤတၢ် 4:32

ပှၤစူၢ်က့ၤနာ်က့ၤတၢ်ခဲလၢာ်အိၣ်ဒီးတၢ်ဆိကမိၣ်တမံၤဃီဒီးသူၣ် တဖျၢၣ်ဃီသးတဖျၢၣ်ဃီန့ၣ်လီၤ. ကယဲၢ်တၢ်အိၣ်ဒီးယၤမ့ၢ်ဒၣ်ထဲလၢယဂီၢ်ဧိၤလီၤန့ၣ်, တစံးဝဲနီတဂၤဘၣ်. မ့မ့ၢ်အဝဲသ့ၣ်ဟ့ၣ်နီၤလိာ်သကိးအသးတၢ်တမံၤလၢ်လၢ်လၢ အအိၣ်ဒီးအီၤ, တဂၤဒီးတဂၤန့ၣ်လီၤ.

ရိမ့ၤ 12:16

သူၣ်အိၣ်သးအိၣ်ပှၤကိးဂၤဒဲးဒ်သိးသိးတက့ၢ်. တဘၣ်ပာ်ထီၣ်ထီသုသးတဂ့ၤ, မ့မ့ၢ်ရ့တံၤရ့သကိးဒီးပှၤဖှီၣ်ဖိယာ်ဖိတဖၣ်တက့ၢ်. တဘၣ်ဆိကမိၣ်လီၤသုသးလၢသုကူၣ်ဘၣ်ကူၣ်သ့တဂ့ၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 15:3

အဂ့ၢ်ဒ်လဲၣ်န့ၣ်, ခရံာ်တလူၤအသးဒၣ်ဝဲဘၣ်. အခိၣ်တလိာ်ဒ်တၢ်ကွဲးအသးစီဆှံစံးဝဲအသိး, ‘တၢ်ဒုၣ်ဒွဲၣ်တဖၣ်လၢပှၤဂၤတဖၣ်ဒုၣ်ဒွဲၣ်နၤန့ၣ်လီၤဘၣ်လၢ ယလိၤလံ.’

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

ဖံလံးပံၤ 1:27

အခဲအံၤ, တၢ်လၢအကါဒိၣ်န့ၣ်မ့ၢ်ဝဲသုတၢ်အိၣ်မူအကျဲကြၢးမ့ၢ်ဝဲဒ် ခရံာ်အတၢ်သးခုကစီၣ်လိၣ်ဘၣ်ဝဲအသိး, ဒ်သိးယလဲၤထံၣ်လိာ် သုသ့မ့ၢ်ဂ့ၤ, တသ့မ့ၢ်ဂ့ၤ, ယကနၢ်ဟူဘၣ်ယဲလၢသုဆၢထၢၣ်ဂၢၢ်ကျၢၤအိၣ်ဒီးတၢ်တိာ်ပာ် တမံၤဃီဒီးလၢတၢ်အဲၣ်ဒိးတမံၤဃီအပူၤ, သုဒုးသကိးတၢ်လၢတၢ်စူၢ်တၢ်နာ်ဘၣ်ဃးဒီးတၢ်သးခုကစီၣ် အဂီၢ်န့ၣ်လီၤ.

ဖံလံးပံၤ 2:2

လၢတၢ်န့ၣ်အဃိ, ယသဆၣ်ထီၣ်သုခံလၢသုကဒုးသူၣ်ခုသးခုယၤလၢာ်လၢာ် ဆ့ဆ့ခီဖျိသုအိၣ်ဒီးတၢ်ဆိကမိၣ်တမံၤဃီ, တၢ်အဲၣ်တၢ်ကွံ တမံၤဃီ, အိၣ်ဒီးသုသးတဖျၢၣ်ဃီဒီးဆိကမိၣ်တၢ်တမံၤဃီန့ၣ်လီၤ.

ဖံလံးပံၤ 3:16

ဒ်လဲၣ်ဂ့ၤဒ်လဲၣ်ဂ့ၤန့ၣ်, မ်ပကလဲၤတၢ်ဆူညါဒ်တၢ်ဘျၢတမံၤဃီလၢပပိာ်ထွဲတ့ၢ်အီၤတုၤခဲ ကနံၣ်အံၤန့ၣ်တက့ၢ်.

ဖံလံးပံၤ 4:2

နီၢ်အူၤအိဒံၤဒီးနီၢ်စူၣ်တူဃ့ၤသ့ၣ်ဧၢ, ယဃ့ကညးသုလၢသုကဝံသးစူၤအိၣ်ဃူအိၣ်ဖိးလိာ်သုသးဒ်ဒီ ပုၢ်ဝဲၢ်မုၣ်တဖၣ်အသိးလၢကစၢ်အပူၤန့ၣ်လီၤ.

၁ ပ့းတရူး 3:20

သးတဖၣ်အံၤမ့ၢ်တ့ၢ်ပှၤတဖၣ်လၢအတစူၢ်ကစၢ်ယွၤဖဲကစၢ်ယွၤ အိၣ်ခိးအဝဲသ့ၣ်လၢတၢ်သးစူၤအပူၤဖဲစီၤနိအၤဘှီထီၣ်အကဘီ အခါန့ၣ်လီၤ. ပှၤစှၤဂၤလၢကဘီပူၤ, ခဲလၢာ်ဃိးဂၤ ဘၣ်တၢ်အုၣ်က့ၤခီၣ်က့ၤအီၤလၢထံ,

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.

၂ ပ့းတရူး 3:15

ပာ်ပကစၢ်အတၢ်ဝံသးစူၤဒ်အမ့ၢ်တၢ်ခွဲးတၢ်ယာ်လၢအဟ့ၣ် သုလၢသုကတုၤလၢတၢ်အုၣ်က့ၤခီၣ်က့ၤအဂီၢ်, ဒ်ပဒီပုၢ်ဝဲၢ်သးဘိစီၤပီလူးကွဲးန့ၢ်သုအိၣ်ဒီးတၢ်သူတၢ် ကူၣ်သ့ကူၣ်ဘၣ်လၢကစၢ်ယွၤဟ့ၣ်အီၤအသိးန့ၣ်တက့ၢ်.

၂ ပ့းတရူး 3:9

ကစၢ်တမၤယံာ်မၤနီၢ်အသးလၢတၢ်လၢအစံးပာ်တ့ၢ်ဝဲ, ဒ်ပှၤတနီၤဆိကမိၣ်ဝဲအသိးန့ၣ်ဘၣ်. မ့မ့ၢ်တခီ, အဝဲဝံသးစူၤသုမ့ၢ်လၢအတသးအိၣ်လၢပှၤကတုၤ တၢ်ဟးဂီၤနီတဂၤဘၣ်, ဒီးသးအိၣ်ဝဲပှၤခဲလၢာ်ကဃၣ်ကွံာ်အသးလၢ အတၢ်ဒဲးဘးတဖၣ်အဃိန့ၣ်လီၤ.