ရိမ့ၤ 15:31 - Sgaw Karen Common Bible

³¹ ဘါထုကဖၣ်ဒ်သိးယကပူၤဖျဲးဒီးပှၤယူဒၤဖိလၢအတစူၢ် တနာ်ယ့ၣ်ၡူးခရံာ်တဖၣ်အတၢ်မၤအၢမၤသီ, ဒီးဒ်သိးယတၢ်ဖံးတၢ်မၤဖဲဝ့ၢ်ယရူၤၡလ့ၣ်အပူၤကဘၣ်တၢ်တူၢ်လိာ် အီၤလၢကစၢ်ယွၤအပှၤစီဆှံဖဲန့ၣ်တဖၣ်အဂီၢ်န့ၣ်တက့ၢ်.

ရိမ့ၤ 15:31 Iomraidhean Croise

မၤတၢ် 22:24

ရိမ့ၤသုးဖိတကထိအခိၣ်ဟ့ၣ်လီၤအကလုၢ်ဆူအပှၤတဖၣ် အအိၣ်ဒ်သိးအကဆှၢစီၤပီလူးဆူသုးဖိအိၣ်တၢ်အလီၢ်တိာ်ပူၤ, ဒီးမၢအဝဲသ့ၣ်ဖျ့အီၤလၢအကဃုသ့ၣ်ညါပှၤယူဒၤဖိတဖၣ်ကိး ပသူထီဒါအီၤလၢမနုၤအဂ့ၢ်လဲၣ်န့ၣ်လီၤ.

မၤတၢ် 25:2

ပှၤလုၢ်တၢ်အခိၣ်အဒိၣ်ဒီးပှၤယူဒၤဖိအခိၣ်အနၢ်တဖၣ်ပာ်ဖျါထီၣ် တၢ်ကမၣ်လၢအပာ်ဝဲလၢစီၤပီလူးအလိၤန့ၣ်လီၤ. အဝဲသ့ၣ်ဃ့ ကညးစီၤဖ့စတူး,

မၤတၢ် 25:24

ဒီးစီၤဖ့စတူးစံးဝဲ, “စီၤပၤအကြံးပၤဒီးပှၤလၢအအိၣ်ဒီး ပှၤဖဲအံၤခဲလၢာ်သ့ၣ်သုဧၢ, သုထံၣ်ဘၣ်ပှၤတဂၤအံၤလၢပှၤ ယူဒၤဖိခဲလၢာ်, လၢအအိၣ်ဖဲအံၤမ့ၢ်ဂ့ၤလၢဝ့ၢ်ယရူၤၡလ့ၣ်မ့ၢ်ဂ့ၤ, ဟဲပတံထီၣ်တၢ်ဆူယအိၣ်လၢအဂ့ၢ်န့ၣ်လီၤ. အဝဲသ့ၣ်ကိးပသူထီၣ်လၢပှၤတဂၤအံၤတကြၢးအိၣ်မူလၢၤ ဘၣ်န့ၣ်လီၤ.

မၤတၢ် 9:13

စီၤအနၤနံစံးဆၢက့ၤဝဲ, “ကစၢ်ဧၢ, ယနၢ်ဟူဘၣ်တ့ၢ်လံပှၤအါဂၤတဲဘၣ်ယၤဘၣ်ဃးပှၤတဂၤအံၤအဂ့ၢ်, ဒီးလၢအမၤအၢမၤနးတ့ၢ်နပှၤစီဆှံလၢဝ့ၢ်ယရူၤၡလ့ၣ် အပူၤတဖၣ်အဂ့ၢ်ခဲလၢာ်န့ၣ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ရိမ့ၤ 15:25

မ့မ့ၢ်ခဲအံၤတခီ, ယကလဲၤဆူဝ့ၢ်ယရူၤၡလ့ၣ်လၢယကမၤတၢ်လၢကစၢ်ယွၤအပှၤ စီဆှံဖဲန့ၣ်တဖၣ်အဂီၢ်လီၤ.

1 ကရံၣ်သူး 16:15

သုသ့ၣ်ညါဘၣ်ဃးစီၤစတ့းဖနၣ်ဒီးအဒူၣ်ဖိထၢဖိအဂ့ၢ်လီၤ. အဝဲသ့ၣ်မ့ၢ်ပှၤအဆိကတၢၢ်တဖုလၢအကဲထီၣ်ပှၤခရံာ်ဖိလၢကီၢ် အဃါယၤအပူၤ, ဒီးဟ့ၣ်လီၤတ့ၢ်အသးဆူယွၤအပှၤဂီၢ်မုၢ်တဖၣ် အတၢ်ဖံးတၢ်မၤအပူၤလီၤ. ယဃ့ကညးသု, ယဒီပုၢ်ဝဲၢ်သ့ၣ်ဧၢ,

၂ ကရံၣ်သူး 1:10

အဝဲဒၣ်အုၣ်က့ၤခီၣ်က့ၤတ့ၢ်ပှၤလၢတၢ်လီၤပျံၤလီၤဖုးဖး ဒိၣ်တဖၣ်လၢအဘၣ်ဃးဒီးတၢ်သံ, ဒီးကအုၣ်က့ၤခီၣ်က့ၤပှၤ, ဒီးပပာ်လီၤတ့ၢ်ပတၢ်မုၢ်လၢ်လၢအဝဲဒၣ်အပူၤလၢအဝဲဒၣ် ကအုၣ်က့ၤခီၣ်က့ၤကဒီးပှၤ,

၂ ကရံၣ်သူး 8:4

အဝဲသ့ၣ်ဃ့ကညးပှၤဒီးဃ့န့ၢ်တၢ်အခွဲးအယာ်လၢအကမၤသကိး ဘၣ်တၢ်လၢတၢ်မၤစၢၤကစၢ်ယွၤအပှၤဂီၢ်မုၢ်ဖဲကီၢ်ယူဒၤအပူၤန့ၣ်လီၤ.

၂ ကရံၣ်သူး 9:1

အလီၢ်တအိၣ်နီၢ်နီၢ်လၢယကကွဲးတဲသုဘၣ်ဃးတၢ်မၤ စၢၤလၢအဘၣ်တၢ်ဆှၢလီၤအီၤဆူယွၤအပှၤဂီၢ်မုၢ်ဖဲကီၢ် ယူဒၤတဖၣ်အဂ့ၢ်န့ၣ်ဘၣ်.

၂ ကရံၣ်သူး 9:13

ဒီးလၢတၢ်အုၣ်အသးလၢသုတၢ်မၤတမံၤအံၤဟ့ၣ်ထီၣ်ဝဲအဃိ, ပှၤအါဒံအါဂၤကဟ့ၣ်တၢ်လၤကပီၤဆူကစၢ်ယွၤလၢသုတၢ်သး တီဒီးခရံာ်အတၢ်သးခုကစီၣ်လၢသုအၢၣ်လီၤပာ်ဖျါသုဝဲဖျါဖျါ အဃိဒီးလၢသုတၢ်နီၤဟ့ၣ်တၢ်ဆူအဝဲသ့ၣ်ဒီးဆူပှၤကိးဂၤဒဲး အအိၣ်အပူၤန့ၣ်, သုဟ့ၣ်တၢ်အါအါဂီၢ်ဂီၢ်လၢတၢ်သးအိၣ် အဃိန့ၣ်လီၤ.

၁ သ့းစၤလနံ 2:15

အဝဲသ့ၣ်တဖၣ်န့ၣ်, မ့ၢ်ပှၤလၢအမၤသံကစၢ်ယ့ၣ်ၡူးဒီးမၤသံ တ့ၢ်ဝံတဖၣ်, ဒီးမၤအၢမၤနးပဝဲဒၣ်န့ၣ်လီၤ. အဝဲသ့ၣ်မၤတၢ်တဘၣ်ကစၢ်ယွၤအသးဆံးဒိၣ်လဲၣ်. အဝဲသ့ၣ်အၢသီလၢပှၤကိးဂၤဒဲးအဖီခိၣ်ဆံးဒိၣ်လဲၣ်.

၂ သ့းစၤလနံ 3:2

ဃ့ဘါထုကဖၣ်စ့ၢ်ကီးလၢကစၢ်ယွၤကဒုးပူၤဖျဲးပှၤဒီးပှၤတတီတလိၤ, ဒီးပှၤအၢပှၤသီတဖၣ်န့ၣ်တက့ၢ်. အဂ့ၢ်ဒ်အံၤပှၤကိးဂၤဒဲးတနာ်တၢ်ကစီၣ်အံၤဘၣ်.

၂ တံၤမသ့း 3:11

ယတၢ်ဒိးတၢ်မၤအၢမၤနးယၤတဖၣ်ဒီးယတၢ်နးတၢ်ဖှီၣ် တဖၣ်န့ၣ်လီၤ. နသ့ၣ်ညါတၢ်လၢအမၤအသးဒီးယၤလၢဝ့ၢ် အၣ်တံၤအီာ်, ဝ့ၢ်အံၤကနံဒီးဝ့ၢ်လူစတြၤ, တၢ်မၤအၢမၤသီနးနးကျံၤကျံၤလၢယတူၢ်တ့ၢ်အီၤန့ၣ်လီၤ. ဘၣ်ဆၣ်ဒီးကစၢ်မၤပူၤဖျဲးယၤလၢတၢ်န့ၣ်တဖၣ်ခဲလၢာ်လီၤ.

၂ တံၤမသ့း 4:17

ဘၣ်ဆၣ်ဒီးကစၢ်အိၣ်ဒီးယၤဒီးဟ့ၣ်ယၤတၢ်ဂံၢ်တၢ်ဘါဒီးယတဲဖျါ ထီၣ်ဘၣ်တၢ်သးခုကစီၣ်အလၢအပှဲၤလၢပှၤကလုာ်ဂၤတဖၣ်ကနၢ်ဟူဘၣ် ဝဲအဂီၢ်န့ၣ်လီၤ. ဒီးယထူၣ်ဖျဲးထီၣ်ကွံာ်လၢတၢ်သံအကိာ်ပူၤန့ၣ်လီၤ.